ភ្នំពេញ៖ផ្នែកជំនាញមន្ទីរប្រឆាំងគ្រឿងញៀនបានបញ្ជូនចិនតៃវ៉ាន់ម្នាក់ទៅតុលាការករណីនាំគ្រឿងញៀនជាង២គីឡូក្រាមប្រុងឡើងយន្តហោះពីកម្ពុជាទៅក្រុងតៃប៉ិ កោះតែវ៉ាន់។សមត្ថកិច្ចបានឱ្យដឹងថា កម្លាំងនគរបាលមន្ទីរប្រឆាំងគ្រឿងញៀន ក១០ កាលពីថ្ងៃទី៦ ខែធ្នូបានបញ្ជូនចិនតៃវ៉ាន់ម្នាក់ទៅតុលាការភ្នំពេញជាប់ពាក់ព័ន្ធករណីជួញដូរនិងដឹកជញ្ជូននូវសារធាតុញៀនខុសច្បាប់។បុរសចិនតៃវ៉ាន់នោះឈ្មោះ YANG CHIN CHUNG អាយុ៤៦ឆ្នាំ។សូមរំលឹកថា កាលពីថ្ងៃទី៣ ខែធ្នូ កម្លាំងនគរបាលជាមួយគយប្រចាំព្រលានយន្តហោះអន្តរជាតិភ្នំពេញច្រកអ្នកដំណើរចេញបានត្រួតពិនិត្យនិងឆែកឆេរភាពមិនប្រក្រតី។ក្នុងនោះរកឃើញចិនតៃវ៉ាន់ម្នាក់ដឹកជញ្ជូនសារធាតុញៀនខុសច្បាប់ពីកម្ពុជាមានគោលដៅទៅក្រុងតៃប៉ិ កោះតៃវ៉ាន់ ។ជនសង្ស័យលាក់ទុកសារធាតុញៀនប្រភេទហេរ៉ូអ៊ីនចំនួន៨ដុំ ទម្ងន់២៧៩៩,៧៩ក្រាមស្មើជិត៣គីឡូ។ជនជាតិចិនរូបនោះបានរុំបិទជាប់នឹងដងខ្លួនតាមរយៈជើងហោះហើរក្រុមហ៊ុន EVAAIR BR0266/03DEC ។ ក្រោយឃាត់ខ្លួនក៏បានប្រគល់មនុស្សនិងវត្ថុតាងឱ្យទៅមន្ទីរប្រឆាំងគ្រឿងញៀនដើម្បីបញ្ជូនទៅតុលាការ៕
Related Articles
បញ្ជូនអ្នកបរិហារកេរ្តិ៍ជេរប្រមាថព្រះមហាក្សត្រនិងថ្នាក់ដឹកនាំទៅតុលាការ
បាត់ដំបង៖សមត្ថកិច្ចបានឃាត់ខ្លួនជនសង្ស័យម្នាក់ ពីបទបរិហារកេរ្តិ៍ ជេរប្រមាថដល់ព្រះមហាក្សត្រនិងថ្នាក់ដឹកនាំ ហើយបានកសាងសំណុំរឿងបញ្ជូនទៅតុលាការ។ មន្ត្រីនគរបាលខេត្តបាត់ដំបងបានឱ្យដឹងថា កាលពីថ្ងៃទី២៦ ខែមីនាឆ្នាំ២០២៣ កម្លាំងនគរបាលជំនាញបានចុះស្រាវជ្រាវនិងឈានដល់ឃាត់ខ្លួនបុរសម្នាក់ពីបទបរិហារកេរ្តិ៍ ជេរប្រមាថដល់ព្រះមហាក្សត្រ និងថ្នាក់ដឹកនាំតាមរយៈប្រព័ន្ធហ្វេសប៊ុកឈ្មោះ KimHong Heng Bavel បង្ហោះកាលពីថ្ងៃទី៩ ខែមីនាកន្លងទៅនៅភូមិកំពង់ឆ្នាំង១ ឃុំបួវិល ស្រុកបវេល ខេត្តបាត់ដំបង។ជនសង្ស័យឈ្មោះ ហេង ហុង អាយុ៣៣ឆ្នាំនៅភូមិកំពង់ឆ្នាំង១ ឃុំបួវិល ស្រុកបវេល ខេត្តបាត់ដំបង បានបរិហារកេរ្តិ៍ និងជេរប្រមាថដល់អង្គព្រះមហាក្សត្រ និងថ្នាក់ដឹកនាំ តាមរយៈអាខោនហ្វេសប៊ុកឈ្មោះ KimHong Heng Bavel របស់ខ្លួន។ ក្រោយពីឃាត់ខ្លួនសមត្ថកិច្ចជំនាញបានបញ្ជូនខ្លួនជនសង្ស័យខាងលើ ទៅតុលាការដើម្បីអនុវត្តនីតិវិធី៕
ឆេះក្លិបកម្សាន្ដក្រោមដីក្នុងក្រុងសៀមរាបស្លាប់សន្តិសុខ៣នាក់និងDJម្នាក់របួសធ្ងន់
