ភ្នំពេញ ៖ កម្មការនីរូបស្រស់ម្នាក់ត្រូវបានជនសង្ស័យវាយផ្ទៃមុខនិងច្របាច់កហើយយកខ្សែភ្លើងឆក់ដៃ ខាងស្ដាំបន្ថែមបណ្ដាលឱ្យស្លាប់ក្នុងបន្ទប់ផ្ទះជួលជាន់ទី៤ហើយបានគេចខ្លួនបាត់អស់រយៈពេលជាច្រើនថ្ងៃមកហើយ។រួចចាក់សោបន្ទប់ពីខាងក្រៅដោយមិនមានអ្នកជិតខាងណាដឹងទេរហូតដល់មានក្លិន ទើបគេនាំគ្នាដើររកមើលនិងប្រទះឃើញបង្កឱ្យមានការភ្ញាក់ផ្អើលនិងរាយការណ៍ប្រាប់សមត្ថកិច្ចមូលដ្ឋាន ប៉ុស្តិ៍ស្ទឹងមានជ័យទី៣ ចុះពិនិត្យភ្លាមៗ។
ហេតុការណ៍នេះបានកើតឡើងកាលពីវេលាម៉ោង៣រសៀលថ្ងៃទី២២ខែកក្កដាឆ្នាំ២០២០ស្ថិតនៅចំណុចក្នុងបន្ទប់ផ្ទះជួល ជាន់ទី៤ ផ្ទះលេខ ១២៧Dជាប់ផ្ទះលក់ភេសជ្ជៈគ្រប់មុខ យីហោ ម៉ាក់ ស្រីពេជ្រ ម្ដុំលូប្រាំលើកំណាត់ផ្លូវវេងស្រេង ភូមិដំណាក់ធំទី៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
សមត្ថកិច្ចមូលដ្ឋាន ប៉ុស្តិ៍ស្ទឹងមានជ័យទី៣ បានឱ្យដឹងថា ស្ត្រីរងគ្រោះ ឈ្មោះ សួង ធី អាយុ៣៣ឆ្នាំ មុខរបរ ជាកម្មការនីរោងចក្រ ស្នាក់នៅបន្ទប់ផ្ទះជួល កើតហេតុ និងមានស្រុកកំណើត នៅភូមិខ្វិត ឃុំពាំងល្វា ស្រុកឧដុង្គ ខេត្តកំពង់ស្ពឺ ។
បើតាមការត្រួតពិនិត្យនិងធ្វើកោល្យវិច័យរួចរាល់នោះលោកវេជ្ជបណ្ឌិតនងសុវណ្ណរ័ត្នជាគ្រូពេទ្យកោសល្យវិច័យរាជធានីភ្នំពេញបានសន្ឋិដ្ឋានថាជនរងគ្រោះបានស្លាប់ដោយអំពើឃាតកម្ម។ពីព្រោះមានស្នាមវាយលើផ្ទៃមុខ និងច្របាច់ ក ហើយយកខ្សែភ្លើងឆក់ដៃ ខាងស្ដាំបន្ថែម បណ្ដាលឱ្យស្លាប់ ។
ក្រោយពេលកើតហេតុ សមត្ថកិច្ចមូលដ្ឋាន បានស្រាវជ្រាវ និងទាក់ទង រកសាច់ញាតិស្ត្រីរងគ្រោះ និងបានធ្វើកំណត់ហេតុ ប្រគល់សាកសពឱ្យទៅសាច់ញាតិ យកទៅធ្វើបុណ្យ តាមប្រពៃណី ៕
