ភ្នំពេញ៖ផលត្រីនៅតាមគន្លងដាយនេសាទ ឆ្នាំនេះកើនឡើងជាងឆ្នាំមុន ដោយសារការ បង្ការ និងសហការបង្ក្រាបបទល្មើសនេសាទបានល្អច្រើន។នេះជាការថ្លែងរបស់លោកឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ពេលចុះពិនិត្យការប្រមូលផលត្រីប្រហុក នៅតាមគន្លងដាយនេសាទ ក្នុងភូមិតាពៅ ឃុំកោះចិន ស្រុកពញាឮ ខេត្តកណ្តាល កាលពីថ្ងៃទី១៩ ខែធ្នូ។លោករដ្ឋមន្ត្រីបានសម្តែងអំណរសាទរ ចំពោះផលត្រីដែលកើនឡើង ហើយប្រជាពលរដ្ឋកាន់តែរីករាយក្នុងការទិញត្រីធ្វើប្រហុកបានកាន់តែច្រើន។ផលត្រីដែលប្រមូលបានជាប្រភេទត្រីប្រហុក។ក្នុងនោះត្រីប្រភេទស្លឹកឫស្សីប្រមាណ៧០ភាគរយ-ត្រីឆ្វៀត១០ភាគរយនិងត្រីចម្រុះ២០ភាគរយ។លោករដ្ឋមន្ត្រីបានបន្តថា ការធ្វើប្រហុករហូតមកទល់ពេលនេះ ប្រជាពលរដ្ឋភាគច្រើននៅតែបន្តធ្វើប្រហុកតាមបែបប្រពៃណីសម្រាប់ប្រើប្រាស់ប្រចាំគ្រួសារ។ រីឯសហគ្រិនខ្នាតតូច និងមធ្យមវិញ កំពុងកែច្នៃប្រហុកស្ងួតតាមតម្រូវការទីផ្សារ។បច្ចុប្បន្នកំពុងស្នើសុំវិញ្ញាបនបត្របញ្ជាក់គុណភាព សុវត្ថិភាព ដើម្បីបង្កើនទំនុកចិត្ត និងតម្លៃបន្ថែមសម្រាប់ការនាំចេញ។គួរបញ្ជាក់ថា រដូវបើកនេសាទតាមគន្លងដាយត្រីនីមួយៗ ចាប់ផ្ដើមពីខែតុលាដល់ខែកុម្ភៈ ។តែផែ្អកលើស្ថានភាពទឹកនៅបឹងទន្លេសាប បើគ្មានព្យុះហើយមេឃស្រឡះល្អ គន្លងដាយអាចប្រមូលផលត្រីចាប់ពីខែធ្នូដល់ខែមករា តែជាទូទៅក្នុងពេលខែខ្នើត ត្រីត្រូវចុះពីបឹងទន្លសាបទៅរកទន្លមេគង្គវិញ៕
Related Articles
WCSរកឃើញពងសត្វកន្ធាយក្បាលកង្កែបនៅដងទន្លេមេគង្គក្នុងខេត្តក្រចេះ
ក្រចេះ៖យោងតាមទំព័រហ្វេសប៊ុកអង្គការWCScambodiaបានឱ្យដឹងថាក្រុមអ្នកអភិរក្សមកពីសហគមន៍នេសាទ រដ្ឋបាលជល ផលនិងអង្គការWCSបានរកឃើញសំបុកសត្វកន្ធាយក្បាលកង្កែបឬល្មិចចំនួន ១៣សំបុកសរុបស្មើ៤៤៤ពងនៅលើឆ្នេរខ្សាច់តាមបណ្តោយដងទន្លេមេគង្គក្នុងខេត្តក្រចេះចាប់តាំងពីដើម រដូវពងកូន ក្នុងចន្លោះពីខែវិច្ឆិកាឆ្នាំ២០១៩ដល់ខែមករា ឆ្នាំ២០២០។ ក្រុមអ្នកអភិរក្សបាន សរសេរបញ្ជាក់ថា កន្ធាយក្បាលកង្កែបឬល្មិច (ឬឈ្មោះវិទ្យាសាស្ត្រហៅថា Pelochelyscantorii)ត្រូវបានកត់ត្រាក្នុងបញ្ជីក្រហមរបស់IUCNថាជាប្រភេទកំពុងទទួលរងការគំរាមកំហែងជាសកល។កន្ធាយប្រភេទនេះត្រូវបានគេគិតថាបានផុតពូជហើយនៅតាមដងទន្លេមេគង្គក្នុងប្រទេសកម្ពុជា។ ក៏ប៉ុន្តែក្នុងឆ្នាំ២០០៧វត្តមានកន្ធាយប្រភេទនេះត្រូវបានរកឃើញសាជាថ្មីនៅក្នុងដែនទឹកនៃដង ទន្លេមេគង្គប្រវែង៤៨គ.មចន្លោះពីខេត្តក្រចេះដល់ខេត្តស្ទឹងត្រែងដោយអង្គការអភិរក្សអន្តរជាតិ និងរដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទ។ កម្មវិធីការពារសំបុកអណ្តើកត្រូវបានអនុវត្តដោយអង្គការWCSសហការជាមួយសហគមន៍នេសាទនានាស្ថិតនៅក្នុងស្រុកសំបូរខេត្តក្រចេះនិងស្រុកសៀមបូកខេត្តស្ទឹងត្រែងនិងរដ្ឋបាលជលផលដោយមានការគាំទ្រផ្នែកហិរញ្ញវត្ថុពីសហភាពអឺរ៉ុប ម៉ាហ្គារេត ខាហ្គីល (Margaret A. Cargill Philanthropies), ឧទ្យានសត្វព្រៃសឹង្ហបុរី (Wildlife Reserves Singapore), និង Turtle Survival Alliance ៕សហការី
ចំនួនអ្នកស្លាប់ដោយកូវីដ១៩នៅឥណ្ឌាឡើងហួស៤០០.០០០នាក់
អន្តរជាតិ ៖ឥណ្ឌាបានអះអាងអំពីការស្លាប់ចំនួន៤០០.០០០នាក់ដោយជំងឺកូវីដ១៩ចាប់តាំងពីមុនមក ។តែពាក់កណ្តាលស្លាប់នៅក្នុងរង្វង់២ខែនេះនៅពេលវីរុសបំប្លែងខ្លួនថ្មីប្រភេទដែល ចម្លងមនុស្សរាប់ម៉ឺននាក់ក្នុងមួយថ្ងៃៗ។ តួលេខដ៏សោកសៅនេះត្រូវបានប្រកាសកាលពីថ្ងៃសុក្រទី២ខែកក្កដាឆ្នាំ២០២១។ តែគេជឿថាវាគ្រាន់តែជាចំណែកមួយនៃចំនួនស្លាប់ជាក់ស្តែងប៉ុណ្ណោះ។ចំនួនស្លាប់ផ្លូវការនេះនៅពីក្រោយចំនួនស្លាប់ដោយកូវីដ១៩នៅអាមេរិកនិងប្រេស៊ីល។ក្រសួងសុខាភិបាលឥណ្ឌាបាននិយាយថា អ្នកជំងឺកូវីដ១៩ចំនួន៨៥៣នាក់បានស្លាប់នៅ២៤ម៉ោងកន្លងទៅ ដែលនាំឱ្យចំនួនស្លាប់សរុបចាប់តាំងពីជំងឺនេះចាប់ផ្តើមមកឡើងដល់៤០០.៣១២នាក់។ សូមបញ្ជាក់ថា អ្នកស្លាប់ទី១ដោយកូវីដ១៩នៅឥណ្ឌា ដែលគេដឹងឮទូទៅគឺនៅថ្ងៃ១២មីនា ឆ្នាំមុន។ឥណ្ឌា ប្រទេសដែលមានប្រជាជនជិត១,៤ពាន់លាននាក់ បានបញ្ជាក់អះអាងថាមានអ្នកឆ្លងជំងឺនេះជាង៣០,៤លាននាក់ ។ក្នុងនេះ ៤៦.