ព្រះសីហនុ៖នាវាទេសចរណ៍បរទេសមួយគ្រឿងបានចូលចតកំពង់ផែក្រុងព្រះសីហនុកាលពីវេលាម៉ោង៧ព្រឹកថ្ងៃទី២១ខែមករាឆ្នាំ២០២០ដឹកភ្ញៀវទេសចរណ៍ចម្រុះជាតិសាសន៍ចំនួន១.៨០៦នាក់មកទស្សនាប្រទេសកម្ពុជារយៈពេលមួយថ្ងៃ។ មន្ត្រីនគរបាលច្រកទ្វារអន្តរជាតិកំពង់ផែក្រុងព្រះសីហនុបានឱ្យដឹងថានាវានេះមានកងនាវិកសរុប៨២១នាក់មានដំណើរចេញពីប្រទេសថៃចូលមកកម្ពុជានិងបន្តទៅកាន់ប្រទេសវៀតណាមទៀតនៅវេលាម៉ោង២១យប់ថ្ងៃដដែល៕
ព័ត៌មានអន្តរជាតិ៖បើតាមការចេញផ្សាយដោយសារព័ត៌មាន Sputnik នៅព្រឹកថ្ងៃសៅរ៍ ទី១៨ ខែមករាឆ្នាំ២០២០បានឱ្យដឹងថាប្រធានាធិបតីអាមេរិកលោកដូណាល់ត្រាំបានព្រមានមេដឹកនាំកំពូលអីរ៉ង់ លោក អាលីខាមេណៃ (Ali Khamenei) ឱ្យប្រយ័ត្នប្រយែងចំពោះពាក្យសម្ដី មុននឹងហាមាត់និយាយចេញមកក្រៅ។ បន្ទាប់ពីមេដឹកនាំកំពូលអីរ៉ង់រូបនេះបានចាត់ទុកថា ការសម្លាប់លោកមេទ័ពកាស្សិមសូឡៃមេនី(QasemSoleimani)ដោយសហរដ្ឋអាមេរិកគឺជាទង្វើដ៏កំសាក និងមិនសក្តិសមជាមហាអំណាចលេខមួយ នៅលើពិភពលោកនេះទាល់តែសោះ។ លោកដូណាល់ត្រាំព្រមានបែបនេះបន្ទាប់ពីលោកAliKhameneiបានថ្លែងសារកំឡុងដឹកនាំការថ្វាយបង្គំនៅថ្ងៃសុក្រជាលើកដំបូងនារយៈពេល៨ឆ្នាំមកនេះជាមួយការបរិហាថាទីក្រុងវ៉ាស៊ីនតោនមិនហ៊ានប្រឈមមុខដោយផ្ទាល់ជាមួយលោកSoleimaniនៅលើសមរភូមិទើបលួចសម្លាប់រូបលោកចោល។ លោកត្រាំបានគូសបញ្ជាក់នៅលើTwitterដូច្នេះថា«មេដឹកនាំកំពូលអីរ៉ង់ដែលមិនសមកាន់តំណែងកំពូលបែបនេះបាននិយាយរឿងដែលធ្វើឱ្យគេស្អប់ដោយសារតែការមួលបង្កាច់សហរដ្ឋអាមេរិកនិងសហភាពអឺរ៉ុប។តែស្របពេលសេដ្ឋកិច្ចរបស់អីរ៉ង់កំពុងដុនដាបហើយប្រជាជនអីរ៉ង់កំពុងរងការឈឺចាប់ ដូច្នេះលោកKhameneiគួរតែមានការប្រយ័ត្នប្រយែង ចំពោះសម្ដីខ្លួនឯង»។ គួរបញ្ជាក់ថាកាលពីដើមខែមករាកន្លងទៅទំនាក់ទំនងរវាងសហរដ្ឋអាមេរិកនិងអីរ៉ង់បានតានតឹងដល់ចំណុចកំពូលបន្ទាប់ពីលោកQasemSoleimaniត្រូវបានអាមេរិកសម្លាប់នៅក្នុងទីក្រុងបាកដាដប្រទេសអីរ៉ាក់ហើយជាការសងសឹកកងកម្លាំងឆ្មាំបដិវត្តន៍អ៉ីរ៉ង់បានបាញ់ស្រេចមីស៊ីលរាប់សិបគ្រាប់លើមូលដ្ឋានទ័ពអាមេរិកនៅលើទឹកដីអីរ៉ាក់។ បើតាមទីបញ្ជាការកណ្ដាលអាមេរិកកងទ័ពរបស់ខ្លួន១១នាក់បានរងរបួសតែនេះគឺផ្ទុយទាំងស្រុងនឹងការអះអាងរបស់លោកត្រាំពីដំបូងដែលថា គ្មានកងទ័ពអាមេរិកណាម្នាក់ស្លាប់ ឬរងរបួស នៅក្នុងការវាយប្រហារនេះទេ៕
អន្តរជាតិ៖តាមវេបសាយពិភពប៉ុស្តិ៍បានឱ្យដឹងថាការទស្សន៍ទាយទាក់ទងនឹងព្រឹត្តិការណ៍ពិភពលោករបស់ស្ត្រីពិការភ្នែក Baba Vanga ជនជាតិប៊ុលហ្គារីម្នាក់មានដូចជា៖ ការវាយប្រហារអាគារភ្លោះរបស់សហរដ្ឋអាមេរិកកាលពីឆ្នាំ២០០១។ការចាកចេញពីអឺរ៉ុបរបស់អង់គ្លេស,ការគំរាមកំហែងពិភពលោកដោយក្រុម ISIS ជាដើម, សុទ្ធតែបានក្លាយទៅជាការពិត។ មុនពេលដែលស្ត្រីនោះស្លាប់ក្នុងវ័យ៨៥ឆ្នាំ កាលពីឆ្នាំ១៩៩៦ស្ត្រីជនជាតិប៊ុលហ្គារីរូបនេះបានព្យាករណ៍ព្រឹត្តិការណ៍ពិភពលោកជាច្រើនរួមនឹងគ្រោះធម្មជាតិផងដែរ ហើយអ្នកជំនាញបានគណនាថា៦៨ភាគរយ។ការទស្សន៍ទាយរបស់គាត់បានក្លាយជាការពិត បើទោះជាគាត់បានស្លាប់ទៅជាង២ទសវត្សហើយក្តី។ កាលពីឆ្នាំ ១៩៨៩ស្ត្រីនេះបានទាយថា អាមេរិកនឹងត្រូវវាយប្រហារដោយ “បក្សាស្លាបដែក២”។ គាត់និយាយថា “រន្ធត់ រន្ធត់!បងប្អូនអាមេរិក២នាក់នឹងត្រូវដួលរលំក្រោយការវាយប្រហារ។ ក្រុមចចកនឹងចេញរាតត្បាត ហើយឈាមអ្នកដែលគ្មានកំហុសនឹងហូរស្រោចស្រព”។ កាលណោះ នៅថ្ងៃទី១១ ខែកញ្ញា ឆ្នាំ២០០១ ពួកភេរវករអាល់កៃដាប្រើយន្តហោះ២គ្រឿងដើម្បីហោះបំបុកអាគារពាណិជ្ជកម្មអាមេរិកធ្វើឱ្យមនុស្សរាប់ពាន់នាក់បានស្លាប់។ ការទស្សន៍ទាយអនាគតផ្សេងទៀតរបស់ស្ត្រីBaba VangaDonald Trump៖ លោកយាយ Baba បាននិយាយថាប្រធានាធិបតីទី៤៥ (ដូណាល់ត្រាំ) នឹងជួបវិបត្តិ ដែលនឹងធ្វើឱ្យសហរដ្ឋអាមេរិកធ្លាក់ចុះ។ គាត់បានទាយថា “មនុស្សគ្រប់គ្នានឹងផ្ញើក្តីសង្ឃឹមលើរូបគាត់ តែគ្រប់យ៉ាងផ្ទុយស្រឡះ គាត់នឹងធ្វើឱ្យប្រទេសធ្លាក់ចុះ ហើយទំនាស់រវាងរដ្ឋភាគខាងជើងនិងរដ្ឋភាគខាងត្បូងនឹងកើតឡើង”។ ប្រភពខាងលើបន្ថែមថាលើសពីនោះទៅទៀតគ្រូទាយនេះបាននិយាយថា ប្រធានាធិបតីទី៤៥រូបនោះ នឹងធ្លាក់ខ្លួនឈឺដោយជំងឺដ៏អាថ៌កំបាំង ធ្វើឱ្យលោកថ្លង់ និង ឈឺក្បាលរ៉ាំរ៉ៃ។គាត់ក៏បាននិយាយផងដែរថាប្រធានាធិបតីទី៤៤របស់អាមេរិក គឺជាប្រធានាធិបតីស្បែកខ្មៅ នោះគឺ Obama។ ពូទីន៖គ្រូទាយនេះក៏បានទាយថា ពូទីន នឹងត្រូវបានគេធ្វើឃាតហើយអ្នកដែលធ្វើឃាតនោះចេញពីក្រុមសន្តិសុខផ្ទាល់របស់លោកតែម្តង។ ប៉ុន្តែស្ត្រីគ្រូទាយមិនបានបញ្ជាក់ទេថាតើប្រធានាធិបតីរូបនេះស្លាប់ឬអត់។ចិន៖ការទស្សន៍ទាយព្រឹត្តិការណ៍ធំៗ២របស់ស្ត្រីគ្រូទាយ Baba ដែលនឹងធ្វើឱ្យពិភពលោកមានការប្រែប្រួលជារៀងរហូតនោះគឺ […]
ព័ត៌មានអន្តរជាតិ៖កងទ័ពជើងទឹកបាននិយាយថានាវាកងទ័ពជើងទឹករុស្ស៊ីបានខិតមកជិតយ៉ាងខ្លាំងទៅនឹងនាវាពិឃាតសហរដ្ឋអាមេរិកនៅសមុទ្រអារ៉ាប់ខាងជើងកាលពីថ្ងៃព្រហស្បតិ៍។កងទ័ពជើងទឹកបាននិយាយថានាវាUSSFarragutបានផ្តល់សញ្ញាដល់កប៉ាល់រុស្ស៊ីថាវាមានគ្រោះថ្នាក់ក្នុងការប៉ះទង្គិចគ្នាដោយការបាញ់ផ្លោងខ្លីចំនួន៥ដងដែលជាសញ្ញាព្រមានពីសមុទ្រអន្តរជាតិ។ហ្វ្រីស្តូតបានស្នើសុំឱ្យមានការផ្លាស់ប្តូរនាវារុស្ស៉ីជាបន្ទាន់ដោយអនុលោមទៅតាមវិធានអន្តរជាតិនៃផ្លូវទឹក។ កងនាវារុស្ស៊ីដំបូងឡើយបានបដិសេធប៉ុន្តែទីបំផុតបានផ្លាស់ប្តូរទិសដៅ។នៅពេលដែលនាវារុស្ស៊ីបានចាត់វិធានការការពន្យារពេលដំបូងក្នុងការអនុលោមតាមវិធានអន្តរជាតិខណៈពេលដែលវាកំពុងធ្វើឱ្យមានវិធីសាស្ត្រឈ្លានពានបង្កើនហានិភ័យនៃការប៉ះទង្គិចគ្នា។ឧប្បត្តិហេតុស្រដៀងគ្នានេះបានកើតឡើងម្តងរួចទៅហើយនៅក្នុងខែមិថុនាកាលពីឆ្នាំមុននៅពេលដែលនាវាអាមេរិកនិងរុស្ស៊ីជិតបុកគ្នានៅសមុទ្រប៉ាស៊ីហ្វិក។ នាពេលថ្មីៗនេះកងទ័ពជើងទឹកសហរដ្ឋអាមេរិកក៏បានបញ្ជាក់ផងដែរថាទូកអ៊ីរ៉ង់ខ្នាតតូចជាច្រើនគ្រឿងបានបើកតាមនាវាដឹកយន្តហោះប្រភេទNimitzUSSAbrahamLincolnនិងនាវាដទៃទៀតមកពីក្រុមធ្វើកូដកម្មសហរដ្ឋអាមេរិក។នៅពេលដែលពួកគេបានធ្វើដំណើរតាមសមុទ្រHormuzចូលទៅឈូងសមុទ្រអូម៉ង់កាលពីខែធ្នូ។យ៉ាងណាក្តី