ភ្នំពេញ៖តាមរបាយការណ៍ពីនាយកដ្ឋាននគរបាលចរាចរនិងសណ្ដាប់ធ្នាប់សាធារណៈនៃអគ្គស្នងការដ្ឋាននគរបាលជាតិបានឱ្យដឹងថាគ្រោះថ្នាក់ចរាចរទូទាំងប្រទេសបានកើតមានចំនួន១៥លើក។ថ្ងៃទី៨ខែមករាឆ្នាំ២០២០មានមនុស្សស្លាប់៧នាក់របួសធ្ងន់-ស្រាល១២នាក់។
របាយការណ៍ដដែលបានបន្តថា នៅក្នុងករណីគ្រោះថ្នាក់ចរាចរនេះបង្កឱ្យមានការខូចខាតយានយន្ត សរុបជាច្រើនគ្រឿង។ក្នុងនោះមានម៉ូតូ,រថយន្តតូច-ធំនិងយានផ្សេងៗជាច្រើនគ្រឿងទៀត។រីឯមូលហេតុបណ្តាលឱ្យកើតមានហេតុការណ៍គ្រោះថ្នាក់ចរាចរគឺបណ្តាលមកពីបើកបរលើសល្បឿន កំណត់ ,មិនគោរពសិទ្ធិបត់មិនប្រកាន់ស្តាំជាដើម ។
ទិន្នន័យ គ្រោះថ្នាក់ ចរាចរផ្លូវគោកទូទាំងប្រទេសថ្ងៃនេះបានបញ្ជាក់ថាគ្រោះថ្នាក់ដែលបង្កឱ្យមាន មនុស្ស ស្លាប់និងរបួសសរុបចំនួន១៩នាក់នៅថ្ងៃទី៨ខែមករានេះគឺកើតឡើងដោយសារហេតុការណ៍ ប៉ះទង្គិចចំនួន១០លើក៕