កំពង់ស្ពឺ៖សមត្ថកិច្ចឃាត់ខ្លួនបុរសម្នាក់បន្ទាប់ពីមានអំពើហឹង្សាក្នុងគ្រួសារនិងប្រើប្រាស់អាវុធខុសច្បាប់នៅភូមិព្រីងឃុំត្រែងត្រយឹងស្រុកភ្នំស្រួចខេត្តកំពង់ស្ពឺកាលពីល្ងាចថ្ងៃទី១៥ខែមីនាឆ្នាំ២០២០។
មន្ត្រីសមត្ថកិច្ចបានឱ្យដឹងថាបុរសដែលត្រូវឃាត់ខ្លួននេះមានឈ្មោះឌុល ធីណា ភេទប្រុស អាយុ២៧ឆ្នាំនៅភូមិព្រីងឃុំត្រែងត្រយឹងស្រុកភ្នំស្រួច។បានទាស់ពាក្យសម្តីជាមួយម្តាយឈ្មោះមួងវឿនអាយុ៥៨ឆ្នាំនៅភូមិឃុំខាងលើ។ឈ្មោះឌុលធីណាបានយកកាំភ្លើងច្នៃប្រភេទបាញ់គ្រាប់កង់គំរាមរកបាញ់ម្តាយនិងបងប្រុសតែមិនបានបាញ់ទេដោយសារម្តាយនិងបងប្រុសរត់គេចខ្លួនចេញពីផ្ទះ។
ប្រភពបានបន្តថាពេលសមត្ថកិច្ចទៅដល់ឈ្មោះមួងវឿនជាម្តាយបាននាំកម្លាំងនគរបាលប៉ុស្តិ៍ឃុំត្រែងត្រយឹងទៅគាស់អាវុធម៉ាកAK.47លេខមើលមិនច្បាស់បង់១គ្រាប់ចំនួន៤គ្រាប់ពីក្រោយផ្ទះរបស់គាត់ដែលរូបគាត់បានកប់ទុកតាំងពីប្តីរបស់គាត់មានប្រពន្ធចុង។តែងតែឈ្លោះគ្នាជាមួយកូនញឹកញាប់តែមិនចាំឆ្នាំដែលគាត់កប់ទេប្រគល់ជូនសមត្ថកិច្ច។
ករណីនេះសមត្ថកិច្ចយើងឃាត់ខ្លួនជនសង្ស័យបញ្ជូនទៅអធិការដ្ឋាននគរបាលស្រុកភ្នំស្រួចដើម្បីកសាងសំណុំរឿងតាមនីតិវិធី៕
