កម្លាំងសមត្ថកិច្ចខេត្តកណ្តាលបានបញ្ជូនជនជាតិចិន១៦នាក់ក្នុងចំណោមអ្នកត្រូវឃាត់ខ្លួន៧២នាក់ក្រោយពីបង្ក្រាបល្បែងអនឡាញដ៏ធំមួយក្នុងក្រុងតាខ្មៅទៅតុលាការដើម្បីចាត់ការតាមច្បាប់។លោកវរសេនីយ៍ឯក ឡាក់ ម៉េងធីស្នងការរងនគរបាលខេត្តកណ្តាលបានឱ្យដឹងថា កាលពីយប់ថ្ងៃទី២០ ខែកញ្ញាកន្លងទៅបន្ទាប់ពីមានការបញ្ជាពីថ្នាក់ខេត្តលោកបានដឹកនាំកម្លាំងចម្រុះចុះពិនិត្យទីតាំងអាជីវកម្មល្បែងអនឡាញ របស់ជនជាតិចិនមួយនៅក្នុងសង្កាត់តាក្តុល ក្រុងតាខ្មៅ។ក្នុងនោះបានរកឃើញជនជាតិចិនជាមេការ-អ្នកបច្ចេកទេសនិងបុគ្គលិកចំនួន៧២នាក់ ហើយសម្រេចបិទបិទទ្វារជាបណ្តោះអាសន្នដើម្បីឱ្យមន្ត្រីជំនាញអនុវត្តនីតិវិធី។លោកណុប ដារ៉ា អភិបាលរងខេត្តកណ្តាល បានឱ្យដឹងដែរថា បន្ទាប់ពីត្រួតពិនិត្យទីតាំងអាជីវកម្មខាងលើគឺអាជីវកម្មនេះជាប្រភេទល្បែងអនឡាញខុសច្បាប់ និងបានរកឃើញជនជនចិនចំនួន៧២នាក់។បន្ទាប់មកសមត្ថកិច្ចបានបញ្ជូន១៦នាក់ទៅតុលាការនិងក្រៅពីនោះគឺកំពុងសាកសួរទៅតាមនីតិវិធី។សូមបញ្ជាក់ថា ជនជាតិចិនទាំង៧២នាក់នោះមាន១៦នាក់មិនមានឯកសារត្រឹមត្រូវទេ។ការបើកល្បែងអនឡាញនៅទីតាំងខាងលើនេះគឺប្រើប្រាស់អាជ្ញាបណ្ណនៅរាជធានីភ្នំពេញ។ប៉ុន្តែពួកគេមកលួចបើកល្បែងអនឡាញនៅក្នុងក្រុងតាខ្មៅ ខេត្តកណ្តាលទៅវិញ៕
Related Articles
ប៉ូលិសឃាត់ខ្លួនទាហានសក្តិ៤ម្នាក់ដែលបាញ់កាំភ្លើង៣គ្រាប់បង្កភ្ញាក់ផ្អើល
ភ្នំពេញ៖មន្ត្រីយោធាម្នាក់ពាក់សក្តិ៤ម្នាក់មានវិបត្តិគិតអីមិនចេញផ្ទុះអាវុធ៣គ្រាប់ត្រូវប៉ូលិសឃាត់ខ្លួនបានភ្លាមនៅក្នុងបន្ទប់ជួលលេខC៥។ករណីនេះបានកើតឡើងនៅភូមិត្រពាំងរំចេកសង្កាត់ចោមចៅទី១ខណ្ឌពោធិ៍សែនជ័យកាលពីយប់ថ្ងៃទី១២ខែកក្កដាឆ្នាំ២០២០។ ករណីនេះបង្កឡើងដោយឈ្មោះសោមពិសិដ្ធភេទប្រុសអាយុ៣៦ឆ្នាំមុខរបរយោធាកងឯកភាពទីចាត់ការឃោសនាព័ត៌មានអគ្គបញ្ជាការឋានវរសេនីយ៍ត្រីយ៍អត្តលេខ០១៦៨២៩ប្រើប្រាស់អាវុធខ្លីម៉ាកK៥៩លេខ៧២៦១។នៅមុនពេលកើតហេតុជនបង្កបានមកផឹកស៊ីជាមួយមិត្តភក្តិចំនួន៤នាក់។ ពេលកំពុងផឹកនោះជនបង្កបាននិយាយថាពិបាកចិត្តណាស់។ប៉ុន្តែមិនដឹងថាពិបាកចិត្តរឿងអ្វីទេ។លុះមួយសន្ទុះក្រោយមកជនបង្កបានដកកាំភ្លើងបាញ់ចំនួន៣គ្រាប់មួយគ្រាប់បាញ់ក្នុងបន្ទប់ទឹកមួយគ្រាប់បាញ់ទ្វាបន្ទប់និងមួយគ្រាប់ទៀតបាញ់ឡើងលើ។បច្ចុប្បន្នជនបង្ករួមទាំងវត្ថុតាងត្រូវបាននគរបាលឃាត់ខ្លួននិងសាកសួររឿងលម្អិតនៃការផ្ទុះអាវុធនៅផ្នែកជំនាញនៃអធិការដ្ឋានខណ្ឌពោធិ៍សែនជ័យដលម្បីបន្តនីតិវីធី៕
គ្រោះថ្នាក់ចរាចរណ៍ស្លាប់១៤នាក់និងរបួស៤៦នាក់រយៈពីរថ្ងៃនៃបុណ្យភ្ជុំបិណ្ឌ
ភ្នំពេញៈ រយៈពេលពីរថ្ងៃនៃបុណ្យភ្ជុំបិណ្ឌ គឺពីថ្ងៃទី១៦-១៧ ខែកញ្ញា ឆ្នាំ២០២០ គ្រោះថ្នាក់ចរាចរណ៍បានកើតឡើងចំនួន ២១លើក បណ្តាលឲ្យមនុស្សស្លាប់ចំនួន ១៤នាក់ និងរបួសចំនួន ៤៦នាក់។ដោយក្នុងនោះរងរបួសធ្ងន់ចំនួន ២៩នាក់ និងរបួសស្រាលចំនួន ១៧នាក់។ នេះបើយោងតាមរបាយការណ៍របស់អគ្គស្នងការដ្ឋាននគរបាលជាតិ។ របាយការណ៍របស់អគ្គស្នងការដ្ឋាននគរបាលជាតិបានឱ្យដឹងថា នៅថ្ងៃបុណ្យភ្ជុំបិណ្ឌទី១ ត្រូវនឹងថ្ងៃទី១៦ ខែកញ្ញា ឆ្នាំ២០២០ មានមនុស្សចំនួន ៨នាក់ (ស្រី៤នាក់) បានស្លាប់ និងរបួសចំនួន ២៥នាក់ ។ក្នុងនោះរបួសធ្ងន់១៧នាក់ (ស្រី១០នាក់) និងរបួសស្រាល៨នាក់ (ស្រីម្នាក់) នៅក្នុងហេតុការណ៍គ្រោះថ្នាក់ចរាចរណ៍ដែលកើតឡើងនៅទូទាំងប្រទេស។ នៅថ្ងៃបុណ្យភ្ជុំបិណ្ឌទី២ ត្រូវនឹងថ្ងៃទី១៧ ខែកញ្ញា ឆ្នាំ២០២០ មានមនុស្សចំនួន ៦នាក់ បានស្លាប់ និងរបួសចំនួន ២១នាក់ ក្នុងនោះរបួសធ្ងន់ចំនួន ១២នាក់ និងរបួសស្រាលចំនួន ៩នាក់។យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេសចេញដោយនាយកដ្ឋាននគរបាលចរាចរណ៍និងសណ្តាប់សាធារណៈនៃអគ្គស្នងការដ្ឋាននគរបាលជាតិបានបញ្ជាក់ថាគ្រោះថ្នាក់ដែលបង្កឱ្យមានមនុស្សនិងរបួសគឺកើតឡើងដោយសារល្បឿនមិនប្រកាន់ស្តាំស្រវឹងនិងងងុយរួមទាំងកត្តាមួយចំនួនទៀត៕សុភាព
