បាត់ដំបង៖បុរសម្នាក់បែកថ្នាំ(គ្រឿងញៀន)បានយកភ្លើងដុតផ្ទះខ្លួនឯងឆេះខ្ទេចហើយរាលទៅឆេះដល់ផ្ឋះអ្នកជិតខាងអស់២ខ្នងទៀតសរុបបីខ្នង។បន្ទាប់មកក៏រួចរត់ឡើងលើដំបូលផ្ទះជាន់ទី២រួចលោតចុះមកដីបណ្តាលឱ្យបាក់ជើងម្ខាង។ករណីនេះកើតឡើងនៅភូមិអូរតាគាំ១សង្កាត់ទួលតាឯកក្រុងបាត់ដំបងកាលពីរសៀលថ្ងៃទី២៨ខែមីនាឆ្នាំ២០២០។
មន្ត្រីសមត្ថកិច្ចបង្ការពន្លត់អគ្គិភ័យនិងសង្គ្រោះនៃស្នងការដ្ឋាននគរបាលខេត្តបានឱ្យដឹងថាជនបែកថ្នាំដែលលោតពីលើដំបូលផ្ទះបាក់ជើងទាំងពីរមានឈ្មោះហំហេងអាយុ២៦ឆ្នាំជាកូនម្ចាស់ផ្ទះមានផ្ទះ២ល្វែង។ប្រភពបានបញ្ជាក់ថាផ្ទះដែលឆេះទាំងបីខ្នងមាន១,ឈ្មោះឈិតទៀបភេទស្រីអាយុ៦៧ឆ្នាំផ្ទះធ្វើអំពិថ្មក្រោមឈើលើឆេះទាំងស្រុងមានទំហំ៨ម៉ែត្រគុណ១២ម៉ែត្រ។
២,ផ្ទះស្ត្រីដដែលមានទំហុំ៩ម៉ែត្រគុណ១៨ម៉ែត្រធ្វើពីបេតុងផ្ទាល់ដីឆេះប្រមាណ១០ភាគរយនិងផ្ទះទី៣,ឈ្មោះឯកធឿនភេទប្រុសអាយុ៥៧ឆ្នាំធ្វើអំពីឈើប្រក់សង្ក័សីទំហំ៦ម៉ែត្រគុណ១២ម៉ែត្រ(ឆេះអស់ប្រមាណ១០ភាគរយ)។ក្រោយទទួលបានដំណឹងភ្លាមលោកបានបញ្ចេញរថយន្តពន្លត់អគ្គិភ័យចំនួនបីគ្រឿងទៅជូតអន្តរាគមន៍បាញ់អស់ទឹក៣ឡានទើបរលត់ទៅវិញ។
ចំណែកជនបែកថ្នាំត្រូវបានបញ្ជូនទៅមន្ទីរពេទ្យបង្អែកខេត្តមិនទាន់ដឹងថាត្រូវបញ្ជូនទៅតុលាការខេត្តឬក៏បញ្ជូនទៅមណ្ឌលកែប្រែនៅឡើយទេ។អាស្រ័យលើលោកស្នការការសម្រេចក្រោយពេលជននេះជាសះស្បើយ៕