Featured ព័ត៌មានអន្តរជាតិ

ចំនួនអ្នកឆ្លងកូវីដ-១៩ទូទាំងពិភពលោកកើនដល់ជាង៦១លាននាក់និងជាង៤០លាននាក់ជាសះស្បើយ

November 27, 2020 rsc Comment(0)

អន្តរជាតិ៖យោងតាមតួលេខស្តីពីចំនួនអ្នកឆ្លងនិងស្លាប់ដោយសារវីរុសកូវីដ១៩ចេញពីគេទំព័រអន្តរជាតិ Worldometerបានបង្ហាញថាៈគិតត្រឹមម៉ោង៦និង៣០នាទីព្រឹកថ្ងៃទី២៧ខែវិច្ឆិកាឆ្នាំ២០២០ចំនួនឆ្លងជំងឺកូវីដ១៩នៅទូទាំងពិភពលោកបានកើនឡើងដល់៦១.២៨០.៧៥១ករណីហើយ។

ក្នុងនោះមនុស្សសរុបអ្នកស្លាប់ចំនួន១.៤៣៦.៨៣២នាក់និងបានជាសះស្បើយជាង៤២លាននាក់។តួលេខខាងលើបានបញ្ជាក់ថាៈត្រឹមតែរយៈពេល២៤ម៉ោង ពិភពលោកទាំងមូលរកឃើញអ្នកឆ្លងសរុប ៥២៩.៧៩៣ករណី និងមានមនុស្សជាង១ម៉ឺននាក់បានស្លាប់។

សូមបញ្ជាក់ផងដែររហូតមកដល់ពេលនេះសហរដ្ឋអាមេរិកឈរនៅកំពូលតារាងនៃចំនួនអ្នកឆ្លងច្រើនជាងគេដែលគិតត្រឹមព្រឹកនេះផងដែរអាមេរិកមានមនុស្សសរុប១៣.២៤៥.២៦៧បានឆ្លងជិត២៧ម៉ឺននាក់ស្លាប់។ដោយឡែកព្រឹកថ្ងៃទី២៧ខែវិច្ឆិការឆ្នាំ២០២០សហរដ្ឋអាមេរិកបានរកឃើញករណីឆ្លងថ្មីសរុប ១០៤.៦៥៤នាក់ និងអ្នកជំងឺសរុប ១.២៥៩នាក់ បានស្លាប់៕