៦១៧នាក់បានឆ្លងនៅ២៤ម៉ោងកន្លងទៅ។ចំនួននេះក៏ត្រូវគេគិតថារាប់មិនអស់ដែរ ដោយសារតែប្រព័ន្ធធ្វើតេស្តិ៍និងការគ្រប់គ្រងនៅអន់ខ្សោយ។ ចំនួនឆ្លងប្រចាំថ្ងៃបានធ្លាក់ចុះមកវិញបន្ទាប់ឡើងដល់ជាង៤០០.០០០នាក់ក្នុងមួយថ្ងៃកាលពីខែឧសភា។តែអាជ្ញាធរត្រៀមសម្រាប់ការផ្ទុះកូវីដ១៩នៅរលកថ្មីដែលអាចកើតមាននៅប្រហែលជានៅម្តុំខែកញ្ញានិងកំពុងបង្កើនការចាក់វ៉ាក់សាំង។ប្រជាជនឥណ្ឌាមិនដល់៥ភាគរយទេដែលបានចាក់វ៉ាក់សាំងពេញលេញ និងវ៉ាក់សាំងជាង៣៤០លានដូសត្រូវបានចាក់ចាប់តាំងពីពាក់កណ្តាលខែមករាមក៕ប្រែសម្រួលៈដោយវាសនា
នាងខ្ញុងជំពាក់លុយគេជាង៥០ម៉ឺនដុល្លារបានចូលតុលាការប្ដឹងខ្លួនឯង
ភ្នំពេញ៖ អ្នកនាង”ខ្ញុង”ត្រូវនាងបានបញ្ជាក់ថា បានជំពាក់លុយគេជាង៥០ម៉ឺនដុល្លារដោយក្នុងមួយខែបង់ការប្រាក់ខ្ទង់៤ម៉ឺនដុល្លារ។ពេលនេះនាងបានមកប្ដឹងខ្លួនឯង នៅតុលាការ ស្របពេលម្ចាស់បំណុលព្រមានប្ដឹងជាបន្តបន្ទាប់។ ថ្លែងក្នុងពេលផ្ដល់បទសម្ភាសន៍កាលពីរសៀលទី១៨ ខែតុលាឆ្នាំ២០២១ នៅមុខតុលាការ រាជធានីភ្នំពេញ។អ្នកនាង”ខ្ញុង”តារាកំប្លែង បានទទួលស្គាល់ថា៖ ខ្លួននិងក្រុមគ្រួសារពិតជាក្ស័យធននិងជំពាក់ប្រាក់គេជាង៥០ម៉ឺនដុល្លារប្រាកដមែន។ប៉ុន្តែនាងនិងព្យាយាម រកលុយសងម្ចាស់បំណុលវិញគឺមិនឆបោកមិនរំលោភលើទំនុកចិត្តគេឡើយ។ ក្នុងបំណុលនោះដែរអ្នកនាងខ្ញុងតារាកំប្លែងមួយខែបង់តែការប្រាក់ជាង៤ម៉ឺនដុល្លារក្នុងទឹកប្រាក់ដែលអ្នកនាងខ្ញុងជំពាក់គេចំនួន៥៧២.០០០ដុល្លារ ហើយនាងបានចូលមកតុលាការខ្លួនឯង ស្របពេលម្ចាស់បំណុលព្រមានប្ដឹងជាបន្តបន្ទាប់។ក្នុងនោះអ្នកនាងប្រកាសក្ស័យធន និងសូមអំពាវនាវជំនួយពីមហាជនទៀតផង។អ្នកនាងខ្ញុងបានអះអាងថា៖បើខ្ញុំជាប់ឃុំ ខ្ញុំមិនមានពេលរកប្រាក់សងម្ចាស់បំណុលទេ។ ចំពោះការប្ដឹងខ្លួនឯង មកតុលាការនៅពេលនេះ គឺដើម្បីប្រាប់ទៅម្ចាស់បំណុល នឹងរាយការណ៍ប្រាប់តុលាការអំពីបំណុលរបស់ខ្លួន។ទោះជាយ៉ាងណាក៏ដោយ ម្ចាស់បំណុលខ្លះៗបានព្រមានប្ដឹងអ្នកនាងខ្ញុងខណៈកូនបំណុលរូបនេះ បង់ប្រាក់មិនទៀងទាត់ដល់ម្ចាស់បំណុល៕ដោយៈចាន់ថន