អន្តរជាតិ៖ក្រុមហេសប៊ូឡារបស់លីបង់ បានបាញ់ប្រហារឆ្លងព្រំដែនប្រចាំថ្ងៃជាមួយសត្រូវសួពូជរបស់ខ្លួនគឺអ៊ីស្រាអែល។ខណៈដែលសង្គ្រាមកំពុងឆាបឆេះនៅតំបន់ហ្កាហ្សា ដោយក្រុមដែលគាំទ្រដោយអ៊ីរ៉ង់នេះ បានពង្រីកឃ្លាំងអាវុធដ៏ធំក្នុងប៉ុន្មានទសវត្សរ៍មកនេះ។ទីភ្នាក់ងារសារព័ត៌មាន AFP ពិនិត្យមើលកម្លាំងអាវុធរបស់ក្រុមមូស្លីមនិកាយស៊ីអ៊ីតនេះ និងរបៀបដែលអាវុធបានពង្រីកចាប់តាំងពីក្រុមនេះបានធ្វើសង្គ្រាមជាមួយអ៊ីស្រាអែលក្នុងឆ្នាំ ២០០៦។-ប្រដាប់អាវុធនិងមានគ្រោះថ្នាក់៖ ហេសប៊ូឡាគឺជាក្រុមសកម្មប្រយុទ្ធលីបង់តែមួយគត់ដែលបានរក្សាអាវុធរបស់ខ្លួនបាន។បន្ទាប់ពីទីបញ្ចប់នៃសង្គ្រាមស៊ីវិលឆ្នាំ១៩៧៥-១៩៩០ របស់លីបង់ ហើយឥឡូវនេះត្រូវបានចាត់ទុកថាមានឃ្លាំងអាវុធដ៏មានឥទ្ធិពលជាងកងទ័ពជាតិទៅទៀត។វាក៏ជាក្រុមដ៏មានឥទ្ធិពលបំផុតនៅក្នុង“អ័ក្សនៃការតស៊ូ”ដែលជាសម្ព័ន្ធមិត្តនៃបណ្តាក្រុមគាំទ្រដោយរដ្ឋាភិបាលក្រុងតេហេរ៉ង់ ដែលភាគច្រើនស្ថិតនៅប្រទេសអ៊ីរ៉ាក់ ស៊ីរី យេម៉ែន និងដែនដីប៉ាឡេស្ទីន។ សង្គ្រាមអ៊ីស្រាអ៊ែល-ហេសប៊ូឡាឆ្នាំ២០០៦ បានសម្លាប់មនុស្សជាង ១.២០០នាក់នៅក្នុងប្រទេសលីបង់ ភាគច្រើនជាជនស៊ីវិល និង១៦០នាក់នៅអ៊ីស្រាអែល ភាគច្រើនជាទាហាន។លោកស្រី ឌីណា អារ៉ាក់ជី (Dina Arakji) មកពីក្រុមហ៊ុនប្រឹក្សាយោបល់ Control Risks បាននិយាយថា “ចាប់តាំងពីពេលនោះមក ហេសប៊ូឡាបានពង្រីកបរិមាណនិងគុណភាពនៃឃ្លាំងអាវុធរបស់ខ្លួនយ៉ាងរឹងមាំ។លោកស្រីបាននិយាយទៀតថា “ក្នុងឆ្នាំ២០០៦ក្រុមនេះមានរ៉ុក្កែតប្រហែល១៥.០០០គ្រាប់ ។ខណៈការប៉ាន់ប្រមាណក្នុងរយៈពេលប៉ុន្មានឆ្នាំចុងក្រោយបង្ហាញថា ចំនួននេះបានគុណភាពនឹងជិត១០ដង”។ក្រុមនេះក៏ទទួលបានបទពិសោធន៍ប្រយុទ្ធដ៏សំខាន់ផងដែរ បន្ទាប់ពីបានឆ្លងកាត់ការប្រយុទ្ធគ្នាជាច្រើនឆ្នាំនៅខាងលោកប្រធានាធិបតី បាសាអាល់ អាសាដ (Bashar al-Assad) ក្នុងសង្គ្រាមស៊ីវិលរបស់ស៊ីរី។ការប៉ះទង្គិចគ្នានៅតាមព្រំដែនលីបង់-អ៊ីស្រាអែលបានចាប់ផ្តើមនៅថ្ងៃទី៨ ខែតុលា ពោលគឺមួយថ្ងៃបន្ទាប់ពីការវាយប្រហាររបស់ពួកហាម៉ាស់ប្រឆាំងនឹងអ៊ីស្រាអែលបានបង្កឱ្យមានសង្គ្រាម។ ប៉ុន្តែរហូតមកទល់ពេលនេះក្រុមហេសប៊ូឡាបានកំណត់មុខសញ្ញាគោលដៅរបស់ខ្លួនតែនៅជិតៗព្រំដែនអ៊ីស្រាអែលប៉ុណ្ណោះ។ប្រធានក្រុមហេសប៊ូឡា លោកហាសសាន់ ណាស្រាល់ឡា(Hassan Nasrallah) បាននិយាយម្តងហើយម្តងទៀតថា ក្រុមរបស់លោកមានអាវុធទំនើបៗដែលមានសមត្ថភាពវាយប្រហារជ្រៅទៅក្នុងទឹកដីអ៊ីស្រាអែល។-អ្នកប្រយុទ្ធនិងផ្លូវរូងក្រោមដី៖ក្នុងឆ្នាំ២០២១ លោកណាស្រាល់ឡាបានអះអាងថា ក្រុមរបស់គាត់មានអ្នកប្រយុទ្ធដែលហ្វឹកហាត់ និងប្រដាប់អាវុធប្រហែល១០០.០០០នាក់។ ប៉ុន្តែលោកស្រីអារ៉ាក់ជីបាននិយាយថា ចំនួនទ័ពទំនងជាធំជាងនេះ។លោកស្រីអារ៉ាក់ជីបានបន្តថា អ្នកប្រយុទ្ធរបស់ក្រុមនេះ រួមមានកងកម្លាំងវរជន ដែលគេស្គាល់ថា អង្គភាពរ៉ាដវ៉ាន់ (Radwan) ដែលអាចត្រូវបានពណ៌នាថាជាកងកម្លាំងពិសេសរបស់ក្រុមនេះ។ ចាប់តាំងពីជម្លោះឆ្នាំ២០០៦ បានបញ្ចប់ក្រុមមូស្លីមនិកាយស៊ីអ៊ីតនេះមិនមានវត្តមានយោធា ដែលអាចមើលឃើញនៅតាមព្រំដែនភាគខាងត្បូងនៃប្រទេសលីបង់ ដែលត្រូវបានល្បាតដោយកងរក្សាសន្តិភាពរបស់អង្គការសហប្រជាជាតិនោះទេ។ប៉ុន្តែក្រុមហេសប៊ូឡាបានរក្សាឥទ្ធិពលដ៏ធំនៅភាគខាងត្បូងប្រទេសលីបង់ ជាកន្លែងដែលខ្លួនបានសាងសង់កន្លែងលាក់ខ្លួននិងផ្លូវរូងក្រោមដីជាច្រើន។ អ៊ីស្រាអែលបានចោទប្រកាន់ក្រុមហេសប៊ូឡាថា បានសាងសង់ផ្លូវរូងក្រោមដីឆ្លងព្រំដែន ហើយបានអះអាងថាបានបំផ្លាញវាចោលជាច្រើនកន្លែង។លោកស្រីអារ៉ាក់ចាបាននិយាយថា បណ្តាញផ្លូវរូងក្រោមដីទំនងជាមានលក្ខណៈទូលំទូលាយមិនមានការចង្អុលបង្ហាញទេថា ក្រុមហេសប៊ូឡាបានបញ្ឈប់ការសាងសង់ផ្លូវរូងទាំងនោះ។ -មីស៊ីលបញ្ជាទិសជាក់លាក់៖ ក្នុងខែកញ្ញាឆ្នាំ២០១៨ លោកណាស្រាល់ឡាបាននិយាយថា ក្រុមរបស់គាត់បានទទួល“មីស៊ីលបញ្ជាទិសជាក់លាក់” បើទោះបីជាមានការខិតខំប្រឹងប្រែងរបស់អ៊ីស្រាអែល ក្នុងការរារាំងខ្លួនមិនឱ្យធ្វើដូច្នេះក៏ដោយ។លោកស្រីអារ៉ាក់ជីបាននិយាយថា មីស៊ីលបញ្ជាទិសជាក់លាក់អាចអនុញ្ញាតឱ្យក្រុមនេះ វាយប្រហារគោលដៅមុខសញ្ញាជាមួយនឹងកម្រិតខ្ពស់ នៃភាពត្រឹមត្រូវនិងកម្រិតនៃកំហុសទាប។ក្នុងខែកុម្ភៈឆ្នាំ២០២២ លោកណាស្រាល់ឡាបាននិយាយថា ហេសប៊ូឡាមាន“សមត្ថភាពបំប្លែងមីស៊ីលរបស់យើងទៅជាមីស៊ីលដ៏ជាក់លាក់”។ក្នុងខែសីហាឆ្នាំនេះ គាត់បាននិយាយថា ហេសប៊ូឡានឹងត្រូវការមីស៊ីលបញ្ជាទិសជាក់លាក់ខ្ពស់មួយចំនួន ដើម្បីបំផ្លាញគោលដៅរបស់អ៊ីស្រាអែលរួមមាន “អាកាសយានដ្ឋានស៊ីវិលនិងយោធា មូលដ្ឋានអាកាស ស្ថានីយថាមពល” និងរោងចក្រនុយក្លេអ៊ែរឌីម៉ូណា (Dimona)។-មីស៊ីលបញ្ជាទិស៖ ក្រុមហេសប៊ូឡាបាននិងកំពុងប្រើមីស៊ីលបញ្ជាទិសយ៉ាងទូលំទូលាយ ក្នុងការប៉ះទង្គិចគ្នាឆ្លងព្រំដែនចុងក្រោយ ពិសេសប្រឆាំងនឹងរថក្រោះអ៊ីស្រាអែល។កាលពីខែសីហា ក្រុមនេះបានប្រកាសថា ខ្លួនមានអាវុធឈ្មោះថា “God’s Revenge” ដែលត្រូវបានរចនាឡើងដើម្បីបាញ់មីស៊ីលប្រឆាំងរថក្រោះ Kornet របស់រុស្ស៊ី។យោងតាមប្រព័ន្ធផ្សព្វផ្សាយផ្លូវការរបស់ហេសប៊ូឡាបានឱ្យដឹងថា កាំជ្រួច២កាណុងនេះមានសមត្ថភាពវាយគោលដៅមុខសញ្ញាចំនួន២បានយ៉ាងត្រឹមត្រូវ ក្នុងពេលដំណាលគ្នា និងបំផ្លាញពួកវា។ ហេសប៊ូឡាមានមីស៊ីលពីដីទៅដីមិនបញ្ជាទិស ដែលមានចំនួនច្រើនក្នុងឃ្លាំងអំឡុងសង្គ្រាមឆ្នាំ២០០៦។Katyushas គឺជា “អាវុធជម្រើស” របស់ក្រុមនេះនៅក្នុងជម្លោះនោះ។ នេះបើយោងតាមរបាយការណ៍ឆ្នាំ២០១៨ ពីមជ្ឈមណ្ឌលសិក្សាយុទ្ធសាស្ត្រនិងអន្តរជាតិ CSIS ដែលមានមូលដ្ឋាននៅទីក្រុងវ៉ាស៊ីនតោន។តែគ្រឿងសព្វាវុធរបស់ក្រុមនេះក៏រួមបញ្ចូលទាំងគ្រាប់រ៉ុក្កែតFajr-5 របស់អ៊ីរ៉ង់ដែលអាចបាញ់បាន៧៥គីឡូម៉ែត្រ និងគ្រាប់រ៉ុក្កែត Raad ដែលអាចបាញ់បានចម្ងាយស្រដៀងគ្នា នេះបើយោងតាម CSIS។មីស៊ីលប្រឆាំងយន្តហោះ៖ក្រុមហេសប៊ូឡាក៏មានមីស៊ីលពីដីទៅអាកាសដែរ ដោយក្រុមនេះអះអាងថា