ភ្នំពេញ៖កម្លាំងនគរបាលបានចាប់ជនសង្ស័យ៣នាក់ពាក់ព័ន្ធករណីគាស់ផ្ទះលួចយកម៉ូតូនៅភូមិត្រពាំងថ្លឹង៣សង្កាត់ចោមចៅទី១ ខណ្ឌពោធិ៍សែនជ័យកាលពីយប់ថ្ងៃទី៤ ខែមេសាឆ្នាំ២០២២ ។
សមត្ថកិច្ចបានឱ្យដឹងថា ជនសង្ស័យឈ្មោះសាង រ៉ាវី អាយុ២៨ឆ្នាំ-ឈ្មោះង៉ែត បូរិន អាយុ៣០ឆ្នាំ-ឈ្មោះ ជុំ វ៉ាន់ថៃ អាយុ១៨ឆ្នាំ-ពួកគេស្នាក់នៅសង្កាត់ចោមចៅទី១ ខណ្ឌពោធិ៍សែនជ័យ។វត្ថុតាងដកហូតបានម៉ូតូចំនួន២គ្រឿង,ដែកកែច្នៃសម្រាប់កាច់កម៉ូតូចំនួន២-និងសម្ភារពាក់ព័ន្ធបទល្មើសមួយចំនួនទៀត។
មុនចាប់ខ្លួនកម្លាំងនគរបាលបានល្បាតលើផ្លូវចោមចៅក៏ឃើញម៉ូតូម៉ាក Yamaha មួយគ្រឿង ។ដោយមានការសង្ស័យតាមបណ្តឹងសមត្ថកិច្ចក៏ហៅមកត្រួតពិនិត្យក្នុងកែបម៉ូតូរកឃើញដែកកែច្នៃចុងស្រួចចំនួន២ដើម និងឧបករណ៍ផ្សេងទៀតទើបនាំខ្លួនទៅសាកសួរនៅប៉ុស្តិ៍ចោមចៅទី១។បន្ទាប់មកបុរសទាំង៣នាក់បានប្រាប់ថា ពួកខ្លួនពិតជាបានគាស់ផ្ទះលួចយកម៉ូតូនិងធ្លាប់ឆក់ទ្រព្យសម្បត្តិពលរដ្ឋតាមផ្លូវពិតមែន៕
