តាកែវ៖រសៀលថ្ងៃទី១៣ខែធ្នូនេះសមត្ថកិច្ចបានបញ្ជូនអ្នកសារព័ត៌មានអនឡាញម្នាក់វាយស្រ្តីកំណាន់ចិត្តរបស់ខ្លួនបណ្តាលឱ្យរងរបួសធ្ងន់ធ្ងរទៅតុលាការដើម្បីចាត់ការតាមច្បាប់។លោកយ៉ាង តារា អធិការរងនគរបាលស្រុកគីរីវង្សបានឱ្យដឹងថា កាលពីថ្ងៃទី១២ខែធ្នូឆ្នាំ២០២២ឈ្មោះ កែម ចន អាយុ៤៥ឆ្នាំដែលជាអ្នកសារព័ត៌មាន «ចនធីវីអនឡាញ»បានប្រើអំពើហិង្សាដោយសារជនសង្ស័យប្រចណ្ឌស្រីកំណាន់ចិត្តរបស់ខ្លួនជាមួយនឹងអ្នកផ្សេង។អធិការរងនគរបាលស្រុកបានបន្តថា ករណីនេះបានកើតឡើងនៅភូមិពោធិ៍ ឃុំព្រះបាទជាន់ជុំ ស្រុកគីរីវង់ ខេត្តតាកែវ។នៅពេលនាំមកសាកសួរនៅប៉ុស្តិ៍រដ្ឋបាលឈ្មោះ កែម ចន មិនត្រឹមតែថតឡាយក្នុងប៉ុស្តិ៍ប៉ុណ្ណោះទេថែមទាំងបានដេញវាយស្ត្រីរងគ្រោះឈ្មោះចន្ថា អាយុ ៣៨ឆ្នាំ នៅក្នុងប៉ុស្តិ៍ទៀតផង។សមត្ថកិច្ចបានបញ្ជាក់ថា ជនសង្ស័យម្នាក់នេះ ត្រូវបាននគរបាលស្រុកគីរីវង់ក៏ធ្លាប់ប្តឹងទៅតុលាការខេត្តម្តងហើយពីបទផ្សាយព័ត៌មានមិនពិតនិងញុះញុង។ពេលនេះជំនាញបានឃាត់ខ្លួនតាមបណ្តឹងជនរងគ្រោះរួចបញ្ជូនទៅតុលាការតាកែវតែម្តង៕
Related Articles
ម៉ូតូបុកម៉ូតូមានអ្នកស្លាប់ម្នាក់របួសធ្ងន់៣នាក់នៅក្រុងកំពង់ឆ្នាំង
កំពង់ឆ្នាំង៖ម៉ូតូបុកជាមួយម៉ូតូបណ្តាលឱ្យមានអ្នកស្លាប់ម្នាក់រងរបួសធ្ងន់៣នាក់ នៅលើកំណាត់ផ្លូវជាតិលេខ៥ភូមិទួលក្រឡាញ់សង្កាត់កំពង់ឆ្នាំងខេត្តកំពង់ឆ្នាំងកាលពីយប់ថ្ងៃទី៧ខែកុម្ភៈ ឆ្នាំ២០២១។ មន្ត្រីសមត្ថកិ្ចបានឱ្យដឹងថា៖ម៉ូតូម៉ាកហុងដាមានឌុបគ្នា២នាក់ ពាក់ផ្លាកលេខកំពង់ឆ្នាំង1J.8954.បើកបរដោយឈ្មោះភិនផល្លីភេទប្រុសអាយុ២២ឆ្នាំនៅភូមិព្រៃពូចឃុំជ្រៃបាក់ស្រុករលាប្អៀរខេត្តកំពង់ឆ្នាំង។ ម៉ូតូ ម្ខាងទៀតម៉ាកសង់សេ១២៥ មានគ្នា២នាក់ កំពង់ឆ្នាំងផ្លាកលេខ1F.9794 អ្នកបើកបរឈ្មោះ ម៉ាត់ ភេទស្រី អាយុ ៣៧ នៅ ស្រុករលាប្អៀរមានឌុបគ្នា២នាក់។ ឈ្មោះហ៊ុយ ភេទស្រី អាយុ១៨ឆ្នាំដោយករណីនេះ បណ្តាលឱ្យម្នាក់ស្លាប់និង៣នាក់ទៀតរងរបួសធ្ងន់ ។ ចំពោះវត្ថុតាងម៉ូតូ២គ្រឿងត្រូវបានសមត្ថកិច្ចយកទៅរក្សាទុកនៅអធិការដ្ឋាននគបាលក្រុងកំពង់ឆ្នាំង រង់ចាំដោះស្រាយតាមនីតិវិធី៕វិចិត្រ