rsc

Featured នយោបាយ ព័ត៌មានសង្គម វប្បធម៌

សម្ពោធដាក់ប្រើប្រាស់វិហារអីស្លាម“នូរុលអៀសសាន្ត”គីឡូម៉ែត្រលេខ៧

June 18, 2023June 18, 2023 rsc

ភ្នំពេញ៖វិហារអីស្លាម“នូរុលអៀសសាន្ត”គីឡូម៉ែត្រលេខ៧ ស្ថិតក្នុងភូមិ១ សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ បានសម្ពោធដាក់ឱ្យប្រើប្រាស់ កាលពីថ្ងៃទី១៦ ខែមិថុនាឆ្នាំ២០២៣។ពិធីនេះក្រោមអធិបតីភាពលោកបណ្ឌិត ហ៊ុន ម៉ាណែតតំណាងដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត។លោក ឃួង ស្រេង អភិបាលរាជធានីភ្នំពេញបានរាយការណ៍ឱ្យដឹងថា វិហាអីស្លាម“នូរុលអៀសសាន្ត”បានសាងសង់ឡើងវិញក្នុងអំឡុងខែធ្នូឆ្នាំ២០១៦ និងបញ្ចប់ការសាងសង់ក្នុងខែមេសាឆ្នាំ២០១៩ ខណៈសំណង់អគារវិហារចាស់ដែលបានសាងសង់តាំងពីឆ្នាំ១៨១៥មកម្លេះ ដោយមានសភាពទ្រុឌទ្រោមខ្លាំង។សំណង់អគារវិហារថ្មីសង់ផុតពីដីទំហំទទឹង២៦មគុណ៣៦ម៉ែត្រ អាចផ្ទុកអ្នកថ្វាយបង្គំប្រមាណ១.០០០នាក់។ ក្រៅពីសំណង់អគារវិហារថ្មីក៏មានសមិទ្ធនានាៗជាច្រើនទៀតដូចជា-សាលារៀន-អគារអន្តេវេសិកដ្ឋាននិងអគារស្នាក់នៅ ដែលចំណាយថវិកាសាងសង់សរុបជាង៤១ម៉ឺន៥ពាន់ដុល្លារ។ក្នុងនោះ៨៥ភាគរយជាថវិកាទទួលបានពីសប្បុរសជនក្នុងស្រុកនិង១៥ភាគរយទទួលបានពីសប្បុរសជនក្រៅស្រុក។ជាមួយគ្នានេះលោក អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេសក៏បានចូលរួមថ្លែងនូវចំណាប់អារម្មណ៍ថា សមិទ្ធិផលថ្មីនេះអាចកើតមានឡើងដោយសារប្រទេសមានសុខសន្តិភាពពេញលេញ ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិត និងចក្ខុវិស័យច្បាស់លាស់ របស់សម្តេចតេជោ ហ៊ុន សែន នាយករដ្ឋមន្ត្រី។លោកបណ្ឌិតហ៊ុន ម៉ាណែត តំណាងដ៏ខ្ពង់ខ្ពស់សម្តេចតេជោ ហ៊ុនសែននាយករដ្ឋមន្ត្រីនៃកម្ពុជានិងសម្តេចកិត្តិព្រឹទ្ធបណ្ឌិត បានថ្លែងសាកសួរសុខទុក្ខនិងក្តីនឹករលឹកជូនចំពោះភ្ញៀវកិត្តិយសបងប្អូនសាសនិកអីស្លាមសិស្សានុសិស្ស ក្រុមយុវជន និងពលរដ្ឋទាំងអស់ខណ្ឌឬស្សីកែវក្នុងមនោសញ្ចេតនាស្រឡាញ់។លោកបណ្ឌិត ហ៊ុន ម៉ាណែត បានអបអរសាទរចំពោះការសម្ពោធដាក់ឱ្យប្រើប្រាស់ជាផ្លូវការវិហារអីស្លាម“នូរុលអៀសសាន្ត”និងសមិទ្ធផលនានាដែលបានសាងសង់ទ្បើងវិញ ដោយកម្លាំងរួបរួមសាមគ្គីរបស់ពលរដ្ឋជាសាសនិកអីស្លាមក្នុងស្រុក និងក្រៅប្រទេសដើម្បីជាទីកន្លែងថ្វាយបង្គំ រំលឹកដល់អល់ឡោះជាម្ចាស់ដោយកាយវិការនិងចិត្ត។លោកបណ្ឌិតក៏បានផ្តល់កិត្តិយសបំពាក់នូវគ្រឿងឥស្សរយស និងមេដាយមាស ជូនដល់គណៈកម្មការសាងសង់វិហារ និងសប្បុរសជន ដែលបានចូលរួមចំណែកជាមួយរាជរដ្ឋាភិបាល ក្នុងការអភិវឌ្ឍន៍ប្រទេសជាតិលើវិស័យសាសនា។ក្នុងឱកាសនេះ លោកបណ្ឌិតហ៊ុនម៉ាណែត បាននាំយកនូវអំណោយសម្តេចតេជោ […]

ព័ត៌មានអន្តរជាតិ

WHOប្រាប់ឱ្យត្រៀមទប់ទល់ការផ្ទុះវីរុសឆ្លងនៅតាមប្រទេសនិមួយៗខណៈអ្នកឆ្លងនិងស្លាប់នៅចិនបន្តកើនឡើង

