បាត់ដំបង៖មុខសញ្ញាលួចកាច់សោម៉ូតូចំនួន២នាក់មានប្រវត្តិជាប់ពន្ធនាគាររហូតដល់ទៅ៣ដងត្រូវសមត្ថកិច្ចឃាត់ខ្លួនជាថ្មីលើករណីដដែលដូចគ្នា។
លោកវរសេនីយ៍ឯកឈឿងគឹមសុងនាយការិយាល័យនគរបាលព្រហ្មទណ្ឌខេត្តបាត់ដំបងបានប្រាប់ឱ្យដឹងថា៖ការឃាត់ខ្លួនជនសង្ស័យទាំង២នាក់នេះគឺជាការឃាត់ខ្លួនលើកទី៤ហើយក្រោយពីបានបញ្ជូនទៅកាន់តុលាកាផ្តន្ទាទោសឱ្យជាប់ពន្ធនាគារសរុបចំនួន៣លើកកន្លងមក។
លោកវរសេនីយ៍ឯកបានបន្តថាៈលើកចុងក្រោយធ្វើសកម្មភាពនៅចំណុចភូមិវត្តលៀបសង្កាត់ចំការសំរោងក្រុង/ខេត្តបាត់ដំបងក៏ត្រូវកម្លាំងនគរបាលចុះស្រាវជ្រាវឃាត់ខ្លួនបានកាលពីថ្ងៃទី២៦ ខែវិច្ឆកា ឆ្នាំ២០២០។មុខសញ្ញាដដែលមានឈ្មោះជាចាន់ថនភេទប្រុសអាយុ៣៥ឆ្នាំនិងម្នាក់ទៀតឈ្មោះជាចាន់ថុលភេទប្រុសអាយុ៣១ឆ្នាំទាំងពីរនាក់ត្រូវជាបងប្អូនគ្នាបច្ចុប្បន្នស្នាក់នៅបន្ទប់ជួលក្នុងភូមិអូរខ្ជាយសង្កាត់ព្រែកព្រះស្តេចក្រុងបាត់ដំបងខេត្តបាត់ដំបង។
សមត្ថកិច្ចដកហូតបានវត្ថុតាងរួមមានម៉ូតូចំនួន២គ្រឿង:ក្នុងនោះ១គ្រឿងម៉ាកហុងដាឌ្រីមពណ៌ខ្មៅស៊េរីឆ្នាំ២០១៨ពាក់ផ្លាកលេខបាត់ដំបង១AD៨៤០៥ជាម៉ូតូរបស់ជនរងគ្រោះដែលបានបាត់និង១គ្រឿងទៀតម៉ាកស៊ូស៊ូគីស្មាស់វីពណ៌ក្រហមស៊េរីឆ្នាំ២០១១ពាក់ផ្លាកលេខភ្នំពេញ១BA៦៣៦៧ជាម៉ូតូរបស់ជនសង្ស័យជិះធ្វើសកម្មភាព៕សុខុម
