ឧត្តរមានជ័យៈរដ្ឋបាលខេត្ត បានជូនដំណឹងមួយដល់មហាជនក្នុងតំបន់និងពង្រីកទីតាំងដាក់ពាក្យស្នើរសុំធ្វើប័ណ្ណឆ្លងព្រំដែនកម្ពុជា-ថៃមួយទីតាំងទៀតនៅស្នាក់ការត្រួតពិនិត្យជាប់ច្រកអន្តរជាតិអូរស្មាច់ស្ថិតក្នុងសង្កាត់អូរស្មាច់ ក្រុងសំរោង។ខណៈបច្ចុប្បន្នអង្គភាពផ្តល់សេវាធ្វើប័ណ្ឌព្រំដែនជូនពលរដ្ឋមានមួយទីតាំងនៅរដ្ឋបាលសាលាខេត្តមួយប៉ុណ្ណោះ។
សេចក្តីជូនដំណឹងរបស់រដ្ឋបាលខេត្តដែលបង្ហោះតាមរយៈបណ្តាញសង្គមជូនដល់ពលរដ្ឋទាំងពីភេទ ដែលមានទីលំនៅអចិន្ត្រៃយ៍នៅក្នុងខេត្តនេះអាចដាក់ពាក្សស្នើសុំធ្វើប័ណ្ណព្រំដែនកម្ពុជា-ថៃនៅអង្គភាពច្រកចេញចូលតែមួយ។សាលាខេត្តក៏បានឫនៅទីស្នាក់ការត្រួតពិនិត្យច្រកទ្វារព្រំដែនអន្តរជាតិអូរស្មាច់ក៏បាន។
ក្នុងនោះភ្ជាប់មកជាមួយមានពាក្យស្នើសុំធ្វើប័ណ្ណព្រំដែនចំនួន១ច្បាប់បិទរូបថតមួយសន្លឹកចុះហត្ថលេខាឫផ្តិតស្នាមមេដៃស្តាំរបស់សាម៉ីខ្លួននៅលើពាក្យស្នើសុំនោះជូនដល់ទីតាំងស្នើសុំផ្ទាល់។និងចម្លងសំបុត្រកំណើតដែលជាច្បាប់ដើមឫច្បាប់ចម្លងត្រឹមត្រូវតាមច្បាប់ដើមរូបថតសាមីទំហំ៤គុណ៦ចំនួន២សន្លឹក-អត្តសញ្ញាណបណ្ណ័សញ្ជាតិខ្មែរឫសំបុត្រកំណើត។
បញ្ជាក់ថាការដាក់ពាក្យស្នើសុំធ្វើប័ណ្ឌព្រំដែននេះបានតែពលរដ្ឋដែលមានអាស័យដ្ឋានក្នុងតំបន់រដ្ឋបាលខេត្តគ្រប់គ្រងប៉ុណ្ណោះ។រីឯអ្នកក្រៅខេត្តនេះអនុញ្ញាតផ្តល់បានតែក្នុងករណីចាំបាច់ក្នុងតម្លៃ២ម៉ឺនរៀល មានសុពលភាពរយៈពេល២ឆ្នាំ អាចឆ្លងចេញចូលព្រំដែនច្រកអូរស្មាច់ ក្រុងសំរោង។ច្រកជប់គគី ស្រុកបន្ទាយអំពិល។ច្រកជាំសាង៉ាំស្រុកអន្លង់វែង។ច្រកទាំងនេះឈមស្រុកខេត្តចំនួន៣របស់ថៃគឺខេត្តសុរិន្ទ ខេត្តបុរីរាំ និងខេត្តស៊ីសាកេត ពលរដ្ឋរដ្ឋអាចចេញចូលបាន៕