February 2, 2020 rsc

ព័ត៌មានអន្តជាតិ៖ចំនួនមនុស្សស្លាប់ពីកូរ៉ូណាវីរុសនៅចិនកាលពីថ្ងៃសៅរ៍ទី១កុម្ភៈបានកើនឡើងដល់២៥៩នាក់ ហើយ។មន្ត្រីអង្គការសុខភាពពិភពលោក(WHO)បាននិយាយថា រដ្ឋាភិបាលនានាត្រូវត្រៀមគ្រប់គ្រងការផ្ទុះវីរុសបើសិនជាវាបានឆ្លងទៅដល់ប្រទេសរបស់គេ ។កាលពីថ្ងៃសៅរ៍នេះដែររដ្ឋាភិបាលក្រុងប៉េកាំងបានរិះគន់បទបញ្ជារបស់រដ្ឋាភិបាលក្រុងវ៉ាស៊ីនតោនដើម្បីហាមជនបរទេសដែលបាននៅចិនក្នុងរយៈពេល២សប្តាហ៍មកនេះចូលទឹកដីអាមេរិក។ អូស្ត្រាលី សិង្ហបុរី និងជប៉ុនក៏បានចាត់វិធានការស្រដៀងគ្នាដោយសិង្ហបុរីបានប្រកាសកាលពីថ្ងៃសុក្រនិង នាយករដ្ឋមន្ត្រីអូស្ត្រាលី លោកស្កត់ ម័ររីសុនបានប្រកាសកាលពីថ្ងៃសៅរ៍។ក្នុងពេលជាមួយគ្នា កូរ៉េខាងត្បូង ឥណ្ឌូនេស៊ី ម៉ាឡេស៊ី និងឥណ្ឌាបានដឹកពលរដ្ឋរបស់គេរាប់រយនាក់ចេញពីទីក្រុងវូហាន ទីក្រុងដែលជាស្នូលនៃការផ្ទុះកូរ៉ូណាវីរុស។អ្នកត្រូវជម្លៀសត្រូវបាននាំទៅដាក់ដាច់ពីគេកន្លះខែ។ រុស្ស៊ីក៏បាននិយាយថា ខ្លួននឹងជម្លៀសពលរដ្ឋរបស់ខ្លួនជាង២.៥០០នាក់ចេញពីកោះហៃណាន់នៅមួយថ្ងៃក្រោយខ្លួនបានប្រកាសបិទព្រំដែនជាមួយចិន។ចំនួនមនុស្សដែលត្រូវបានបញ្ជាក់ថាឆ្លងវីរុសជំងឺផ្លូវដង្ហើមនេះនៅចិនកើនដល់១១.៧៩១នាក់ ដោយកើនលើសចំនួនមនុស្សឆ្លងវីរុសជំងឺ SARSកាលពី១៧ឆ្នាំមុន។ វីរុសnCoV ដែលត្រូវគេជឿថាមានប្រភពចេញពីផ្សារលក់សាច់មួយក្នុងទីក្រុងវូហានកាលពីចុងឆ្នាំមុនបានរាលដាលទៅគ្រប់តំបន់នៃប្រទេសចិននិងបង្ហាញខ្លួននៅយ៉ាងតិច២០ប្រទេសដោយសារអ្នកដំណើរទៅពីចិន។ មន្ត្រីបក្សជាន់ខ្ពស់ម្នាក់នៅក្រុងវូហាន កាលពីថ្ងៃសុក្របានសម្តែងការសោកស្តាយដោយសារអាជ្ញាធរមូលដ្ឋានចាត់ការយឺតពេកក្នុងការទប់ស្កាត់វីរុសនេះកុំឱ្យវាឆ្លងរាលដាល៕រស្មីកម្ពុជា