អតីតបុគ្គលិកសណ្ឋាគារដឺហ្គ្រេតឌ្យូកតម្រូវឱ្យទៅបើកប្រាក់អត្ថប្រយោជន៍នៅក្រសួងការងារ
ភ្នំពេញ៖ក្រសួងការងារ និងបណ្ដុះបណ្ដាលវិជ្ជាជីវៈបានចេញសេចក្ដីជូនដំណឹងមួយឱ្យដល់ អតីតបុគ្គលិកសណ្ឋាគារដឺ ហ្គ្រេតឌ្យូក (The Great Duke) ទៅបើកប្រាក់អត្ថប្រយោជន៍ដោយផ្ទាល់ខ្លួន ចាប់ថ្ងៃទី៣០ ខែឧសភា ឆ្នាំ២០២០នៅទីស្ដីការក្រសួងការងារ។ ក្នុងសេចក្តីជូនដំណឹងរបស់ក្រសួងការងារដែលបានចេញផ្សាយនៅថ្ងៃទី២៩ខែឧសភាឆ្នាំ២០២០នេះបានឱ្យដឹងថាក្រុមការងារក្រសួងនឹងបើកថវិកាជូនបុគ្គលិកទាំងអស់ដោយផ្ទាល់ដៃដល់សាម៉ីខ្លួននៅថ្ងៃសៅរ៍ទី៣០ខែឧសភាឆ្នាំ២០២០វេលាម៉ោង៨ព្រឹកនាទីស្តីការក្រសួងការងារ។ ក្នុងសេចក្តីជូនដំណឹងនេះបញ្ជាក់បន្ថែដោយតម្រូវឱ្យសាម៉ីខ្លួនត្រូវភ្ជាប់ឯកសារទៅជាមួយរួមមាន៖ទី១,កាតសម្គាល់ខ្លួនជាបុគ្គលិកក្នុងក្រុមហ៊ុន(ច្បាប់ដើម)។ទី២,អត្ដសញ្ញាណបណ្ណសញ្ជាតិខ្មែតឬលិខិតឆ្លងដែន (ច្បាប់ដើម និងភ្ជាប់ជាមួយច្បាប់ចម្លង)ទី៣,សៀវភៅគ្រួសារ ឬប័ណ្ណសមាជិក ប.ស.ស(ច្បាប់ដើម និងភ្ជាប់ជាមួយច្បាប់ថតចម្លង)។ ទី៤,ក្នុងករណីបុគ្គលិកណាម្នាក់ទទួលមរណភាពភាគីដែលជាប្ដីឬប្រពន្ធត្រូវភ្ជាប់ជាមួយឯកសារដែលបានរៀបរាប់ខាងលើនិងភ្ជាប់មកបន្ថែមជាមួយនូវ៖សំបុត្រមរណភាពរបស់បុគ្គលិក(សេចក្ដីចម្លងសំបុត្រមរណភាព)។សំបុត្រអាពាហ៍ពិពាហ៍ឬសៀវភៅគ្រួសារ(ច្បាប់ដើមនិងភ្ជាប់ជាមួយច្បាប់ថតចម្លង)និងអត្តសញ្ញាណបណ្ណសញ្ជាតិខ្មែរ ឬលិខិតឆ្លងដែន អ្នកមកបើកជំនួស (ច្បាប់ដើម និងភ្ជាប់ជាមួយច្បាប់ចម្លង)។ គួរបញ្ជាក់ថាសណ្ឋានគារដឺហ្គ្រេតឌ្យូក(TheGreatDukePhnomPenh)នៅដើមឆ្នាំ២០១៨បានប្រកាសបិទទ្វារឈប់ដំណើរការចាប់ពីថ្ងៃទី៣១ខែធ្នូឆ្នាំ២០១៩។សណ្ឋានគារមួយកន្លែងនេះលំដាប់ផ្កាយ៥ ដែលអតីតជាសណ្ឋានគារ អ៊ីនធើខនធីណង់តាល់ដ៏មានឈ្មោះមួយកន្លែងនារាជធានីភ្នំពេញ៕ប៉ូ