ភ្នំពេញ៖គ្រោះថ្នាក់ចរាចរមួយដោយរថយន្តដឹកទនិញបើកបត់កៀរកិនម៉ូតូបណ្តាលឱ្យស្លាប់ប្រុសរីឯស្រីរងរបួសខណៈឌុបគ្នាទៅយកអត្តសញ្ញាណប័ណ្ណ។ហេតុការណ៍បានកើតឡើងនៅតាមផ្លូវបេតុងភូមិត្រពាំងទួលសង្កាត់កំបូលខណ្ឌកំបូលកាលពីរសៀលថ្ងៃទី១១ខែមករាឆ្នាំ២០២០។
ប្រភពព័ត៌មានបានឱ្យដឹងថាជនរងគ្រោះស្លាប់ក្នុងហេតុការណ៍ឈ្មោះ បឺយ សី ភេទប្រុស អាយុ២៣ឆ្នាំ ស្នាក់នៅផ្ទះជួល ភូមិកំបូលសង្កាត់កំបូលខណ្ឌកំបូលមានស្រុកកំណើតនៅខេត្តកំពង់ធំ។ចំណែកនាងជាគូរសង្សារមានឈ្មោះលីសុខណានអាយុ២១ឆ្នាំមុខរបរកម្មការនីរោងចក្រស្នាក់នៅផ្ទះជួលនៅភូមិត្រយឹងឃុំពើកស្រុកអង្គស្នួលខេត្តកណ្តាល។
ចំណែកអ្នកបើកបររថយន្តបង្ក សមត្ថកិច្ចឃាត់ខ្លួនបាន មានឈ្មោះ ផន ផាណាំង ភេទប្រុស អាយុ១៩ឆ្នាំ មុខរបរ បើកបររថយន្តដឹកក្រណាត់ មានទីលំនៅភូមិអាយាន ឃុំពាំងល្វា ស្រុកឧដុង្គខេត្តកំពង់ស្ពឺ ។ក្រោយកើតហេតុសមត្ថកិច្ចចុះយករថយន្តបង្កនិងម៉ូតូរួមទាំងអ្នកបើកបររថយន្តផងនោះប្រគល់ទៅការិយាល័យចរាចរណ៍ជើងគោក កសាងសំណុំរឿងតាមនីតិវិធីច្បាប់៕