Featured ព័ត៌មានទេសចរណ៍ ព័ត៌មានសង្គម សេដ្ឋកិច្ច

រាជរដ្ឋាភិបាលសម្រេចដាក់ឱ្យប្រើប្រាស់ជាបណ្តោះអាសន្នស្ពានស្ទឹងត្រង់-ក្រូចឆ្មារ

March 23, 2021 rsc

កំពង់ចាម៖ សម្តេចតេជោ ហ៊ុន សែន ប្រមុខរាជរដ្ឋាភិបាលសម្រេចដាក់ឱ្យដំណើរការឆ្លងកាត់ស្ពានមានតម្លៃមហាសាលមិត្តភាពកម្ពុជា-ចិនស្ទឹងត្រង់-ក្រូចឆ្មារ ជាបណ្តោះអាសន្នចាប់ពីថ្ងៃទី ២៣ ខែមីនា ឆ្នាំ២០២១នេះតទៅ។ លោក ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការ និងដឹកជញ្ជួនអមដំណើរដោយលោក អ៊ុន ចាន់ដា អភិបាលខេត្តកំពង់ចាម លោក ជាម ចាន់សោភ័ណ អភិបាលខេត្តត្បូងបានដឹកនាំចុះពិនិត្យស្ពានមិត្តភាពកម្ពុជា-ចិនស្ទឹងត្រង់-ក្រូចឆ្មារបានមានប្រសាសន៍ថា សម្តេចតេជោ ហ៊ុន សែន នាយករដ្ឋមន្រ្តី នៃ កម្ពុជាបានឯកភាពបើកឱ្យប្រើប្រាស់ស្ពាននេះ ជាបណ្តោះអាសន្នសិន គឺដើម្បីសម្រួលការធ្វើ់ដំណើរ និងចរាចរណ៍របស់ប្រជាពលរដ្ឋក្នុងឱ្យកាសបុណ្យចូលឆ្នាំប្រពៃណីខ្មែរខាងមុខ។ លោកទេសរដ្ឋមន្រ្តីបានមានប្រសាសន៍ទៀតថា ចំណែកពិធីសម្ពោធដាក់ឱ្យប្រើប្រាស់ផ្លូវការ គឺរង់ចាំពេលវេលាសមស្របបន្ទាប់ពីការរីរាលដាល នៃជំងឺកូវីដ ១៩ស្ងប់ស្ងាត់។ ចំពោះសាឡាងដែលប្រើប្រាស់ដឹកជញ្ជួនអ្នកដំណើរនៅតំបន់នោះលែងមានទៀតហើយ។ ដោយត្រូវបញ្ជួនកាន់កំពង់ចម្លងនៅទន្លេសាបត្រង់ចំណុចកំពង់លែងខេត្តកំពង់ឆ្នាំង។ ដើម្បីភ្ជាប់ផ្លូវជាតិលេខ៥១សេ ដោយសារទីនោះមិនទាន់មានឆ្លងកាត់នៅឡើយ។ គួរបញ្ជាក់ថា ស្ពានមិត្តភាពកម្ពុជា-ចិនស្ទឹងត្រង់-ក្រូចឆ្មារ គឺជាស្ពានឆ្លងកាត់ទន្លេមេគង្គថ្មីមួយទៀត តភ្ជាប់ទឹកដី នៃខេត្តកំពង់ចាម ទៅកាន់ទឹកដី នៃខេត្តត្បូងឃ្មុំ។ ស្ពានមួយនេះមានតម្លៃជិត ៦០លាន ដុល្លារ ដែលបានបើកការដ្ឋានស្ថាបនាកាលពីថ្ងៃទី៩ ខែមីនា ឆ្នាំ២០១៨ ក្រោយអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន […]

Related Articles

សម្ពោធដាក់ប្រើប្រាស់វិហារអីស្លាម“នូរុលអៀសសាន្ត”គីឡូម៉ែត្រលេខ៧

រាជរដ្ឋាភិបាលសម្រេចដាក់ឱ្យប្រើប្រាស់ជាបណ្តោះអាសន្នស្ពានស្ទឹងត្រង់-ក្រូចឆ្មារ

Leave a Reply Cancel reply