ភ្នំពេញ៖ស្ត្រីម្នាក់ជាប្រពន្ធបានយកកន្សែងរឹតកសម្លាប់ប្តីពេលប្តីត្រឡប់ពីដេកផ្ទះសំណាក់ជាមួយស្រីស្នេហ៍វិញ។អំពើឃាតកម្មបានកើតឡើងនៅមុខបន្ទប់ជួលក្នុងភូមិស្វាយប៉ាកសង្កាត់ស្វាយប៉ាកខណ្ឌឬស្សីកែវកាលពីថ្ងៃត្រង់ថ្ងៃទី២១ខែមករាឆ្នាំ២០២០។
មន្ត្រីនគរបាលខណ្ឌឬស្សីកែវបានឱ្យដឹងថាសពជនរងគ្រោះមានឈ្មោះស្បោងគឹមភេទប្រុសអាយុ៥៩ឆ្នាំស្នាក់នៅភូមិកើតហេតុមុខរបរបម្រើការជាបុគ្គលិកក្រុមហ៊ុនសម្លាប់សត្វល្អិត។ស្ត្រីជាប្រពន្ធឈ្មោះសុខសុណ្ណារាអាយុ៥៧ឆ្នាំមុខរបរលក់នំបញ្ចុកស្នាក់នៅជាមួយគ្នា។
ក្រោយពេលកើតហេតុស្ត្រីជាប្រពន្ធនៅយំអោបប្តីដោយមិនបានរត់ទៅណាឡើយភ្លាមៗនោះក៏មានការភ្ញាក់ផ្អើលដល់ប្រជាពលរដ្ឋរាយការណ៍សមត្ថកិច្ចមូលដ្ឋានចុះមកឃាត់ស្ត្រីយកទៅសាកសួរនៅប៉ុស្តិ៍ដើម្បីកសាងសំណុំរឿងចាត់ការតាមនីតិវិធី៕