បានទម្លាក់ដ្រូនរបស់អ៊ីស្រាអែលក្នុងការប្រយុទ្ធចុងក្រោយនេះ។វីដេអូរបស់ហេសប៊ូឡាផ្សាយក្នុងឆ្នាំ២០១៩ បានបង្ហាញអាវុធលីលើស្មានេះ ខណៈដែលក្រុមនេះគំរាមតម្រង់គោលដៅលើដ្រូនរបស់អ៊ីស្រាអែល។-មីស៊ីលប្រឆាំងនាវា៖ហេសប៊ូឡាបានប្រើអាវុធប្រឆាំងនាវាជាលើកដំបូងក្នុងឆ្នាំ២០០៦ ប្រឆាំងនឹងនាវាកងទ័ពជើងទឹកអ៊ីស្រាអែល INS Hanit ដែលឈរជើងក្បែរឆ្នេរនៃទីក្រុងបៃរូត។ក្នុងឆ្នាំ២០១៩ក្រុមនេះបានផ្សាយវីដេអូដែលបង្ហាញពីមីស៊ីលប្រឆាំងនាវា C-802 និង C-704 ដែលផលិតដោយចិន។ក្នុងឆ្នាំ២០២២មុនពេលលីបង់ និងអ៊ីស្រាអែលឈានដល់កិច្ចព្រមព្រៀងព្រំដែនសមុទ្រដែលសម្របសម្រួលដោយសហរដ្ឋអាមេរិក។ ក្រុមហេសប៊ូឡាបានគំរាមវាយប្រហារលើស្ថានីយរុករកឧស្ម័ននៅឆ្នេរសមុទ្រអ៊ីស្រាអែល។ហេសប៊ូឡាក៏មានមីស៊ីលប្រឆាំងនាវា Yakhont របស់រុស្ស៊ីក៏ដូចជាមីស៊ីលC-802 របស់អ៊ីរ៉ង់ផងដែរ នេះបើយោងតាមរបាយការណ៍របស់CSIS។-ដ្រូន៖ហេសប៊ូឡាក៏មានដ្រូនផងដែរ រួមទាំងដ្រូនស៊ើបការណ៍និងដ្រូនប្រយុទ្ធ ដែលខ្លះបានដាក់តាំងបង្ហាញក្នុងខែឧសភា ក្នុងអំឡុងពេលបង្ហាញកម្លាំងយោធា។ក្រុមនេះនិយាយថា ខ្លួនបានប្រើដ្រូនប្រដាប់អាវុធក្នុងការប្រយុទ្ធគ្នាតាមព្រំដែនថ្មីៗនេះ។ទាំងនេះជាកងកម្លាំងនិងសព្វាវុធគួរឱ្យខ្លាចរបស់ហេសប៊ូឡា។ តែអ៊ីស្រាអែលព្រមានកម្ទេចចោលបើហ៊ានតែលូកដៃចូលជ្រៅក្នុងសង្រ្គាមអ៊ីស្រាអែល-ហាម៉ាស់៕ប្រែសម្រួល៖កញ្ញាដាលីស វេបសាយរស្មីកម្ពុជា
Related Articles
បារាំងប្រគល់យន្តហោះប្រយុទ្ធ៥គ្រឿងដំបូងឱ្យទៅឥណ្ឌា
អន្តរជាតិ៖យន្តហោះប្រយុទ្ធទំនើបរបស់បារាំងម៉ាកRafaleចំនួន៥គ្រឿងដំបូង ដែលឥណ្ឌាទិញក្នុងតម្លៃរាប់ពាន់លានដុល្លារត្រូវបានបារាំងបញ្ជូនទៅឱ្យឥណ្ឌាកាលពីថ្ងៃចន្ទទី២៧កក្កដាឆ្នាំ២០២០សម្រាប់ការប្រើប្រាស់ជាបន្ទាន់ចំពេលមានភាពតានតឹងព្រំដែនជាមួយចិន។ កិច្ចព្រមព្រៀងដែលមានតំលៃ៩,៤ពាន់លានដុល្លារ ត្រូវបានញាំញីដោយការចោទប្រកាន់ថាជាប់ពាក់ព័ន្ធក្នុងអំពើពុករលួយ។តែនាយករដ្ឋមន្ត្រី ណារេនដ្រា ម៉ូឌី បានច្រានចោលការចោទប្រកាន់នេះ។ យន្តហោះដែលផលិតឡើងដោយក្រុមហ៊ុនDassault Aviationត្រូវបើកដោយអាកាសយានិកមកពីកងកម្លាំងអាកាសឥណ្ឌា ។ពួកវាបានចេញដំណើរពីក្រុងមេរីញ៉ាច់នៅបារាំងខាងត្បូងហើយត្រឹមថ្ងៃពុធទី២៩កក្កដា ពួកវាអាចនឹងទៅដល់មូលដ្ឋានទ័ពអាកាស Ambala នៅឥណ្ឌាខាងជើង ចម្ងាយប្រមាណ២០០គីឡូម៉ែត្រពីព្រំដែនចិនឬប៉ាគីស្ថាន។ ពួកវានឹងចាក់សាំងបន្ថែមនៅកណ្តាលអាកាស៤ដងក្នុងពេលហោះនិងក៏ត្រូវឈប់នៅក្រុង អាល់ ដាហ្វ្រា ក្នុងប្រទេសអារ៉ាប់រួមអេមីរ៉ាត កន្លែងដែលបារាំងមានតាំងមូលដ្ឋានទ័ពអាកាសមួយ។ ពួកវានឹងត្រូវអមដំណើរដោយយន្តហោះចាក់សាំងA330 Phenix MRTT ពីរគ្រឿងទៅពីកងទ័ពអាកាសបារាំង ដោយយន្តហោះមួយៗមានដឹកឧបករណ៍ជំនួយដង្ហើម៧០គ្រឿង ឧបករណ៍ធ្វើតេស្តិ៍រកវីរុសចំនួន១សែនសម្រាប់ ព្រមទាំងអ្នកជំនាញការសុខភាព១០ក្រុមដើម្បីគាំទ្រឥណ្ឌានៅក្នុងការប្រយុទ្ធនឹងជំងឺកូវីដ១៩។ ឥណ្ឌាបានបញ្ជាទិញយន្តហោះប្រភេទនេះចំនួន៣៦គ្រឿងកាលពីឆ្នាំ២០១៦ ហើយការប្រគល់វាឱ្យឥណ្ឌានឹងត្រូវបញ្ចប់នៅឆ្នាំ២០២២។យន្តហោះទំនើបនេះ ត្រូវរដ្ឋាភិបាលក្រុងញូវដេល្លីរង់ចាំទទួលយ៉ាងអន្ទះសារ ដោយសារតែចង់ធ្វើឱ្យប្រសើរកងកម្លាំងយន្តហោះចាស់ៗរបស់ខ្លួន ចំពេលមានភាពតានតឹងព្រំដែនជាមួយចិននិងប៉ាគីស្ថាន៕សំណាង
អ៊ីស្រាអែលបន្តទម្លាក់គ្រាប់បែកកម្ទេចរូងក្រោមដីរបស់ហាម៉ាស់
អន្តរជាតិ៖(ហ្គាហ្សា)៖យោធាអ៊ីស្រាអែលបានបន្តការវាយប្រហារតាមអាកាសទៅលើគោលដៅរបស់ខ្លួននៅក្នុងតំបន់ហ្គាហ្សាស្ទ្រីបដែលអះអាងថាបានសម្លាប់សមាជិកជាន់ខ្ពស់នៃក្រុមសកម្មប្រយុទ្ធហាម៉ាស់ប៉ាឡេស្ទីនគ្រប់គ្រងហ្គាហ្សាមានអ្នកស្លាប់កើនដល់២៥៦នាក់។ យោធាកាលពីថ្ងៃពុធ(១៩ឧសភា២០២១)បានវាយប្រហារតាមអាកាសវាយប្រហារលើផ្លូវរូងក្រោមដីដែលគេដឹងថាត្រូវបានសាងសង់ដោយក្រុមហាម៉ាស់ ក៏ដូចជាទីតាំងផ្សេងទៀតផងដែរ។កងទ័ពអ៊ីស្រាអែលបានដាក់ពង្រាយកម្លាំងនៅជិតព្រំដែនជាមួយតំបន់ហ្គាហ្សាស្ទ្រីប