ភ្នំពេញ៖នារីកម្មកររោងចក្រ Minebea Mitsumi ម្នាក់ ត្រូវបានអតីតសង្សារ តាមចាក់សម្លាប់នឹងកាបិតចុងស្រួច ខណៈពេលនាង កំពុងជិះម៉ូតូ ទៅធ្វើការ។បន្ទាប់មក ជនដៃដល់ បានជិះម៉ូតូរត់មក ចង.កសម្លាប់ខ្លួន នៅក្នុងវត្តស្ងួនពេជ្រ ដើម្បីបញ្ចប់សាច់រឿង។
ហេតុការណ៍នេះ បង្កឱ្យមានការភ្ញាក់ផ្អើល នៅចំណុចផ្លូវបេតុង ក្នុងតំបន់សេដ្ឋកិច្ចពិសេសកំបូល ស្ថិតក្នុងភូមិត្រពាំងឈូក សង្កាត់កន្ទោក ខណ្ឌកំបូលកាលពីព្រឹក ថ្ងៃទី២៨ ខែសីហា ឆ្នាំ២០២០ ។
នារីរងគ្រោះ ឈ្មោះ យឺន ស្រីនី អាយុ២៥ឆ្នាំ មុខរបរ កម្មកររោងចក្រ Minebea Mitsumi ផលិតបរិក្ខារអគ្គិសនី ស្នាក់នៅភូមិតាសេក សង្កាត់កំបូល ខណ្ឌកំបូល រាជធានីភ្នំពេញ។
ដោយឡែក ជនដៃដល់ បានរត់មកចង ក សម្លាប់ខ្លួន ក្នុងវត្តស្ងួនពេជ្រ មានឈ្មោះ លឹម តិច អាយុ២៥ឆ្នាំ មុខរបរ ជាងដែក ស្នាក់នៅភូមិត្រពាំងវែង ឃុំឆក់ឈើនាង ស្រុកអង្គស្នួល ខេត្តកណ្តាល ព្រោះនៅជាប់នឹងដៃ របស់អត្តឃាតជន ដែលចង ក នោះ មានប្រឡាក់សុទ្ធតែឈាម នារីរងគ្រោះ ៕
