ភ្នំពេញៈយុវជនម្នាក់បើករថយន្តសេរីទំនើបម៉ាកម៉ាសស្តាទៅបុកកង់បីដែលកំពុងឆ្លងផ្លូវបណ្តាលឱ្យខ្ទាតកង់បីទៅបុកនិងរថយន្តចតចោលមួយគ្រឿងទៀតរីឯអ្នកបើកកង់បីរងរបួសធ្ងន់។ ហេតុការណ៍នេះបានកើតឡើងនៅតាមបណ្ដោយផ្លូវ១៩៨៦ក្នុងសង្កាត់ភ្នំពេញថ្មី ខណ្ឌសែនសុខកាលពីទាបភ្លឺថ្ងៃទី២១ ខែធ្នូ ឆ្នាំ២០១៩ ។
សាក្សីបានឱ្យដឹងថាមិនកើតហេតុគេឃើញយុវជនម្នាក់បើកបររថយន្តម៉ាកម៉ាសស្តា ពណ៌ ស ពាក់ស្លាកលេខ ភ្នំពេញ2AR.9885 ធ្វើតាមបណ្ដោយផ្លូវ១៩៨៦ ពីកើតទៅលិចក្នុងល្បឿនលឿន។ខណៈមកដល់ចំណុចកើតហេតុខាងលើរថយន្តនោះក៏ជ្រុលចង្កូតទៅបុកនឹងកង់បីមួយគ្រឿងពណ៌សពាក់ស្លាកលេខភ្នំពេញ1HR.4362ដែលកំពុងឆ្លងផ្លូវធ្វើដំណើរបញ្ច្រាសទិសគ្នា។
ពេលនោះបណ្ដាលឱ្យកង់បីកខ្ទាតទៅបុកនឹងរថយន្តដែលចតចោលមួយគ្រឿងទៀតម៉ាកលុច្សស៊ីសrx300ពណ៌ខ្មៅពាក់ស្លាកលេខភ្នំពេញ2N.6929។រីឯអ្នកបើកបរកង់បីរងរបួសធ្ងន់ដោយបាក់ភ្លៅទាំង២៕
