ប៉ៃលិន៖នៅថ្ងៃទី២ខែមេសាឆ្នាំ២០២០នេះសាលាដំបូងខេត្តប៉ៃលិនសម្រេចឃុំខ្លួនជាបណ្តោះអាសន្នចំពោះយុវជន៤នាក់ពីបទប្រព្រឹត្តិអំពើហឹង្សាមានស្ថានទម្ងន់ទោសទៅវិញទៅមកដែលបានប្រព្រឹត្តិនៅក្នុងភូមិអូរតាពុកក្រោមសង្កាត់ទួលល្វាក្រុងប៉ៃលិនខេត្តប៉ៃលិន។
សមត្ថកិច្ចបានប្រាប់ឱ្យដឹងថាក្រោយកម្លាំងនគរបាលព្រហ្មទណ្ឌក្រុងប៉ៃលិនបាននាំខ្លួនជនសង្ស័យទាំង៤នាក់ដើម្បីទៅសាកសួរអនុវត្តតាមដីកាក្រោមការដាក់បន្ទុកស្របតាមផ្លូវច្បាប់។តំណាងអយ្យសាការអមលាដំបូងខេត្តប៉ៃលិនបានសម្រេចចេញដីកាបង្គាប់ឱ្យឃុំខ្លួនជាបណ្តោះអាសន្នលើជនរងចោទតែម្តង។ដោយដាក់ឱ្យស្ថិតនៅក្រោមការពិនិត្យពីបទប្រព្រឹត្តិអំពើហិង្សាមានស្ថានទម្ងន់ទោស។
ជនរងចោទមានឈ្មោះឃីប៊ុនធឿនភេទប្រុសអាយុ១៨ឆ្នាំរស់នៅភូមិអូរតាវ៉ៅសង្កាត់អូរតាវ៉ៅ។ឈ្មោះចយចំណាប់ភេទប្រុសអាយុ១៧ឆ្នាំមានទីលំនៅក្នុងភូមិប៉ាហ៊ីជើងសង្កាត់ប៉ៃលិន។ឈ្មោះអ៊ីលីហ៊ួរភេទប្រុសអាយុ១៧ឆ្នាំរស់នៅក្នុងភូមិតាង៉ែនលើសង្កាត់ប៉ៃលិននិងឈ្មោះសុខសុផាតភេទប្រុស អាយុ១៩ ឆ្នាំ បច្បុន្នស្នាក់នៅភូមិព្រែកនរិន្ទ ឃុំព្រែកនរិន្ទស្រុកសង្កែខេត្តបាត់ដំបង។
ដីកាបង្គាប់ឱ្យឃុំខ្លួនជនខាងលើជាបណ្តោះអាសន្នសម្របសម្រួលដោយលោកជាសុខច័ន្ទដេតចៅក្រមស៊ើបសួរសាលាដំបូងខេត្តប៉ៃលិនចុះថ្ងៃទី១ខែមេសាឆ្នាំ២០២០ស្របតាមមាត្រា២១៩និងមាត្រាបន្តបន្ទាប់នៃក្រមនីតិវិធីព្រហ្មទណ្ឌ៕
