កំពត៖គ្រោះថ្នាក់ចរាចរណ៍២ករណីកន្លែងតែមួយដែលបុរសម្នាក់ជិះម៉ូតូបុកដើមឬស្សីលើត្រាក់ទ័រជុងមុតដួលស្លាប់មួយរំពេច និងបុរសម្នាក់ទៀតមកបុកត្រាក់ទ័រនោះរងរបួសធ្ងន់។ហេតុការណ៍នេះបានកើតឡើងនៅលើផ្លូវជាតិលេខ៣ ក្នុងភូមិវត្តពោធ៍ ឃុំថ្មី ស្រុកទឹកឈូកាលពីយប់ថ្ងៃទី១០ ខែកុម្ភៈ។ មន្ត្រីនគរបាលបានឱ្យដឹងថា បុរសដែលស្លាប់ឈ្មោះ ស្វាយ មៀន អាយុ២៤ឆ្នាំនៅភូមិស្វាយធំ សង្កាត់ក្រាំងអំពិល ក្រុង/ខេត្តកំពត។ចំណែកអ្នករងរបួសមិនទាន់ស្គាល់អត្តសញ្ញាណព្រោះបញ្ជូនទៅមន្ទីរពេទ្យ។មុនគ្រោះថ្នាក់កើតឡើង គេឃើញត្រាក់ទ័រមួយគ្រឿងបើកពីកើតទៅលិចដោយមានសណ្តោងរ៉ឺម៉កដឹកដើមឫស្សីពេញ។ពេលនោះស្រាប់តែមានបុរសម្នាក់ជិះម៉ូតូមកពីក្រោយបានបុកចំដើមឫស្សីបណ្តាលឱ្យជុងមុតរួចដួលហូរឈាមពេញខ្លួនស្លាប់តែម្តង។ភ្លាមៗនោះអ្នកបើកត្រាក់ទ័របានចុះរត់គេចបាត់។បន្ទាប់ពីមានគ្រោះថា្នក់កម្លាំងនគរបាល-អាវុធហត្ថ-និងប្រជាការពារកំពុងសម្រួលចរាចរណ៍ក៏មានបុរសម្នាក់ជិះម៉ូតូយ៉ាងលឿនមកបុកត្រាក់ទ័រនោះបណ្តាលឱ្យដួលរងរបួសធ្ងន់ធ្ងរម្នាក់ទៀត។ សមត្ថកិច្ចបានទំនាក់ទំនងហៅរថយន្តដឹកទៅមន្ទីរពេទ្យសង្គ្រោះបន្ទាន់៕
Related Articles
បុរសម្នាក់ដេកស្លាប់នៅក្បែរមាត់ស្ទឹងក្នុងស្រុកកណ្ដៀង
ពោធិ៍សាត់៖ប្រជាពលរដ្ឋបានប្រទះឃើញសាកសពបុរសម្នាក់ដេកស្លាប់ក្បែរមាត់ច្រាំងស្ទឹងពោធិ៍សាត់ ដោយសង្ស័យគាំងបេះដូង។ករណីនេះស្ថិតនៅម្តុំច្រាំងស្ទឹងស្ថិតក្នុងភូមិអន្លង់វិល ឃុំស្យាស្រុកកណ្ដៀង ខេត្តពោធិ៍សាត់កាលពីរសៀលថ្ងៃទី៣០ខែមីនាឆ្នាំ២០២១។ អ្នកភូមិឈ្មោះពុយប៉េង មានអាយុ៦០ឆ្នាំ រស់នៅភូមិអន្លង់វិល ឃុំស្យា ស្រុកកណ្តៀងបាន ឱ្យដឹងថា៖ជនរងគ្រោះ ឈ្មោះ សោម ស៊ីថា ហៅឈ្នាងភេទប្រុសអាយុ៥៥ឆ្នាំ មានទីលំនៅភូមិក្បាលឈើពុក ឃុំស្យាស្រុកកណ្ដៀង ខេត្តពោធិ៍សាត់។ មុនពេលកើតហេតុ គាត់បានឃើញជនរងគ្រោះរត់តាមផ្លូវចូលមកផ្ទះរបស់គាត់ ដោយស្រែកពាក្យថា “ជួយផងៗ មានគេដេញចាប់ខ្ញុំ” គាត់មានការងឿងឆ្ងល់ដោយនឹកក្នុងចិត្តថា អានឹងម៉ិច ស្រែកចឹងបើគ្មានអ្នកណាដេញវាផង។ ក្រោយមក ក៏ប្រទះឃើញជនរងគ្រោះដេកស្លាប់ នៅមាត់ច្រាំងស្ទឹងហើយក៏មានការភ្ញាក់ផ្អើលដល់ សមត្ថកិច្ចចុះដល់កន្លែងកើតហេតុ ហ៊ុំព័ទ្ធដើម្បីរង់ចាំសមត្ថកិច្ចជំនាញចុះមកពិនិត្យ ។ មន្ត្រីនគរបាលនិងលោកមេឃុំស្យា បានឱ្យដឹងថា ក្រោយមានការសម្របសម្រួលពីព្រះរាជអាជ្ញាអមសាលាដំបូងខេត្តពោធិ៍សាត់ សមត្ថកិច្ចចុះពិនិត្យសាកសព បានសន្និដ្ឋានថា សាកសព ស្លាប់ដោយគាំងបេះដូងព្រោះនៅលើខ្លួនសាកសពពុំមានស្លាក ស្នាមអ្វីពាក់ពន្ធ័នឹងបទល្មើសនោះទេ៕ដោយ៖វិចិត្រ
បញ្ជូនសិស្សស្រី៤នាក់និងប្រុសខ្ទើយម្នាក់ ទៅតុលាការ ករណីព្រួតគ្នាវាយក្មេងស្រីម្នាក់
ភ្នំពេញ៖សិស្សស្រីចំនួន៤នាក់ និងមនុស្សខ្ទើយម្នាក់ ត្រូវបញ្ជូនទៅតុលាការ នៅព្រឹកថ្ងៃទី៦ខែ មករានេះ ពីបទព្រួតគ្នាប្រើអំពើហឹង្សា ដោយវាយក្មេងស្រីសាលាម្នាក់យ៉ាងធ្ងន់ធ្ងរ។រូបថត៖របស់នគរបា លោកវរសេនីយ៍ឯក សំ វិច្ឆិកា អ្នកនាំពាក្យស្នងការដ្ឋាននគរបាលរាជធានីភ្នំពេញ បានឱ្យដឹង ថា សិស្សសាលាមានគ្នា៥នាក់ ក្នុងនោះមានប្រុសចារឹតស្រីម្នាក់(ខ្ទើយ) ប្រើហិង្សាលើសិស្សរងគ្រោះបង្ហាញពីភាពឃោរឃៅ បានបញ្ជូនទៅតុលាការ។ លោកបានបន្តថា ក្រោយពីឃាត់ខ្លួនសិស្ស៤នាក់ តាមរយៈការសាកសួរ ក៏ឈានដល់ឃាត់ខ្លួនម្នាក់ទៀត ដែលជាអ្នកដឹកជនរងគ្រោះ គឺពាក់ព័ន្ធការផ្ដល់មធ្យោបាយឱ្យក្រុមជនប្រើហិង្សា។គួរបញ្ជាក់ថា កាលពីយប់ថ្ងៃទី៤ ខែមករា កម្លាំងនគរបាលរាជធានីភ្នំពេញ បានឃាត់ខ្លួនសិស្សសាលា៤នាក់ ក្នុងនោះមានខ្ទើយម្នាក់។កម្លាំងជំនាញបានតាមឃាត់ខ្លួនពួកគេ នៅម្តុំរង្វង់មូលវាលរេញ ស្រុកព្រៃនប់ ខេត្តព្រះសីហនុ។សមត្ថកិច្ចក៏បាននាំមកភ្នំពេញដើម្បីបន្តនីតិវិធី។យោងតាមរយៈវីដេអូដែលត្រូវបានគេចែកចាយនោះ ឃើញរូបប្រុសខ្ទើយ និងបក្ខពួកបានវាយក្មេងស្រីម្នាក់ជាគូទំនាស់យ៉ាងឃោឃៅបំផុត។ពួកគេជាសិស្សថ្នាក់ទី១១ នៃវិទ្យាល័យហ៊ុនសែនចាក់អង្រែ។ ក្នុនោះសមត្ថកិច្ចក៏បានអំពាវនាវដល់ឪពុកម្តាយក្មេងស្រីសិស្សសាលា ដែលជាប់ពាក់ព័ន្ធជាមួយក្រុមនេះ ត្រូវនាំកូនៗរបស់ខ្លួនមកអធិការដ្ឋាននគរបាលខណ្ឌ ដើម្បីដោះស្រាយ៕
ពង្រឹងសមត្ថភាពដល់អាជីវករលក់សម្ភារកសិកម្មក្នុងខេត្តព្រះវិហារ
ព្រះវិហារ៖នាយកដ្ឋាននីតិកម្មកសិកម្ម នៃក្រសួងកសិកម្ម រុក្ខាប្រមាញ់ និងនេសាទកាលពីថ្ងៃទី១៤ ខែធ្នូឆ្នាំ២០២១បើកវគ្គបណ្ដុះបណ្ដាលពង្រឹងសមត្ថភាពវិជ្ជាជីវៈ បច្ចេកទេស សម្រាប់ការធ្វើអាជីវកម្មសម្ភារ កសិកម្មដល់អាជីវករលក់ដុំលក់រាយ ក្នុងខេត្តព្រះវិហារ។ លោក ភុំ រ៉ា ប្រធាននាយកដ្ឋាននីតិកម្មកសិកម្ម បានបញ្ជាក់ថា វគ្គបំប៉នអប់រំសមត្ថភាពវិជ្ជាជីវៈ នេះ មានគោលបំណងដើម្បីផ្សព្វផ្សាយដល់អាជីរករដែលជាអ្នកផ្គត់ផ្គង់សម្ភារៈ ជី និងថ្នាំកសិកម្មទាំងអស់បានយល់ដឹងអំពីលិខិតបទដ្ឋានគតិយុទ្ធ។ជាមួយនេះដែរក៏ជារួមចំណែកក្នុងការលើកកម្ពស់ ការយល់ដឹងអំពីវិ ធានបច្ចេកទេស នីតិវិធីធ្វើពាណិជ្ជកម្មប្រកបដោយសុវត្ថិភាព និងមានប្រសិទ្ធភាព។ លោក គឹម ពង្សវីរៈ អនុប្រធានមន្ទីរ កសិកម្ម រុក្ខាប្រមាញ់ និងនេសាទខេត្តបានបញ្ជាក់ ឱ្យដឹងថា ទីតាំងលក់ដុំ លក់រាយថ្នាំ និងជីកសិកម្ម នៅទូទាំងខេត្តព្រះវិហារ សរុបមានចំនួន ១៣០ដេប៉ូ ។ក្នុងនោះ ទីតាំងលក់ថ្នាំកសិកម្ម មានចំនួន ១៦ដេប៉ូ, ទីតាំងលក់ជីកសិកម្ម ចំនួន ១៣ដេប៉ូ និងទីតាំងលក់ចម្រុះមានចំនួន ១០១ដេប៉ូ។ ដោយឡែកផលិតផលថ្នាំកសិកម្ម និងជី កសិកម្មដែលបានចរាចរណ៍លើទីផ្សារក្នុងខេត្ត មានចំនួន ៤២ក្រុមហ៊ុន។ ជាមួយនេះ ក្នុងឆ្នាំ ២០២១មន្ត្រីនីតិកម្មកសិកម្ម នៃមន្ទីរកសិកម្ម […]