ភ្នំពេញ៖លោកទេសរដ្ឋមន្ដ្រី ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន និងលោកឃួងស្រេងអភិបាលរាជធានីភ្នំពេញរួមនឹងមន្ត្រីជំនាញជាច្រើនរូប។កាលពីរសៀលថ្ងៃទី១១ខែធ្នូឆ្នាំ២០១៩បានជិះរថភ្លើងដើម្បីពិនិត្យស្ថានភាពផ្លូវដើម្បីស្ថាបនាផ្លូវអមសងខាងផ្លូវភ្លើង។
ថ្នាក់ដឹកនាំនិងមន្ត្រីជិះរថភ្លើងនេះគឺដើម្បីពិនិត្យស្ថានភាពអមសងខាងផ្លូវរថភ្លើងគ្រោងស្ថាបនាផ្លូវបេតុងអមសងខាងផ្លូវភ្លើងបានចេញដំណើរពីស្ថានីយ៍រថភ្លើងដើមទីក្នុងសង្កាត់ស្រះចកខណ្ឌដូនពេញទៅដល់ស្ថានីយរថភ្លើងសំរោងក្នុងខណ្ឌពោធិ៍សែនជ័យ។ក្នុងនោះដើម្បីរកវិធីជួយរំដោះការធ្វើសារាចរនៅតាមបណ្ដោយផ្លូវសហព័ន្ធរុស្ស៊ីខណៈផ្លូវហព័ន្ធរុស្ស៊ីពីមួយទៅថ្ងៃទៅមួយថ្ងៃកាន់តែកកស្ទះចរាចរណ៍ធ្ងន់ធ្ងរទៅៗ។
គួរបញ្ជាក់ផងដែរថាផ្លូវសម្រាប់យានយន្តនៅសងខាងបណ្តោយផ្លូវរថភ្លើងនេះត្រូវបានស្ថាបនាឡើងដោយកន្លែងគឺកន្លែងខ្លះត្រូវបានស្ថាបនាជាបណ្តោះអាសន្នរួចដែលមានទទឹង៧ម៉ែត្រទៅ៥ម៉ែត្រ។ក្នុងនោះកន្លែងខ្លះក៏មិនទាន់មានការសាងសង់ផ្លូវដែរដោយនៅជាផ្លូវដីនិងកន្លែងខ្លះប្រជាពលរដ្ឋរស់នៅ៕
