អប់រំ

កំពង់ចាម៖ “គ្រូបង្រៀនជាឪពុកម្តាយទី២និងជាអ្នកសម្រួចអនាគតរបស់សិស្ស ដែលជាទំពាំងស្នងឬស្សី” ។អភិបាលខេត្តកំពង់ចាមបានថែ្លងក្នុងពិធីបើកបវេសនកាលថ្មីឆ្នាំសិក្សា២០២១-២០២២ និងទិវាដឹងគុណគ្រូបង្រៀនកាលពីថ្ងៃទី១០ ខែមករាឆ្នាំ២០២២នៅវិទ្យាល័យសីហនុ។ ឯកឧត្តមអ៊ុនចាន់ដា អភិបាលខេត្តកំពង់ចាមបានថ្លែងបន្តថា ការអប់រំ និងការកសាងធនធានមនុស្សត្រូវតែឆ្លងកាត់ការបណ្ដុះបណ្តាលក្នុងសាលារៀនដែលមានគ្រូបង្រៀនជាឪពុកម្តាយទី២។ ប៉ុន្តែក៏ត្រូវមានកិច្ចសហការពីមាតាបិតាអាណាព្យាបាលចាស់ព្រឹទ្ធាចារ្យ និងមហាជនទូទៅក្នុងសង្គមគ្រួសារនិងសង្គមជាតិទាំងមូលផងដែរ។ ទន្ទឹមនេះមាតាបិតា ឬអាណាព្យាបាលសិស្សមានតួនាទីសំខាន់ណាស់ក្នុងការរួមចំណែកជំរុញកុលបុត្រកុលធីតារបស់ខ្លួនឱ្យខិតខំប្រឹងប្រែងព្យាយាមរៀនសូត្រដើម្បីជួយពង្រឹងឱ្យកូន-ចៅខ្លួនមានការទទួលខុសត្រូវលើខ្លួនឯងមានសីលធម៌និងអាកប្បកិរិយាថ្លៃថ្នូរហើយអាចក្លាយខ្លួនជា “កូនល្អ សិស្សល្អ មិត្តល្អ និងពលរដ្ឋល្អ”។ មានចំណេះដឹងយ៉ាងទូលំទូលាយ និងមានការអភិវឌ្ឍវិជ្ជាជីវៈ ជាមូលដ្ឋានសំខាន់បំផុតសម្រាប់ឈានទៅរកការបំពេញបន្ថែមនូវជំនាញជាន់ខ្ពស់នានាបន្ថែមទៀត ដើម្បីអនាគតរុងរឿងរបស់ពួកគេសង្គមគ្រួសារនិងជាតិទាំងមូលផងដែរ៕ដោយ៖ញ៉ែមសុផល

ព្រះវិហារ៖នាយកដ្ឋាននីតិកម្មកសិកម្ម នៃក្រសួងកសិកម្ម រុក្ខាប្រមាញ់ និងនេសាទកាលពីថ្ងៃទី១៤ ខែធ្នូឆ្នាំ២០២១បើកវគ្គបណ្ដុះបណ្ដាលពង្រឹងសមត្ថភាពវិជ្ជាជីវៈ បច្ចេកទេស សម្រាប់ការធ្វើអាជីវកម្មសម្ភារ កសិកម្មដល់អាជីវករលក់ដុំលក់រាយ ក្នុងខេត្តព្រះវិហារ។ លោក ភុំ រ៉ា ប្រធាននាយកដ្ឋាននីតិកម្មកសិកម្ម បានបញ្ជាក់ថា វគ្គបំប៉នអប់រំសមត្ថភាពវិជ្ជាជីវៈ នេះ មានគោលបំណងដើម្បីផ្សព្វផ្សាយដល់អាជីរករដែលជាអ្នកផ្គត់ផ្គង់សម្ភារៈ ជី និងថ្នាំកសិកម្មទាំងអស់បានយល់ដឹងអំពីលិខិតបទដ្ឋានគតិយុទ្ធ។ជាមួយនេះដែរក៏ជារួមចំណែកក្នុងការលើកកម្ពស់ ការយល់ដឹងអំពីវិ ធានបច្ចេកទេស នីតិវិធីធ្វើពាណិជ្ជកម្មប្រកបដោយសុវត្ថិភាព និងមានប្រសិទ្ធភាព។ លោក គឹម ពង្សវីរៈ អនុប្រធានមន្ទីរ កសិកម្ម រុក្ខាប្រមាញ់ និងនេសាទខេត្តបានបញ្ជាក់ ឱ្យដឹងថា ទីតាំងលក់ដុំ លក់រាយថ្នាំ និងជីកសិកម្ម នៅទូទាំងខេត្តព្រះវិហារ សរុបមានចំនួន ១៣០ដេប៉ូ ។ក្នុងនោះ ទីតាំងលក់ថ្នាំកសិកម្ម មានចំនួន ១៦ដេប៉ូ, ទីតាំងលក់ជីកសិកម្ម ចំនួន ១៣ដេប៉ូ និងទីតាំងលក់ចម្រុះមានចំនួន ១០១ដេប៉ូ។ ដោយឡែកផលិតផលថ្នាំកសិកម្ម និងជី កសិកម្មដែលបានចរាចរណ៍លើទីផ្សារក្នុងខេត្ត មានចំនួន ៤២ក្រុមហ៊ុន។ ជាមួយនេះ ក្នុងឆ្នាំ ២០២១មន្ត្រីនីតិកម្មកសិកម្ម នៃមន្ទីរកសិកម្ម […]