កងទ័ពជើងទឹកអាមេរិកបាននិយាយកាលពីថ្ងៃសុក្រថា“ កងទ័ពជើងទឹកសហរដ្ឋអាមេរិកនៅតែបន្តការប្រុងប្រយ័ត្ននិងត្រូវបានបណ្តុះបណ្តាលឱ្យធ្វើសកម្មភាពប្រកបដោយវិជ្ជាជីវៈ”៕ដើមរាំង
Hanio CNA៖ប្រភពព័ត៌មានបរទេសបានឱ្យដឹងថា រដ្ឋមន្ត្រីក្រសួងព័ត៌មានម្នាក់ពាក់ព័ន្ធរឿងអាស្រូវពុរលួយត្រូវតុលាការប្រទេសវៀតណាមផ្តន្ទាទោសដាក់គុកអស់មួយជីវិតកាលពីថ្ងៃទី២៨ធ្នូ២០១៩។ក្នុសវនាការ តុលាការរកឃើញថា ជនត្រូវចោទង្វៀនបាក់សនអតីតរដ្ឋមន្ត្រីក្រសួងព័ត៌មានរូបនេះបានទទួលប្រាក់សំណូកចំនួន៣លានដុល្លារដើម្បីសម្របសម្រួលកិច្ចព្រមព្រៀងមួយ។ ប្រភពបានបន្តថាកិច្ចព្រមព្រៀងនោះគឺក្រុមហ៊ុន Mobi Fone បានបង់ប្រាក់ចំនួន៩៥ភាគរយ នៃភាគហ៊ុន នៅក្នុងក្រុមហ៊ុនផ្តល់សេវាកម្មទូរទស្សន៍បង់ប្រាក់សម្រាប់ទស្សនា ។សវនាការនេះដែរ តុលាការក៏បានផ្តន្ទាទោស អតីតរដ្ឋមន្ត្រីក្រសួងព័ត៌មានម្នាក់ទៀតគឺលោកទ្រឿងមីញទួនឱ្យជាប់គុក១៤ឆ្នាំពាក់ព័ន្ធគ្រប់គ្រងសេដ្ឋកិច្ចមិនត្រឹមត្រូវនិងទទួលប្រាក់សំណូកនៅក្នុងករណីតែមួយនេះដែរ៕ដើមរាំង
ស្វាយរៀង៖កាលពីរសៀលថ្ងៃទី១១ខែធ្នូឆ្នាំ២០១៩ព្រះរាជអាជ្ញាអមសាលាដំបូងខេត្តស្វាយរៀងលោកគង់ចន្ទ័ខេមរិទ្ធបានដឹកនាំក្រុមអ្នកអនុវត្តសាលក្រមនៃតុលាការខេត្តស្វាយរៀងនៅផ្ទះរបស់ជនរងគ្រោះឈ្មោះតន់ថាវរីអ្នកលក់អេតចាយស្ថិតនៅភូមិកៀងសាំងសង្កាត់ស្វាយរៀងក្រុងស្វាយរៀង។ ត្រូវបានផ្អាកនៅវេលាម៉ោង៣និង១០នាទីរសៀលដោយគ្មានអាជ្ញាធរនិងមន្ត្រីសុរិយោដីចូលរួមគឺមានតែលោកព្រះរាជអាជ្ញានិងសមត្ថកិច្ចនគបាលជាង២០នាក់ប៉ុណ្ណោះ។ជាពិសេសរកអ្នកបង្ហាញព្រំប្រទល់ដីមិនទាន់បានក៏ប៉ុន្តែប្រជាពលរដ្ឋដែលមកចូលរួមជាច្រើននាក់ប្រាប់ថាបណ្ណ័សំគាល់សិទ្ធិដែលដើមបណ្តឹងយកមកអះអាងនេះគឺនៅទីតាំងផ្សេងដូច្នេះត្រូវផ្អាកលើកពេលទៅថ្ងៃក្រោយ៕
