ភ្នំពេញ៖ឃ្លាំងស្តុកអេតចាយមួយកន្លែងត្រូវបានភ្លើងឆេះអស់ទាំងស្រុងតែម្តងខណៈម្ចាស់ចាក់សោទ្វារទុកចោលហើយនាំគ្នាទៅលេងស្រុកកំណើត។ហេតុការណ៍នេះបានកើតឡើងនៅផ្លូវលំភូមិដំណាក់ធំ១សង្កាត់ស្ទឹងមានជ័យទី២ខណ្ឌមានជ័យរាជធានីភ្នំពេញកាលពីរសៀលថ្ងៃទី២៣ខែមេសាឆ្នាំ២០២០។
ប្រភពព័ត៍មានបានឱ្យដឹងថាមុនពេលកើតហេតុផ្ទះដាក់អេតចាយម្ចាស់បានចាក់សោទ្វារទុកចោលហើយក៏នាំគ្នាទៅលេងស្រុកកំណើតក៏ត្រូវភ្លើងឆេះ។ភ្លាមៗនោះមានរថយន្តពន្លត់អគ្គិភ័យនៃកងរាជអាវុធហត្ថចំនួន៣គ្រឿង។រថយន្តពន្លត់អគ្គិភ័យនៃស្នងការនគរបាលក្រុងរថយន្តចំនួន៣គ្រឿង។រថយន្តក្រុមហ៊ុនស្រាបៀកម្ពុជាចំនួន១គ្រឿងចេញទៅអន្តរាគមន៏ជួយបាញ់ពន្លត់ឱ្យរលត់ជាស្ថាពរនៅវេលាថ្ងៃដដែល។
សមត្ថកិច្ចបានបញ្ជាក់ឱ្យដឹងថាភ្លើងដែលឆាបឆេះឃ្លាំងអេតចាយនេះគឺបណ្តាលមកពីឆ្លងចរន្តអគ្គិសនី។ក្នុងហេតុការណ៍នេះមិនបណ្តាលឱ្យមានអ្នករងគ្រោះថ្នាក់ទេគ្រាន់តែខូចខាតសម្ភារអេតចាយអស់មួយចំនួនធំនិងឆេះឃ្លាំងស្តុកអេតចាយអស់ទាំងស្រុង៕