ព្រះវិហារ៖ អភិបាលខេត្តព្រះវិហារលោក ប្រាក់ សុវណ្ណ បានប្រកាសចាត់វិធានការតាមច្បាប់ ចំពោះមន្ត្រីដែលយកកម្រៃសេវាសាធារណៈនានាពីពលរដ្ឋលើសពីច្បាប់បានកំណត់។អភិបាលខេត្តបានថ្លែងក្នុងពិធីសម្ភោធដាក់ឱ្យប្រើប្រាស់ជាផ្លូវការរង្វង់មូលស្រអែម ស្ថិតក្នុងឃុំស្រអែម ស្រុកជាំក្សាន្ត ខេត្តព្រះវិហារនាពេលកន្លងទៅ ។ លោកបន្តថា ដើម្បីបន្តគាំទ្រយុទ្ធសាស្ត្ររបស់រាជរដ្ឋាភិបាល ជាពិសេសនៅដំណាក់កាលដែលពលរដ្ឋកំពុងស្ដារឡើងវិញនូវសេដ្ឋកិច្ចគ្រួសារ និងសង្គមជាតិ “ខ្ញុំសូមអំពាវនាវ និងណែនាំបន្ថែមទៀតដល់មន្ត្រីរាជការ និងមន្ទីរ អង្គភាព ជុំវិញខេត្ត ដែលផ្ដល់សេវាសាធារណៈនានា ជូនពលរដ្ឋ។សូមបន្តយកចិត្តទុកដាក់ បម្រើសេវាជូនពួកគាត់ឱ្យបានល្អប្រសើរ ដោយមិនត្រូវយកកម្រៃក្រៅពីច្បាប់មានចែងបានឡើយ”។ ជាពិសេស គឺសេវា អត្រានុកូលដ្ឋាន សេវាសុរិយោដី កាត់ប្លង់ រត់ប្លង់រឹង ដាក់បន្ទុក ដោះបន្ទុក ដើម្បីខ្ចីប្រាក់ធនាគារ បង់ពន្ធប្រថាប់ត្រាផ្ទេរដីធ្លី សេវាសុខាភិបាល សេវាអប់រំ ភាស៊ីផ្សារ ចំណតរថយន្ត ជាដើម …។ល។ លោកបានបន្តថា ក្នុងករណីដោះស្រាយមិនបាន គឺត្រូវទូរសព្ទទំនាក់ទំនងមក លោក យុង គឹមហ៊ាន អភិបាលរងខេត្តទទួលបន្ទុកសេវាច្រកចេញចូលតែមួយ តាមលេខទូរសព្ទ 012 243 788 និង 097 9 243 788។ […]

