ខេត្តព្រះសីហនុ៖គ្រូពេទ្យជួរមុខដែលមើលការខុសត្រូវនិងព្យាបាលផ្ទាល់ជាមួយអ្នកជំងឺកូវីដ-១៩ក្នុងខេត្តព្រះសីហនុប្រាប់ថាគិតត្រឹមល្ងាចថ្ងៃទី២៨ខែមីនាឆ្នាំ២០២០ស្ថានភាពសុខភាពអ្នកជំងឺជនជាតិខ្មែរ២នាក់និងអ្នកទេសចរណ៍ជនជាតិ បារាំង៣២នាក់(សរុប៣៤នាក់) នៅល្អធម្មតា មិនមានអាការៈអ្វីឈានទៅដល់ការព្រួយបារម្ភឡើយ។
បើតាមក្រុមគ្រូពេទ្យបញ្ជាក់ថាគិតមកត្រឹមថ្ងៃដដែលនេះអ្នកជំងឺទាំង៣៤នាក់រក្សាទុកព្យាបាលក្នុងសណ្ឋាគារមួយកន្លែងសវុត្ថិភាពដាច់ឆ្ងាយពីមហាជនមានរយៈពេលជិត១០ថ្ងៃហើយ។ក្នុងនោះការរក្សាទុកព្យាបាលនឹងធ្វើបន្តរហូតដល់ជាសះស្បើយមុននឹងអនុញ្ញាតឱ្យត្រឡប់ទៅផ្ទះនិងប្រទេសកំណើតវិញ។
ក្រុមគ្រូពេទ្យជួរមុខរបស់យើង ក៏បានគោរពថ្លែងអំណរគុណចំពោះប្រមុខរាជរដ្ឋាភិបាលកម្ពុជា សម្តេចតេជោហ៊ុនសែន,ថ្នាក់ដឹកនាំក្រសួងសុខាភិបាល,ថ្នាក់ដឹកនាំខេត្តព្រះសីហនុកងម្លាំងមានសមត្ថកិច្ចគ្រប់ផ្នែក។ដែលបានលើកទឹកចិត្តគាំទ្រនិងផ្តល់ជំនួយជាកម្លាំង,ជាសម្ភារៈ,ជាស្មារតីជួយដល់ដំណើរគ្រប់គ្រងព្យាបាលអ្នកជំងឺទាំងអស់ហើយក៍ដាក់ការសង្ឃឹមថា”ផុតពីនេះទៅនឹងលែងមានអ្នកជំងឺថ្មីទៀត ដោយសារតែការចូលរួមការពារទាំងអស់គ្នា”៕
