ព្រះសីហនុ៖រថយន្តស្ទូចសម្ភារសំណង់នៃការដ្ឋានសំណង់មួយកន្លែងបានក្រឡាប់ផ្ងារជើងនិងបាក់ដងសន្ទូចបោកមកលើដីតែសំណាងល្អមិនបង្កឱ្យមានមនុស្សរងគ្រោះក្នុងហេតុការណ៍នេះទេ។ករណីនេះកើតឡើងនៅក្នុងភូមិ២សង្កាត់លេខ២ក្រុង-ខេត្តព្រះសីហនុកាលពីវេលាម៉ោងជិត៩ព្រឹកថ្ងៃ១៦ខែមីនាឆ្នាំ២០២០។
មន្ត្រីសមត្ថកិច្ចបានឱ្យដឹងថាមានគ្រោះថ្នាក់រថយន្តស្ទូចមួយគ្រឿងពេលស្ទូចសម្ភារសំណង់បានក្រឡាប់និងបាក់ដងសន្ទូចសង្កត់ប៉ះជាមួយយានយន្តមួយចំនួនទៀតនៅផ្លូវចុះពីអប្សរាថតរូបក្នុងសង្កាត់លេខ២ក្រុងព្រះសីហនុ។តែមិនបង្កឱ្យមនុស្សមានរបួសនោះទេគ្រាន់តែខូចខាតទ្រព្យសម្បត្តិនិងយានយន្តខ្ទេចខ្ទីអស់ស្ទើទាំងស្រុង។
ករណីនេះសមត្ថកិច្ចកំពុងអន្តរាគមន៍នៅកន្លែងកើតហេតុជាមួយនឹងការហាមឃាត់មិនឱ្យពលរដ្ឋចូលទៅជិតកន្លែងនោះ៕