ភ្នំពេញ​៖​ប្រភពពី​ក្រសួង​សាធារណការ​ និង​ដឹក​ជញ្ជូន​បានឱ្យដឹងនៅទី​២៧​ ខែវិច្ឆិកា​ឆ្នាំ​២០២១ពីសិទ្ធិអាទិភាពនៅលើផ្លូវប្រសព្វ រវាងផ្លូវតូច និងផ្លូវធំ ត្រង់ផ្លូវខ្វែងគ្មានផ្លាកសញ្ញាសម្គាល់សិទ្ធិអាទិភាព។ តើអ្នកបើកបរត្រូវផ្តល់សិទ្ធិឱ្យយានយន្តណាមួយទៅមុនប្រសិនជួបស្ថានភាពដូចក្នុងរូបនេះ? អ្នកបើកបរត្រូវស្វែងយល់ពីសិទ្ធិអាទិភាពនៅលើផ្លូវប្រសព្វ និងមានស្មារតីយកចិត្តទុកដាក់ក្នុងការបើកបរ ជៀសវាងការបង្កគ្រោះថ្នាក់ និងការកកស្ទះនៅពេលធ្វើចរាចរណ៍លើផ្លូវសាធារណៈ។ មន្ត្រីក្រសួង​សាធារណការ​ និង​ដឹក​ជញ្ជូន​ ក៏បា​នបញ្ជាក់ថា​ លោកអ្នកអាចតាមដានការចុះផ្សាយនៅលើហ្វេសប៊ុកផ្លូវការក្រសួង ” រៀងរាល់ថ្ងៃសៅរ៍ ស្តីពីសិទ្ធិអាទិភាពនៅពេលឆ្លងកាត់ផ្លូវប្រសព្វ “​ផងដែរ​។ ដោយ​ឡែក​លោកអ្នកក៏អាចមកស្គាល់ពី​ផ្លាកសញ្ញាបំរាម “ កំណត់ទទឹង ” | “ កំណត់បណ្តោយ ” | “ ហាមចូលចំពោះទោចក្រយាន ទោចក្រយានយន្ត និង ត្រីចក្រយាន ”ផ្លាកសញ្ញាបំរាម ដែលមាននៅលើដងផ្លូវសាធារណៈ គឺជាការដាក់បំរាមដល់អ្នកបើកបរ មិនឱ្យប្រព្រឹត្តខុសពីខ្លឹមសារនេះឡើយ។ ដូចនេះអ្នកបើកបរ ត្រូវអនុវត្ត និងគោរពដាច់ខាត៕សហការី  

ព្រះវិហារ៖ មន្ទីរសាធារណការខេត្ត បានសហការជាមួយអាជ្ញាធរក្រុង ស្រុក និងនគរបាលចរាចរណ៍ បានចុះផ្សព្វផ្សាយ និងចងបដានៅតាមផ្លូវនានា ក្នុងទិសដៅពញាក់ស្មារតីដល់ប្រជាពលរដ្ឋដែលចិញ្ចឹមសត្វ ពិសេសចិញ្ចឹមគោ ក្របី កុំលែងផ្តេសផ្តាស ដើម្បីចូលរួមការពារកុំឱ្យកើតឡើង គ្រោះថ្នាក់ចរាចរណ៍។ លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ បានឱ្យដឹងនៅព្រឹកថ្ងៃទី៧ ខែឧសភា ឆ្នាំ២០២១នេះថា៖ រយៈពេល២ថ្ងៃនេះចាប់ពីថ្ងៃទី៥-៦ ខែឧសភា ឆ្នាំ២០២១ ក្រុមការងារមន្ទីរសាធារណការខេត្ត បានសហការជាមួយអាជ្ញាធរតាមបណ្ដាក្រុង-ស្រុក។ លោកបានបន្តថា៖ជាមួយនោះបានសហការជាមួយនគរបាលចរាចរណ៍ក្រុង-ស្រុក រួមមាន៖ ក្រុងព្រះវិហារ ស្រុកជ័យសែន ស្រុកររៀង ស្រុកគូលែន ស្រុកជាំក្សាន្ត ស្រុកឆែប និងស្រុកត្បែងមានជ័យ។ក្រុមការងារ បានចុះចងបដារផ្សព្វផ្សាយអំពីការលែងសត្វនៅតាមដងផ្លូវដោយគ្មានការគ្រប់គ្រងត្រឹមត្រូវ ដើម្បីជាការពញ្ញាក់ស្មារតីដល់ម្ចាស់សត្វឱ្យមានការប្រុងប្រយ័ត្នខ្ពស់។ លោក សំ លាងទ្រី ក៏បានថ្លែងអំពាវនាវដល់ប្រជាពលរដ្ឋ ត្រូវបន្តចូលរួមអនុវត្តន៍គោរពច្បាប់ចរាចរណ៍ផ្លូវគោកឱ្យបានគ្រប់ៗគ្នា ដោយមិនត្រូវបើកបរលើសល្បឿនកំណត់ មិនត្រូវដឹកលើសទម្ងន់ មិនត្រូវដឹកសំពីងសំពោង មិនត្រូវបើរបរក្នុងស្ថានភាពស្រវឹង មិនត្រូវបើរបរវ៉ាជែងដោយប្រថុយប្រថាន ។ ពិសេសសូមពាក់ខ្សែរក្រវ៉ាត់និងមួកសុវត្ថិភាពជានិច្ច រាល់ពេលបើកបរនៅតាមដងផ្លូវ និងសូមបន្តចូលរួមទប់ស្កាត់ការរីករាលដាល នៃជំងឺកូវីដ១៩ ដោយអនុវត្តន៍អោយបានទៀងទាត់តាមការណែនាំរបស់ក្រសួងសុខាភិបាល និងការការណែនាំរបស់រាជរដ្ឋាភិបាល «៣កុំ […]