ក្រុមការងារជលផលខេត្តពោធិ៍សាត់ចុះបង្ក្រាបបទល្មើសនេសាទ
ខេត្តពោធិសាត់៖ក្រុមការងារនៃមន្ទីរកសិកម្មខេត្តពោធិ៍សាត់នៅថ្ងៃទី១ខែធ្នូឆ្នាំ២០២០នេះបានចុះបង្ក្រាបបទល្មើសនេសាទប្រើឧបករណ៍របាំងសាច់អួនក្រឡាញឹកនិងរបាំងស្បែមុង។ការចុះបង្ក្រាបនេះដឹកនាំដោយលោកភុំសុវណ្ណានាយផ្នែកជលផលក្រគររួមមាននាយសង្កាត់ជលផលកំពង់លួងយោធាខេត្ត នៅចំណុចជ្រោយស្ដីភូមិត្រពាំងរំដេញឃុំក្បាលត្រាចស្រុកក្រគរ។ នៅក្នុងកិច្ចប្រតិបត្តិការនេះជាលទ្ធផលបាន២ករណីដោយរុះរើនិងទាញបំផ្លាញចោលនូវរបាំងសាច់អួនក្រឡាញឹកចំនួន២ខ្សែប្រវែង៥៥០ម៉ែត្រក្បាលបរចាប់ត្រីចំនួន២គ្រឿង។ដោយឡែករបាំងស្បៃមុងចំនួន៣ខ្សែប្រវែង៦៥០ម៉ែត្រលូកងស្បៃមុង៤មាត់បង្គោលចំនួន៤៥០ដើមចាក់លែងកូនត្រីចូលក្នុងទន្លេវិញប្រមាណ២០គីឡូក្រាម៕សេះស
បិទផ្សារសាលាលេខ៥បណ្ដោះអាសន្នចាប់ពីថ្ងៃទី៣នេះទៅ
កំពង់ឆ្នាំង៖ រដ្ឋបាលខេត្តកំពង់ឆ្នាំងបានសម្រេចបិទ ផ្សារសាលាលេខ៥ ក្នុងភូមិសាលាលេខ៥ ឃុំអូរឫស្សី ស្រុកកំពង់ត្រឡាច ខេត្តកំពង់ឆ្នាំង ចាប់ពីថ្ងៃទី៣ ខែកក្កដា ឆ្នាំ២០២១ជាបណ្ដោះអាសន្ន រហូតដល់មានការសម្រេចជាថ្មី។ អាជ្ញាធរ សម្រេចបិទជាបណ្ដោះអាសន្នផ្សារសាលាលេខ៥ ចាប់ពីថ្ងៃទី៣ ខែកក្កដា ឆ្នាំ២០២១ តទៅរហូតដល់មានការសម្រេចជាថ្មី។ការបិទជាបណ្តោះអាសន្នទីតាំងនេះ ដើម្បីទប់ស្កាត់ការរាលដាលជំងឺកូវីដ-១៩ ក្នុង ព្រឹត្តិការណ៍ សហគមន៍ ២០កុម្ភៈ” បន្ទាប់ពីបានរកឃើញអ្នកវិជ្ជមានកូវីដ-១៩ ធ្លាប់បានចេញ-ចូលទីតាំងខាងលើ។ អំឡុងពេលបិទជាបណ្តោះអាសន្ននេះ រដ្ឋបាលខេត្តមានវិធានការហ៊ុមព័ទ្ធទីតាំងទាំងមូលជាបណ្ដោះអាសន្ន, ផ្អាកសកម្មភាពលក់ដូរ និងការចេញ-ចូលទីតាំងនេះជាបណ្តោះអាសន្ន,ស្រាវជ្រាវរកអ្នកពាក់ព័ន្ធផ្ទាល់ ឬប្រយោល ដើម្បីធ្វើចត្តាឡីស័ក និងយកសំណាក៕ដោយ៖យាយទេព