នឹងបានបាញ់កាំភ្លើងធំឆ្ពោះទៅតំបន់ព័ទ្ធជុំវិញ។ ក្រុមហាម៉ាស់បានវាយប្រហារយោធាអ៊ីស្រាអែលដោយគ្រាប់រ៉ុក្កែតនិងកាំភ្លើងត្បាល់។ គួរបញ្ជាក់ថា រហូតមកដល់ពេលនេះ ចំនួនអ្នកស្លាប់ត្រូវបានរាយការណ៍ថា មានដល់២៥៦នាក់នៅតំបន់ហ្គាហ្សា ក្នុងនោះកុមារ៦៩នាក់ ស្ត្រី៣៨នាក់ និងរបួស១.៦២០នាក់ ខាងអ៊ីស្រាអែល មានអ្នកស្លាប់១២នាក់ ។ចំណែកយោធាអ៊ីស្រាអែលបានអះអាងថា ខ្លួនបានសម្លាប់សមាជិកជាន់ខ្ពស់ របស់ក្រុមហាម៉ាស់ និងក្រុមសកម្មប្រយុទ្ធដទៃទៀត ជាង១០០នាក់៕សហការី
នាងRihannaទម្លាយពីស្ទីលថ្មី យ៉ាងស្រទន់សម្រាប់ស្រ្តីមានផ្ទៃពោះ
នៅពេលដែល Rihanna មានផ្ទៃពោះជាមួយកូនដំបូងនៅឆ្នាំ២០២២ នាងបានបង្វែរព្រំដែនសង្គម បែបអភិរក្សនិយមជាច្រើននៃរចនាប័ទ្មមាតុភាព។នាងបានថតរូបជាទៀងទាត់ចូលរួមក្នុងព្រឹត្តិការណ៍ និងកម្រាលព្រំក្រហមក្នុងឈុតតូច ស្បែកជើងកែងនិងសម្លៀកបំពាក់ទ្រនាប់សម្រាប់ទារក។ឥឡូវនេះខណៈដែលតារាចម្រៀង និងអ្នកជំនួញ និងដៃគូររបស់នាង ជាអ្នករ៉េប ASAP Rocky រំពឹងថា នឹងមានកូនទី២របស់ពួកគេ នាងកំពុងពង្រីកខ្លួននៅពេលមានផ្ទៃពោះ និងភាពជាឪពុកម្តាយ ប្រកបដោយសោភ័ណភាព ដោយការរចនា និងបញ្ចេញបណ្តុំកន្សោមសម្ភពតាមរយៈខោទ្រនាប់ម៉ាក Savage X Fenty។Rihanna បាននិយាយនៅក្នុងសេចក្តីប្រកាសព័ត៌មានមួយថា “កន្សោមសម្ភពថ្មីគឺអំពីការនាំយកនូវទំនុកចិត្ត និងការលួងលោមដល់ម្តាយ នៅគ្រប់ដំណាក់កាល នៃការធ្វើដំណើររបស់ពួកគេ” ។ “ខ្ញុំចង់រំលឹកមនុស្សថា អ្នកនៅតែអាចបញ្ចេញភាពសិចស៊ី និងមានអារម្មណ៍ល្អពេលធ្វើជាឪពុកម្តាយ”។ ខ្សែថ្មីនេះមានឈុតក្រាហ្វិចដែលមានទំហំធំជាមួយនឹងសារថា “Make More Babies” និងអាវទ្រនាប់ចំនួន៣ ដែលទាំងនេះត្រូវបានបំផុសគំនិត និងដាក់ឈ្មោះតាម រូបស្រមោលដ៏ពេញនិយមបំផុតរបស់ Savage X Fenty — Savage X Cotton, Floral Lace និង Savage Not Sorry ។ ការប្រមូលកន្សោមត្រូវបានរចនាឡើងដើម្បីឱ្យមានផាសុកភាព និងមុខងារសម្រាប់ម្តាយ […]