ភ្នំពេញ៖សមត្ថកិច្ចស្វែងរកចាប់តៃកុងរថយន្តកុងតឺន័របុកម៉ូតូពីក្រោយរួចកិនមនុស្សចំក្បាលនិងអូសម៉ូតូជាច្រើនម៉ែត្របណ្តាលឱ្យបុរសម្នាក់ស្លាប់យ៉ាងអណោចអធ័ម។គ្រោះថ្នាក់ចរាចរណ៍ដ៏រន្ធត់នោះបានកើតឡើងស្ថិតនៅតាមផ្លូវជាតិលេខ៦ សង្កាត់ព្រែកលៀប ខណ្ឌជ្រោយចង្វាកាលពីយប់ថ្ងៃទី៨ ខែមករា។ មន្ត្រីនគរបាលបានឱ្យដឹងថា ជនរងគ្រោះបាត់បង់ជីវិតឈ្មោះ យឹម អាត អាយុជាង៣០ឆ្នាំជាកម្មករសំណង់។មុនកើតហេតុម៉ូតូម៉ាកហុងដាឌ្រីមផ្លាកលេខ ង-8901-ភព1បើកលើផ្លូវជាតិលេខ៦អារ ពីកើតទៅលិច។មកដល់កន្លែងខាងលើស្រាប់តែមានរថយន្តកុងតឺន័រផ្លាកលេខត្បូងឃ្មុំ3A-1831 បើកមកបុកម៉ូតូពីក្រោយពេញទំហឹងរួចកិនពីលើបុរសរងគ្រោះចំក្បាលបណ្តាលឱ្យស្លាប់ភ្លាម។ ចំណែករថយន្តបង្កបន្ថែមល្បឿនបើករត់ទាំងម៉ូតូអូសជាប់នៅពីក្រោមជាច្រើនម៉ែត្រទើប សមត្ថកិច្ចដេញតាមឃាត់បានតែរថយន្តរីឯតៃកុងរត់គេចខ្លួនបាត់។ក្រោយកើតហេតុសមត្ថកិច្ចបានចុះពិនិត្យហើយយករថយន្តនិងម៉ូតូទៅរក្សាទុករង់ចាំតំណាងភាគីទាំង២ចូលខ្លួនដោះស្រាយនិងបន្តតាមចាប់តៃកុងយកមកអនុវត្តតាមច្បាប់៕
Related Articles
រថយន្តទំនើបបុករបាំងថ្មចែកទ្រូងផ្លូវបង្កឱ្យខូចធ្ងន់ធ្ងរ
ភ្នំពេញ៖អ្នកបើករថយន្តទំនើបឡិចស៊ីស៤៧០ប្រើល្បឿនលឿនជ្រុលបុករបាំងថ្មចែកផ្លូវបាក់អស់ចំនួន២កង់បណ្តាលឱ្យរងការខូចខាតយ៉ាងធ្ងន់ធ្ងរ។សាក្សីបានឱ្យដឹងថា ករណីនេះបានកើតឡើងនៅម្តុំស្តុបអាវុធហត្ថផ្ទៃប្រទេសតាមផ្លូវ លេខ២៨៩ស្ថិតក្នុងសង្កាត់បឹងកក់ទី១ខណ្ឌទួលគោក កាលពីរំលងអាធ្រាត្រចូលថ្ងៃទី២៨ ខែកញ្ញា ។ មុនពេលកើតហេតុមានបុរសម្នាក់បើករថយន្តឡិចស៊ីស៤៧០តាមផ្លូវលេខ២៨៩ហើយ បានរេចង្កូតទៅបុករបាំងថ្មចែកទ្រូងផ្លូវពេញទំហឹងបណ្តាលបាក់២កង់។រីឯរថយន្តរងការខូចខាតធ្ងន់ធ្ងរ។បន្ទាប់មកម្ចាស់រថយន្តបានចុះគេចខ្លួនបាត់ ត្រូវសមត្ថកិច្ចបានហៅរថយន្តស្ទូចមកស្ទូចយករថយន្តបង្កទៅរក្សាទុកនៅនគរបាលចរាចរណ៍រាជធានីភ្នំពេញរង់ចាំម្ចាស់វចូលខ្លួនដោះស្រាយ៕ដោយ៖យាយពេញ
នៅរមណីយដ្ឋានភ្នំកំពង់ត្រាចក្មេងៗកំពុងបង្កក្តីបារម្ភដល់ភ្ញៀវព្រោះតែការរត់ស្កាត់ដំណើរ
កំពតៈ ភ្ញៀវមកកម្សាន្ត នៅរមណីដ្ឋានវប្បធម៌ ប្រវត្តិសាស្ត្រ ភ្នំកំពង់ត្រាច បានសម្តែងក្តីព្រួយបារម្ភ និងរិះគន់ចំពោះ សកម្មភាពរបស់កុមារា កុមារី ជាមគ្គទេសក៍ ព្រោះតែនាំគ្នារត់ឆ្វេចឆ្វាច ស្កាត់មុខយានយន្ត ដែលងាយបង្កឱ្យមានគ្រោះថ្នាក់ ព្រមទាំងបាត់បង់ សណ្តាប់ធ្នាប់ទៀតផង។ ការរអ៊ូរទាំរបស់ភ្ញៀវ បានរៀបរាប់ថាៈ មុនចូលដល់បរិវេណ រមណីយដ្ឋាន មានក្មេងប្រុសស្រី ដែលខ្លះជិះកង់ ខ្លះរត់ប្រសេចប្រសាច ធ្វើឱ្យពិបាកភ្នែកមើល និងបង្កក្តីបារម្ភ អំពីគ្រោះថ្នាក់ជាយថាហេតុ ណាមួយបានកើតឡើង។ ក្រុមក្មេងៗទាំងនោះ មានភាពរញ៉េរញ៉ៃ ពេលដណ្តើមភ្ញៀវ ដើម្បីនាំចូលទៅដើរកម្សាន្ត ក្នុងល្អាងភ្នំ។ ភ្ញៀវទេសចរ បានបញ្ជាក់ថាៈ ការរ៉ាយរ៉ាប់អំពីប្រវត្តិ ឬ រូបភាពផ្សេងៗ សម្រាប់អ្នកមិនធ្លាប់មក ជារឿងប្រពៃណាស់ តែគួរគិតពីរបៀបរៀបរយផង ព្រោះទង្វើបែបនោះ អាចប៉ះពាល់កិត្តិយសជាតិ ក្នុងបរិវេណ នៃតំបន់ប្រវត្តិសាស្ត្រ។ ពិសេសខ្មាស់ភ្ញៀវបរទេស ដែលគេបានមកឃើញ រូបភាពមិនល្អទាំងនេះ។ ដូច្នេះ អាជ្ញាធរ ឬអ្នកគ្រប់គ្រង គួរណែនាំពួកគេ ឱ្យមានការប្រុងប្រយ័ត្ន និងកែទម្លាប់មិនល្អឡើងវិញ។ លោក ឃឹម សាមី […]