ពោធិ៍សាត់៖រថយន្តឃ្លុបដឹកទំនិញបើកក្នុងល្បឿនលឿនដល់ផ្លូវបត់ជ្រុលបុករបងថ្មមនុស្សម្នាក់ធ្លាក់ពីលើរថយន្តត្រូវជញ្ជាំងថ្មនោះបាក់សង្កត់បណ្តាលឱ្យស្លាប់ភ្លាម។គ្រោះថ្នាក់ចរាចរណ៍បានកើតឡើងនៅម្តុំចុងផ្លូវកៅស៊ូ ភូមិថ្មី ឃុំត្នោតជុំ ស្រុកក្រគរ ខេត្តពោធិ៍សាត់កាលពីយប់ថ្ងៃទី៣០ ខែធ្នូ។ មន្ត្រីនគរបាលប៉ុស្តិ៍បានឱ្យដឹងថា បុរសដែលស្លាប់ឈ្មោះជា សុខធារ៉ា អាយុ២២ឆ្នាំនៅភូមិ-ឃុំរតនៈ ស្រុកស្វាយប៉ោ ខេត្តបាត់ដំបង។មុនកើតហេតុមានរថយន្តធំម៉ាកហ៊ីយ៉ាន់ដាយប្រភេទឃ្លុបដឹកទំនិញផ្លាកលេខភ្នំពេញ3F 7284 បើកក្នុងល្បឿនលឿន។មកដល់កន្លែងផ្លូវបត់ក៏ជ្រុលបុករបងថ្មផ្ទះគេពេញទំហឹងហើយក៏មានមនុស្សផ្លោងចេញពីរថយន្តនោះធ្លាក់មកដីត្រូវជញ្ជាំងថ្មបាក់សង្កត់បណ្ដាលឱ្យស្លាប់ភ្លាមតែម្តង។ក្រោយកើតហេតុអ្នកបើកបរបានរត់គេចខ្លួនបាត់។បន្ទាប់មកមន្ត្រីនគរបាលចរាចរណ៍ខេត្តពោធិ៍សាត់បានយករថយន្តបង្កទៅរក្សាទុកនិងបន្តនីតិវិធីស្វែងរកម្ចាស់មកទទួលខុសត្រូវក្នុងករណីនេះ៕
Related Articles
ឆេះរថយន្តដឹកសំណាកវិភាគជំងឺកូវីដ១៩នៅខេត្តស្ទឹងត្រែង
ស្ទឹងត្រែង៖មានករណីឆេះរថយន្តសម្រាប់ដឹកសំណាកវិភាគជំងឺកូវិដ១៩ពីខេត្តស្ទឹងត្រែងទៅរាជធានីភ្នំពេញដោយការឆេះនោះបើតាមការពារប៉ាន់ស្មានឆេះអស់ពី៧០ទៅ៨០ភាគរយ។ លោកទន់វុទ្ធីអនុប្រធានមន្ទីរសុខាភិបាលខេត្តស្ទឹងត្រែងបានឱ្យដឹងថា៖នៅវេលាជិតភ្លឺចូលថ្ងៃទី១០ខែ មីនាឆ្នាំ២០២១រថយន្តសម្រាប់ដឹកសំណាកវិភាគនៅផ្ទះរបស់លោកឡុចសេងអ៊ាងប្រធានការិយាល័យរដ្ឋបាលមន្ទីរសុខាភិបាលខេត្តស្ថិតនៅភូមិព្រែកសង្កាត់ស្ទឹងត្រែងក្រុងស្ទឹងត្រែងខេត្តស្ទឹងត្រែង។ ក្រោយពីមានហេតុការណ៍កើតឡើងកម្លាំងមានសមត្ថកិច្ចកំពុងចុះស្រាវជ្រាវរកមូលហេតុនៃការឆេះរថយន្តនេះ៕សុខុម
ជម្លោះរឿងគ្រឿងញៀនឈានទៅចាក់គ្នារបួស២នាក់
ភ្នំពេញ៖មនុស្សពីរនាក់បន្ទាប់ពីចែកគ្រឿងញៀនគ្នាមិនស្មើ បានឈានទៅដល់កាប់ចាក់របួសទាំងអស់គ្នា ដែលបានកើតឡើងនៅសង្កាត់ទន្លេបាសាក់ ខណ្ឌចំការមន កាលពីរំលងអធ្រាត្រឈានចូលថ្ងៃទី១៨ ខែសីហា។ សាក្សីបានឱ្យដឹងថា ដំបូងឡើយគេបានឃើញមនុស្ស២នាក់ បាននាំគ្នាចូលទៅក្នុងសំណង់ចាស់មួយដើម្បីជក់គ្រឿងញៀន។មួយសន្ទុះក្រោយមក ឃើញបុរសម្នាក់រត់ចេញមកក្រៅ និងបានដួលសន្លប់ ព្រមទាំងមានរបួស ឈាមហូរស្រោចខ្លួន។ ពេលនោះឮសំឡេងក្ដុងក្ដាំងនៅក្នុងសំណង់ចាស់។ ក្រោយមកសមត្ថកិច្ចបានចុះដល់ទីនោះ ក៏ឃើញបុរស២នាក់របួសធ្ងន់ ។សមត្ថកិច្ចបានបញ្ជាក់ថា ជន២នាក់នោះសង្ស័យមានជម្លោះរឿងចែកគ្រឿងញៀនមិនស្មើ។បន្ទាប់មកបញ្ជូនអ្នកទាំងនោះទៅមន្ទីរពេទ្យ៕ដោយ៖ចំប៉ា
រដ្ឋបាលខេត្តបង្ហាញអត្តសញ្ញាណអ្នកឆ្លងកូវីដ១៩មានទារកនិងកុមារ
បន្ទាយមានជ័យ៖រដ្ឋបាលខេត្តបន្ទាយមានជ័យបានបង្ហាញជាលើកដំបូងនូវអត្តសញ្ញាណអ្នកឆ្លងជំងឺកូវីដ១៩មានទារកនិងកុមារផងរយៈពេល៤ថ្ងៃសរុប២៤៤នាក់ គឺពីថ្ងៃ២៥,២៦,២៧ដល់២៨ខែមេសាឆ្នាំ២០២១។ក្រោយផ្ទុះឡើងនូវករណីកូវីដ១៩ សហគមន៍ដែលរកឃើញមុនគេលើជនជាតិឥណ្ឌូនេស៊ី មុខរបបរអ្នកដើរទីផ្សារ(Marketing) ម្នាក់ស្នាក់នៅបុរីដួងច័ន្ទភូមិសាមគ្គីមានជ័យសង្កាត់ប៉ោយប៉ែតក្រុងប៉ោយប៉ែត ។ តាមលទ្ធផលនៃការវិភាគវត្ថុសំណាករកមេរោគកូវីដ១៩ រដ្ឋបាលខេត្តបន្ទាយមានជ័យក្នុងសេចក្តីជូនដំណឹងចុះថ្ងៃទី៣០ខែមេសាឆ្នាំ២០២១ បានបង្ហាញថា៖មានជនជាតិឥណ្ឌូនេស៊ី,ចិន,ថៃ និងភាគច្រើនខ្មែរដែលភាគច្រើនស្នាក់នៅរស់នៅក្នុងភូមិសាមគ្គីមានជ័យភូមិក្បាលស្ពាន១ សង្កាត់ប៉ោយប៉ែតនិងមួយចំនួនទៀតនៅភូមិ សង្កាត់និងឃុំឯទៀតក្នុងខេត្តបន្ទាយមានជ័យ៕ដោយៈសៅវ៉ាន់ឌី