បាត់ដំបងៈអនុគណៈកម្មាការសុវត្ថិភាពចរាចរណ៍ផ្លូវគោកខេត្តបាត់ដំបងសហការជាមួយការិយាល័យនគរបាលខេត្តកាលពីថ្ងៃទី២៦ខែវិច្ឆិកាឆ្នាំ២០២០បានឃាត់រថយន្តធុនធំដែលតទ្រុងខុសលក្ខណៈបច្ចេកទេស។
ក្នុងនោះបានកាត់ចោលនូវទ្រុងរថយន្តធុនធំ១គ្រឿងខ្ពស់លើសកន្លះមែត្រទៅលើនិងបណ្តោយលើស១,៨០ម៉ែត្រ។ឯ៤គ្រឿងទៀតក៏ខុសលក្ខណៈបច្ចេកទេសដែរតែដោយសារដឹកឥវ៉ាន់ពេញតម្រូវឱ្យម្ចាស់ទម្លាក់ឥវ៉ាន់ចុះសិនទើបផ្សាកាត់ទ្រុងចេញជាបន្តបន្ទាប់ ។
មន្ត្រីការិយាល័យចរាចរណ៍ផ្លូវគោកខេត្តបានឱ្យដឹងថាអនុគណៈកម្មការសុវត្ថិភាពចរាចរណ៍ផ្លូវគោកខេត្តបាត់ដំបងសហការជាមួយមន្ត្រីសាធារណការនិងដឹកជញ្ជូនខេត្តបានចុះអនុវត្តពិនិត្យរថយន្តធុនធំដែលតទ្រុងខុសបច្ចេកទេសនិងដឹកទំនិញលើសកំណត់ចំនួន៥គ្រឿង។
មន្ត្រីដដែលបានបន្តថាៈចំពោះរថយន្ត៤គ្រឿងទៀតក៏ដឹកទម្ងន់និងតទ្រុងខុសលក្ខណៈបច្ចេកទេសដែរ។ប៉ុន្តែដោយសារមានដឹកទំនិញពេញបើផ្សាកាត់ទ្រុងចេញអាចប៉ះពាល់ដល់ទំនិញដូច្នេះឱ្យម្ចាស់ហៅរថយន្តផ្សេងមកសាងឥវ៉ាន់ចេញអស់ទើបចាប់ផ្តើមកាត់ជាបន្តបន្ទាប់ដោយមិនអនុគ្រោះទៀតឡើយ៕វិចិត្រ
