ព្រះវិហារ៖នៅថ្ងៃទី១០ខែសីហាឆ្នាំ២០២០ថ្នាក់ដឹកនាំមន្ទីរកសិកម្មរុក្ខាប្រមាញ់និងនសាទរួមជាមួយមន្ត្រីសង្កាត់នាយខណ្ឌរដ្ឋបាលព្រៃឈើព្រះវិហារ។ជាមួយនោះមានទីប្រឹក្សាកម្មវិធីASPIREសហការជាមួយមន្ត្រីការិយាល័យកសិកម្មធនធានធម្មជាតិនិងបរិស្ថានស្រុកឆែប។
លោកពឹងទ្រីដាប្រធានមន្ទីរកសិកម្មរុក្ខាប្រមាញ់និងនសាទខេត្តព្រះវិហារបានឱ្យដឹងថាៈការរៀបចំកម្មវិធីប្រគល់-ទទួលសម្ភារគាំទ្រដល់ផលិតកម្មឬស្សីទំពាំងផ្អែមដល់សហគមន៏ព្រៃឈើឆែបលិចព្រមទាំងបានបើកវគ្គពង្រឹងនិងគាំទ្របច្ចេកទេសក្នុងដំណើរការផលិតកម្មដាំដុះដំណាំឬស្សីទំពាំងផ្អែមដោយបានដឹកនាំប្រជាសហគមន៏ចុះអនុវត្តផ្ទាល់ការងារដាំដុះ។
លោកប្រធានបានបន្តថាៈសហគមន៍ព្រៃឈើឆែបលិច ប្រកាសទទួលស្គាល់ដោយក្រសួងកសិកម្ម រុក្ខាប្រមាញ់និងនេសាទលេខ៥៥២ប្រក.កសកចុះថ្ងៃទី២០ខែសីហាឆ្នាំ២០១០និងបានចុះកិច្ចព្រមព្រៀងជាមួយខណ្ឌរដ្ឋបាលព្រៃឈើនៅថ្ងៃទី២៥ខែមករាឆ្នាំ២០១៣។សហគមន៍មានសមាជិកសរុបចំនួន៣១៤គ្រួសារសហគមន៍មានផ្ទៃដីសរុបចំនួន ២.៦២៤ហិកតា។
ក្នុងឆ្នាំ២០២០នេះកម្មវិធីផ្សព្វផ្សាយបច្ចេកទេសថ្មីដែលមានភាពធននឹងការប្រែប្រួលអាកាសធាតុ (ASPIRE)នៃមន្ទីរកសិកម្មបានគាំទ្រសហគមន៏ព្រៃឈើចំនួន៣មានដូចជា៖១,សហគមន៏ព្រៃឈើក្រសាំង។២,សហគមន៏ព្រៃឈើឆែបលិច។៣,សហគមន៏ព្រៃឈើសាមគ្គីត្រពាំងទន្ទឹមដើម្បីដាំដុះដំណាំឬស្សីទំពាំងផ្អែម។
ដោយគាំទ្រជាធាតុចូលកសិកម្មដល់សហគមន៏និមួយៗទទួលបានដូចៗគ្នារួមមាន ស្រះទឹកមួយ កូនឬស្សីត្រពាំងផ្អែម៧០០កូន រទេះរុញដៃ ម៉ាស៊ីនបូមទឹក ជញ្ជីងថ្លឹងផងដែរ៕វ៉ាន់ឌី