ព្រះវិហារៈលោកពឹងទ្រីដាប្រធានមន្ទីរកសិកម្មរុក្ខាប្រមាញ់និងនេសាទខេត្តព្រះវិហារបានបញ្ជាក់ពីលទ្ធផលសហគមនិងក្រុមហ៊ុនប្រមូលទិញស្រូវដោយបានបង្ហាញពីរបាយការណ៍ដែលបានអនុវត្តកន្លងមក។ លោកពឹងទ្រីដាបានឱ្យដឹងថាក្នុងឆ្នាំ២០១៩នេះនៅទូទាំងខេត្តព្រះវិហារមានសហគមន៍កសិកម្មចំនួន៣៤សហគមន៏បានចុះកិច្ចសន្យាផលិតនិងផ្គត់ផ្គង់ស្រូវសរីរាង្គបរិមាណសរុប២២.៤៦១តោនដែលមានសមាជិកផលិតសរុបចំនួន៥.៣៤១គ្រួសារលើផ្ទៃដីសរុប១៤.៧៦៩ហិកតាសម្រាប់លក់ឱ្យក្រុមហ៊ុនចំនួន៣គឺ៖ក្រុមហ៊ុនអេមរ៉ុរ៉ាយ(AMRURice)ក្រុមហ៊ុនស៊ិកនេតឈ័រអហ្វអេស៊ា(SignaturesofAsia)និងក្រុមហ៊ុនហ្គោលដិនរ៉ាយ(Golden Rice)។ គិតមកត្រឹម៨ខែ១២ឆ្នាំ២០១៩លទ្ឋផលប្រមូលទិញរបស់ក្រុមហ៊ុនទាំង៣មានដូចខាងក្រោម៖១-ក្រុមហ៊ុន Golden Rice ប្រមូលទិញបានបរិមាណ៣.១២៩តោន គ្រប់តាមផែនការ ១០០ភាគរយ។២-ក្រុមហ៊ុនAmruRiceប្រមូលទិញបានបរិមាណ១២.៨៤១តោនបានប្រមាណជាង៧៥ភាគរយធៀបផែនការកិច្ចសន្យា បច្ចុប្បន្នក្រុមហ៊ុនកំពុងបន្តសម្រុកដឹកជញ្ជូនទៅកាន់ក្រុមហ៊ុន។ ៣,ក្រុមហ៊ុនSignatureofAsiaប្រមូលទិញបានបរិមាណ១.០០០តោនបានប្រមាណជាង៧០ភាគរយធៀបផែនការកិច្ចសន្យាបច្ចុប្បន្នក្រុមហ៊ុនកំពុងបន្តសម្រុកដឹកជញ្ជូនទៅកាន់ក្រុមហ៊ុន។តម្លៃស្រូវកសិករទទួលបានដល់ដៃជាទូទៅមាន៖១.ប្រភេទស្រូវក្រអូបផ្ការំដួល(សើម)បាន១.២៦០រៀលក្នុងមួយគីឡូក្រាម-១.៣២០រៀលក្នុងមួយគីឡូក្រាម(យោងទៅតាមគុណភាពស្រូវ)។២.ប្រភេទស្រូវក្រអូបផ្ការំដួល(ស្ងូត)បាន១.៥០០រៀលក្នុងមួយគីឡូក្រាម-១.៥៩០រៀលក្នុងមួយគីឡូក្រាម(យោងទៅតាមគុណភាពស្រូវ) ។ ៣.ប្រភេទស្រូវសរពូជក្នុងស្រុក(ស្ងូត)មានដូចជានាងអុកនាងអ៊ំនាងកែវស្រូវត្នោត….ទទួលបានតម្លៃ១.១៤០រៀលក្នុងមួយគីឡូក្រាម-១.១៨០រៀលក្នុងមួយគីឡូក្រាម(យោងទៅតាមគុណភាពស្រូវ)។បញ្ជាក់៖កសិករដែលបានចុះកិច្ចសន្យាលក់ស្រូវជូនក្រុមហ៊ុនទទួលបានតម្លៃខ្ពស់ជាងពី២០០រៀល-២៥០រៀលក្នុងមួយគីឡូក្រាមបើធៀបទៅនឹងកសិករលក់តាមរយៈឈ្នួញកណ្តាល៕សៅវ៉ាន់ឌី