ស្ទឹងត្រែង:រថយន្តសាំយ៉ុងមួយគ្រឿងដឹកឈើខុសច្បាប់ត្រូវបានកម្លាំងកងរាជអាវុធហត្ថស្រុកបុរីអូរស្វាយសែនជ័យបង្ក្រាបបានព្រមទាំងឃាត់មនុស្សនឹងយកទាំងវត្ថុតាងទៅកាន់កន្លែងសមត្ថកិច្ច។ករណីធ្វើឡើងនៅលើកំណាត់ផ្លូវជាតិលេខ៧ត្រង់ចំណុចមុខចម្ការចេកស្ថិតក្នុងភូមិអូរស្វាយ ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែងកាលពីល្ងាច ថ្ងៃទី៧ ខែធ្នូ ឆ្នាំ២០១៩។
លោកលីមីណាអភិបាលស្រុកបុរីអូរស្វាយសែនជ័យទើបនឹងចូលកាន់មុខតំណែងស្រុកបង្កើតថ្មីបានប្រាប់ឱ្យដឹងថា រថយន្តពណ៌សរគ្មានស្លាកលេខ ដឹកឈើខាងលើចេញពីរស្រុកសៀមប៉ាង គោលដៅចូលមកកាន់ក្រុងស្ទឹងត្រែងដោយឆ្លងកាត់ស្រុកបុរីអូរស្វាយសែនជូយរបស់លោក។
ក្រោយពីមានការផ្តល់ព័ត៌មានលោកលោកបានបញ្ជាលោកហេងណានមេបញ្ជាការកងរាជអាវុធហត្ថស្រុកដឹកនាំកម្លាំងជំនាញចុះបង្ក្រាបភ្លាមៗដល់គោលដៅទើបឈានដល់បង្ក្រាបបានទាំងមនុស្សម្នាក់ រថយន្តនឹងឈើសុក្រំជាច្រើនសន្លឹកដែលផ្ទុកក្នុងរថយន្តសាំងយ៉ុង។
លោកហេងណានមេបញ្ជាការកងរាជអាវុធហត្ថស្រុកបុរីអូរស្វាយសែនជ័យបានឲ្យដឹងថាក្រោយពីរមានសេចក្តីរាយការណ៍មកថាមានរថយន្តដឹកឈើខុសច្បាប់ចុះពីរកោលដៅខាងលើបម្រុងទៅទីរួមខេត្តត្រូវកម្លាំងលោកសហការជាមួយជំនាញឈានដល់ការចុះបង្ក្រាបទាន់ពេលវេលាដោយមានការសម្របសម្រួលបញ្ចាផ្ទាល់ពីលោកអភិបាលស្រុក។
លោកហេងណានបានប្រាប់ឱ្យដឹងទៀតថារថយន្តនិងឈើសុក្រំចំនួន១៧ដុំរួមទាំងអ្នកបើកបររថយន្តត្រូវបាននាំទៅកាន់ទីបញ្ជាការរដ្ឋានកងរាជអាវុធហត្ថខេត្តដើម្បីកសាងសំណំរឿងចាត់ការបន្តតាមនីតិវិធីច្បាប់៕