ព្រះវិហារ៖កាលពីនៅវេលាម៉ោង១០:៣០នាទីថ្ងៃទី៨ខែមេសាឆ្នាំ២០២០កងកម្លាំងអាវុធហត្ថស្រុកជ័យសែនបានសហការណ៍ជាមួយកម្លាំងរដ្ឋបាលព្រៃឈើសង្កាត់និងផ្នែករវៀងដេញចាប់រថយន្ដសាំយ៉ុងដឹកឈើផ្អើលពេញស្រុកជ័យសែន ក្នុងខេត្តព្រះវិហារ។
លោកឧត្តមសេនីយ៍ត្រី កង សៅគុណ មេបញ្ជាកាកងរជអាវុធហត្ថខេត្តព្រះវិហារបានឱ្យដឹងថា៖ ក្រោយពីទទួលព័ត៌មានថារថយន្ដ១គ្រឿងដឹកឈើចេញពីស្រុកជ័យសែនឆ្លងកាត់តាមបណ្ដោយផ្លូវជាតិលេខ៦២ឆ្ពោះទៅខេត្តកំពង់ធំ។លោកបានបញ្ជាកម្លាំងសហការគ្រប់បណ្ដាលអង្គភាពពាក់ព័ន្ធតាមគោដៅចុះបង្ក្រាបបទល្មើសខាងលើ ។
ដោយមានការសហការពីជំនាញរដ្ឋបាលព្រៃឈើរវៀងដឹកនាំដោយលោកជ័យសេដ្ឋាបានដេញរថយន្ដនេះមិនព្រមចូលខ្លួនផាកវិន័យតាមច្បាប់រដ្ឋបាលព្រៃឈើរត់រហូតដល់ស្រុកជ័យសែនអស់ល័ក្ខជាប់អន្ទាក់ក្រុមសម្ថកិច្ចចំរុះ។
ក្រោយពីមន្ត្រីរដ្ឋបាលព្រៃចុះមកដល់ទីតាំងរថយន្ត១គ្រឿងម៉ាក់សាំយុងពណ៌សពាក់ស្លាកព្រះសីហនុ2A1957ដឹកឈើក្ដារនិងសសរប្រភេទលេខ២សមត្ថកិច្ចចុះបង្ក្រាប់បានភ្លាមនោះផងដែរចំណែកតៃកុងរថយន្តបានគេចខ្លួនបាត់។
លោកជ័យសេដ្ឋានាយសង្កាត់រដ្ឋបាលព្រៃឈើរជ័យសែនបានប្រាប់ភ្នាក់ងារសាព័ត៌មាននៅព្រឹកថ្ងៃទី៨ ខែមេសាឆ្នាំ២០២០នេះថារថយន្តសាំយុងដឹកឈើធ្វើដំណើរចេញពីស្រុកជ័យសែនបើកបរតាមបណ្ដោយផ្លូវជាតិលេខ៦២ទៅដល់ចំនុចចំការកៅក្នុងភូមិអូពោរដោយសារមន្ត្រីរបស់លោកឃាត់សាក់សួរ ហើយរថយន្ដបានបើករត់គេចត្រឡប់មកក្រោយវិញ។
លោកបានបញ្ជាកម្លាំងដាក់ដែកគោលតែរថយន្ដដឹកឈើនេះនៅតែបើកបរបន្ដនឹងរារាំងមិនឱ្យសម្ថកិច្ចវ៉ាទេ។តែលោកបានដាក់កម្លាំងមន្ត្រីរដ្ឋបាលព្រៃឈើនិងសហការជាមួយកងកម្លាំងអាវុធមូលដ្ឋានស្រុកជ័យសែននិងកម្លាំងសង្កាត់រដ្ឋបាលជ័យសែនដេញស្ទាក់ចាប់រថយន្ដរហូតធ្លាយកង់បើកបរទៅមុខលែងរួច ។
រថយន្តដឹកឈើប្រភេទឈើលេខ២សសរ៥ដើមនឹងក្ដារ៣២សន្លឹកស្មើរ០.៩៣០០ម៉ែត្រគូបត្រូវបាននាំមករក្សាទុកនៅសង្កាត់រដ្ឋបាលព្រៃឈើជ័យសែនដើម្បីចាត់ចែងតាមច្បាប់រដ្ឋបាលព្រៃឈើ៕វ៉ាន់ឌី