កំពត៖នារីម្នាក់បានជិះម៉ូតូបុកឆ្កែហើយចៃដន្យរថយន្តមកដល់ក៏កិនពីលើបណ្តាលឱ្យស្លាប់យ៉ាងរន្ធត់បំផុត។ហេតុការណ៍នេះបានកើតឡើងនៅតាមបណ្តាយផ្លូវពីស្រុកជុំគិរីទៅស្រុកឈូកកាលពីព្រឹកថ្ងៃទី១៣ខែមិថុនាឆ្នាំ២០២០។មន្ត្រីនគរបាលបានឱ្យដឹងថានារីរងគ្រោះឈ្មោះពៅសុភ័ក្រអាយុ៣០ឆ្នាំនៅភូមិកណ្តាលឃុំជំពូវ័ន្តស្រុកជុំគិរីខេត្តកំពត។
ប្រភពដដែលបានរៀបរាប់ថាកាលពីព្រឹកថ្ងៃទី១៣ខែមិថុនាមានករណីគ្រោះថ្នាក់ចរាចរណ៍មួយបានកើតឡើងនៅលើដងផ្លូវចេញពីស្រុកជុំគីរីទៅស្រុកឈូកដោយម៉ូតូមួយគ្រឿងបានបុកឆ្កែរួចដួលដេកលើថ្នល់តែម្តង។ជាចៃដន្យពេលនោះរថយន្តមិនស្គាល់អត្តសញ្ញាណមួយគ្រឿងបានមកដល់ក៏កិនពីលើបណ្តាលឱ្យអ្នកបើកម៉ូតូស្លាប់មួយរំពេច។
មន្ត្រីនគរបាលបានបញ្ជាក់ថាភ្លាមៗរថយន្តបង្កបានបើកគេចបាត់ពីកន្លែងកើតហេតុដោយមិនទទួលខុសត្រូវឡើយ៕ឌីណា
