ភ្នំពេញ៖កាលពីព្រឹកថ្ងៃទី២២ខែកក្កដាឆ្នាំ២០២០លោកឧត្តមសេនីយ៍ឯកសថេតអគ្គស្នងការរងនគរបាលជាតិនិងជាស្នងការនគរបាលរាជធានីភ្នំពេញបានអញ្ជើញត្រួតពិនិត្យកម្លាំងនគរបាលអន្តរាគមន៍ពិសេសនៃស្នងការដ្ឋាននគរបាលរាជធានីភ្នំពេញសរុបចំនួន៦៥២នាក់។
ដើម្បីពង្រឹងសមត្ថភាពគុណភាពចេញដោះស្រាយសភាពការណ៍ទូទៅនិងទទួលបទបញ្ជាត្រៀមចេញពង្រឹងសន្តិសុខសណ្តាប់ធ្នាប់សុវត្ថិភាពស្ថិរភាពសង្គម។ក្នុងនោះមានការទទួលសម្លៀកបំពាក់ឧបករណ៍សម្ភារជាច្រើនជាមធ្យោបាយប្រើប្រាស់សម្រាប់ចេញប្រតិបត្តិការងារ។
យុទ្ធនាការចេញប្រតិបត្តិការបង្ការទប់ស្កាត់ បង្ក្រាបអំពើលួចឆក់ប្លន់និងការចូលរួមបង្ការទប់ស្កាត់ជម្ងឺឆ្លងផ្លូវដង្ហើមកូវីដ១៩ជាពិសេសទប់ស្កាត់ចំពោះក្លិបកម្សាន្តនិងខារ៉ាអូខេដែលនៅបើកលួចលាក់មិនអនុវត្តតាមវិធានរបស់ក្រសួងសុខាភិបាលនិងសេចក្តីណែរបស់សាលារាជធានីភ្នំពេញដែលជាហានិភ័យឆ្លងរាលដាលជំងឺឆ្លងកូវីដ១៩។
លោកឧត្តមសេនី
យ៍ឯកសថេតបានជំរុញកម្លាំងនគរបាលអន្តរាគមន៍ពិសេសនៅតាមអធិការដ្ឋាននគរបាលខណ្ឌទាំង១៤និងនៅស្នងការដ្ឋាននគរបាលរាជធានីភ្នំពេញត្រូវពង្រឹងវិន័យនគរបាលជាតិឱ្យបានម៉ឺងម៉ាត់ប្រចាំការនៅកន្លែងធ្វើការឱ្យបានជាប្រចាំដើម្បីចេញប្រតិបត្តិការដោះស្រាយសភាពការណ៍ទូទៅនិងការជួយសង្គ្រោះប្រជាពលរដ្ឋជួបគ្រោះឧបទ្ទវហេតុណាមួយកើតឡើង។
រំលឹកឱ្យត្រួតពិនិត្យទប់ស្កាត់ឡើងវិញរថយន្តធុនធំដែលធ្វើដំណើរចូលក្នុងរាជធានីភ្នំពេញមុនម៉ោង៩យប់។ជំរុញបន្តចេញដោះស្រាយសណ្តាប់ធ្នាប់សាធារណៈនៅដងផ្លូវនានាក្នុងរាជធានីភ្នំពេញនិងចុះសាកសួរសុខទុក្ខមន្ត្រីមានជំងឺនិងជួបគ្រោះថ្នាក់ផ្សេងៗ៕