សៀមរាប៖អគ្គិសភ័យបានឆាបឆេះក្លិបកម្សាន្តក្រោមដីកណ្តាលក្រុងសៀមរាបយីហោ“អេលីត”បណ្តាលឱ្យសន្តិសុខ៣នាក់ស្លាប់និងDJម្នាក់រងរបួសធ្ងន់។គ្រោះអគ្គិភ័យនេះបានកើតឡើងកាលពីយប់ថ្ងៃទី១ខែឆ្នូឆ្នាំ២០២១ ស្ថិតនៅសង្កាត់ស្វាយដង្គុំក្រុងសៀមរាប ខេត្ដសៀមរាបដោយសមត្ថកិច្ចបានអះអាងថា មកពីឆ្លងចរន្ដអគ្គិសនីឆេះពិដានពេលបុគ្គលិកកំពុងហាត់សមត្រៀមបើកដំណើរការឡើងវិញ។ មន្ត្រីនគរបាលខេត្តសៀមរាបបានឱ្យដឹងថា បុរសដែលស្លាប់ទាំង៣នាក់ឈ្មោះ អ៊ឹង ស៊ីម អាយុប្រហែល៤២ឆ្នាំឈ្មោះ ធី មេសា អាយុ៣៦ឆ្នាំនិងឈ្មោះ ឈឿន សំណាង អាយុ២៦ឆ្នាំ។ពួកគាត់ជាសន្តិសុខក្លិបអេលីត រស់នៅភូមិកន្ត្រក សង្កាត់ស្វាយដង្គំ ក្រុងសៀមរាប។ចំណែកបុរសរងរបួសធ្ងន់ឈ្មោះប្រាក់ សុភ័ណ្ឌ អាយុ៤១ឆ្នាំ DJ ក្លិបអេលីតកំពុងសង្គ្រោះនៅមន្ទីរពេទ្យ។ ក្រោយកើតហេតុ លោក ទៀសីហា អភិបាលខេត្តសៀមរាប និងលោកឧត្តមសេនីយ៍ស្នងការនគរបាលខេត្ត បានដឹកនាំកម្លាំងរថយន្តបាញ់ទឹកពន្លត់។ក្នុងគ្រោះអគ្គិភ័យនេះបានខូចខាតទ្រព្យសម្បត្តិអស់ជាច្រើន ៕
អ្នកជំងឺកូវីដ១៩ជាសះស្បើយចំនួន៣០នាក់នៅខេត្តកំពង់ចាម
កំពង់ចាម៖មន្ទីរពេទ្យមេគង្គកំពង់ចាមនៅថ្ងៃទី១៤ខែឧសភាឆ្នាំ២០២១នេះមានអ្នកជំងឺកូវីដ ១៩ចំនួន ៣០ នាក់បានជាសះ គឺបានឱ្យចាកចេញទៅផ្ទះរៀងៗ ខ្លួន។ ប៉ុន្តែអ្នកទាំងអស់ត្រូវធ្វើចត្តាឡីស័ករយ:ពេលពីរសប្តាហ៍នៅតាមផ្ទះបន្ថែមទៀត។ លោក យិន ស៊ីណាត ប្រធានមន្ទីរពេទ្យខេត្តកំពង់ចាមបានឱ្យដឹងថា៖ អ្នកជំងឺដែលបានជាសះស្បើយទាំង ៣០ នាក់មានកុមារាអាយុក្រោម ១៨ឆ្នាំចំនួន ៤នាក់ កុមារី២ នាក់។ ក្នុងនោះរស់នៅស្រុកកងមាស១៣ នាក់ ស្រុកកំពង់សៀម២នាក់ ស្រុកបាធាយ៤ នាក់ ស្រុកស្រីសន្ធរ៧ នាក់ និងស្រុកចម្ការលើ៤ នាក់។ លោកប្រធានមន្ទីរពេទ្យ បានបន្តថា៖ ថ្ងៃនេះជាលើកដំបូងដែលមានអ្នកជំងឺកូវីដ ១៩ បានជាសះស្បើយជាទ្រង់ទ្រាយធំបែបនេះ ដោយសារតែមានការយកចិត្តទុកដាក់ និងជំរុញពីលោក អ៊ុន ចាន់ដា អភិបាលខេត្តកំពង់ចាម និងលោក គឹមសួរ ភិរុណ ប្រធានមន្ទីរសុខាភិបាលខេត្ត បានធ្វើឱ្យលោកគ្រូ អ្នកគ្រូពេទ្យបានខិតខំប្រឹងប្រែងយ៉ាងសស្រាក់សស្រាំទាំងយប់ទាំងថ្ងៃ។ គួរបញ្ជាក់ថា គិតត្រឹមថ្ងៃទី ១៤ ឧសភាខេត្តកំពង់ចាមមានអ្នកជំងឺកូវីដ ១៩ ក្នុងព្រឹត្តិការណ៍ស ហគមន៍ ២០កុម្ភ: សរុបចំនួន ២០០ នាក់ មានអ្នកជាសះស្បើយចំនួន […]