ខេត្តសៀមរាប៖ រថយន្តតាក់ស៊ីដែលដឹកអ្នកដំណើរជនជាតិវៀតណាម ប្រុសស្រីចំនួន១១នាក់បើកបរក្នុងក្នុងល្បឿនលឿនដោយអ្នកបើកបរអាចងងុយដេកក៏បណ្តាលឱ្យក្រឡាប់ធ្លាក់ទឹក។
នៅក្នុងករណីនេះរថយន្តក្រឡាប់នេះបានកើតឡើងនៅផ្លូវជាតិលេខ៦ចន្លោះគីឡូម៉ែត្រលេខ 246-247 ក្នុងភូមិ ស្ពានត្នោត១ឃុំស្ពានត្នោត ស្រុកជីក្រែង ខេត្តសៀមរាបកាលពីព្រឹកថ្ងៃទី៦ខែវិច្ឆិកាឆ្នាំ២០២០នេះ។
ប្រភពព័ត៌មានបានឱ្យដឹងថា៖ ករណីគ្រោះថ្នាក់ចរាចរណ៍នេះមានមនុស្សស្លាប់ចំនួន៧នាក់ ក្នុងនោះតៃកុងមានអ្នកបើកបរម្នាក់ផងដែរ និងរបួសធ្ងន់ស្រាលចំនួន៥នាក់ ដែលបង្កឱ្យមានកកស្ទះចរាចរណ៍មួយសន្ទុះធំ។
សមត្ថកិច្ចស្រុកជីក្រែងបានឱ្យដឹងថា៖ រថយន្តជួបគ្រោះថ្នាក់ចរាចណ៍ ដោយខ្លួនឯងនោះម៉ាកស្តារិច ពណ៌ទឹកប្រាក់ ពាក់ស្លាកលេខ កំពង់ចាម ២A៨៤៦៩ បើកបរដោយ ជនជាតិខ្មែរ តែមិនទាន់ស្គាល់ឈ្មោះបានស្លាប់។រថយន្តដឹកអ្នករួមដំណើរជាជនជាតិវៀតណាម១១នាក់ ប្រុស៦នាក់ស្រី៥នាក់ ។
បច្ចុប្បន្ន កម្លាំងនគរបាលជំនាញស្រុកមិនទាន់ឱ្យដឹងលម្អិតនៅឡើយទេ ព្រោះកំពុងធ្វើការនាំរថយន្តស្ទូចចេញពីកន្លែងកើតហេតុ ឯអ្នករបួសក៏បានដឹកទៅសង្គ្រោះ៕សហការី
