កោះកុង៖រថយន្តដឹកដែករោងការនិងសម្ភារធ្វើម្ហូបការបានក្រឡាប់ព្រោះតែការបើកបរហួសលឿនកំណត់បណ្តាលឱ្យមនុស្សរងរបួសធ្ងន់១៤នាក់នៅស្រុកបូទុមសាគរ។គ្រោះថ្នាក់ចរាចរនេះបានកើតឡើងនៅលើវិថីព្រឹទ្ធាចារសាយភូថងត្រង់ចំណុចចម្ការស្វាយស្ថិតក្នុងភូមិជីត្រេះឃុំអណ្តូងទឹកស្រុកបូទុមសាគរខេត្តកោះកុងកាលពីព្រឹកថ្ងៃទី២៨ខែកុម្ភៈឆ្នាំ២០២០
មន្ត្រីនគរបាលស្រុកបូទុមសាគរបានឱ្យដឹងថាគ្រោះថ្នាក់នេះបង្កឡើងដោយរថយន្ត១គ្រឿងម៉ាក KIA ពណ៌ខៀវពាក់ស្លាកលេខភ្នំពេញ២O៨០៧៤។ម្ចាស់រថយន្តខ្លួនឯងផ្ទាល់តែម្តងព្រោះតែបើកបរហួសល្បឿនកំណត់ត្រង់ចំណុចថ្នល់មានស្ថានភាពកោងខ្លាំងអំឡុងធ្វើដំណើរទិសដៅគ្រឿងសម្ភារធ្វើម្ហូបការត្រៀមធ្វើអាហារតាមការណាត់របស់ពលរដ្ឋម្ចាស់ការពីស្រុកស្រែអំបិល ឆ្ពោះទៅឃុំកោះស្តេច ស្រុកគិរីសាគរ។
ប្រភពបានបន្តថាគ្រោះថ្នាក់នេះយ៉ាងហោចណាស់មានមនុស្សស្រីប្រុសចំនួន១៤នាក់ស្រី៤នាក់ក្នុងចំណោះអ្នករងគ្រោះមាន២នាក់រងរបួសធ្ងន់ស្រីម្នាក់។ពួកគាត់ត្រូវបានបញ្ចូនទៅសង្គ្រោះបន្ទាន់នៅមណ្ឌលសុខភាពភ្លាមៗករណីមានអ្នកមានសភាពរបួសធ្ងន់នឹងបញ្ចូនបន្តទៅកាន់មន្ទីរពេទ្យបង្អែកខេត្ត។
របាយការណ៍នគរបាលស្រុកបង្ហាញថាឈ្មោះប៊ូយូសៀនភេទប្រុសអាយុ៤២ឆ្នាំទី២ឈ្មោះថាភេទប្រុស អាយុ៥៨ឆ្នាំទី៣ឈ្មោះឆកភេទប្រុសអាយុ៣២ឆ្នាំទី៤ឈ្មោះពៅភេទប្រុសអាយុ៣៣ឆ្នាំទី៥ឈ្មោះចក់ភេទប្រុសអាយុ៣៦ឆ្នាំទី៦ឈ្មោះផៃភេទប្រុសអាយុ៣៦ឆ្នាំទី៧ឈ្មោះព្រែកភេទប្រុសអាយុ៣២ឆ្នាំទី៨ឈ្មោះផែនភេទប្រុសអាយុ១៨ឆ្នាំទី៩ឈ្មោះណាតភេទប្រុសអាយុ៥០ឆ្នាំនិងទី១០ឈ្មោះវីភេទប្រុសអាយុ៣៥ឆ្នាំពួកគេភាគច្រើនមានទីលំនៅរាជធានីភ្នំពេញ ។
ដោយឡែកជនរងគ្រោះស្រី៤នាក់ទៀតមិនស្គាល់អត្ថសញ្ញាណនៅឡើយទេគ្រាបញ្ជូនទៅមណ្ឌលសុខភាពថ្មស។កន្លងទៅមន្ទីរសាធារណការខេត្តតែងអំពាវនាវដល់អ្នកបើកបរលើកំណាត់ផ្លូវជាតិលេខ៤៨ក្នុងភូមិសាស្ត្រខេត្តកោះកុងបង្កើនការប្រុងប្រយ័ត្នខ្ពស់ជៀសវាងបើកបរហួសល្បឿនកំណត់ទាំងមិនស្គាល់ស្ថានភាពច្បាស់លាស់ថា ចំណុចណាមានផ្លូវកោង ចុះចំណោទ ឬត្រង់៕
