ភ្នំពេញ៖កម្លាំងនគរបាលកាលពីរសៀលថ្ងៃទី២៧ ខែកុម្ភៈ បានបញ្ជូនស្ត្រីម្នាក់ពាក់ព័ន្ធបើកកន្លែងម៉ាស្សាកោសជប់ បង្កប់សេវាផ្លូវភេទទៅតុលាការភ្នំពេញ។នៅព្រឹកនេះតុលាការកំពុងបន្តនីតិវិធី។ មន្ត្រីនៃផ្នែកប្រឆាំងការជួញដូរមនុស្សនិងការពារអនីតិជន នៃអគ្គស្នងការនគរបាលជាតិ មិនទាន់បញ្ជាក់ ពីអត្តសញ្ញាណស្ត្រីសង្ស័យដែលបញ្ជូនទៅតុលាការនោះនៅឡើយទេ។សូមបញ្ជាក់ថា ករណីចុះបង្ក្រាបកន្លែងម៉ាស្សាកោសជប់បង្កប់សេវាផ្លូវភេទនោះបានធ្វើឡើងនៅម្តុំស្តុបក្បាលថ្នល់ តាមផ្លូវ២៧១ ខណ្ឌមានជ័យ កាលពីយប់ថ្ងៃទី២៤ ខែកុម្ភៈ។មន្ត្រីចុះប្រតិបត្តិការបានឱ្យដឹងថា ទីតាំងម៉ាស្សា កោសជប់“យីហោ456”នោះត្រូវបានជំនាញមានការសង្ស័យជាយូរមកហើយ។ក្រោយមកត្រូវកម្លាំងចុះបង្ក្រាបដោយឃាត់ខ្លួនស្ត្រី៥នាក់ហើយមានទាំងមេការម្នាក់ផង និងដកហូតវត្ថុតាងពាក់ព័ន្ធបម្រើផ្លូវភេទមួយចំនួន។ចំណែកស្ត្រី៥នាក់និងវត្ថុតាងត្រូវបញ្ជូនទៅផ្នែកប្រឆាំងការជួញដូរមនុស្ស និងការពារអនីតិជន នៃអគ្គស្នងការនគរបាលជាតិ៕
Related Articles
បន្ទាប់ពីទឹកទន្លេឡើងខ្ពស់បន្តិចមានចំនួនអ្នកជួលគន្លងដាយត្រីបានកើនឡើង
ភ្នំពេញៈបន្ទាប់ពីទឹកទន្លេបានងើបឡើងខ្ពស់បន្តិចនៅចុងរដូវវស្សាធ្វើឱ្យប្រជានេសាទមានសង្ឃឹមថាអាចនឹងចាប់បានត្រីខ្លះនៅក្នុងរដូវត្រីប្រហុកផ្អកខាងមុខ។ក្នុងនោះចំនួនអ្នកធ្វើអាជីវកម្មនេសាទត្រីតាមគន្លងដាយក្នុងដងទន្លេសាបនៅក្នុងភូមិសាស្ត្ររាជធានីភ្នំពេញបានកើនឡើងដល់១០នាក់។ នេះបើតាមការបញ្ជាក់របស់លោក ងិន ឌី នាយខណ្ឌរដ្ឋបាលជលផលបានឱ្យកាលពីល្ងាចថ្ងៃទី៣ខែវិច្ឆិកាឆ្នាំ២០២០កន្លងទៅ។លោកនាយខណ្ឌរដ្ឋបាលជលផលបានបញ្ជាក់ថាៈនៅក្នុងការប្រកាសដាក់ឱ្យដេញថ្លៃធ្វើអាជីវកម្មនេសាទតាមគន្លងដាយត្រីសម្រាប់ឆ្នាំ២០២០-២០២១និងឆ្នាំ២០២១-២០២២។ ទាំងលើកទី១និងលើកទី២កន្លងទៅមានអ្នកដេញថ្លៃយកកន្លង ដាយត្រីមួយនៅក្នុងចំណោមគន្លងដាយចំនួន២២។ក្រោយមករដ្ឋបាលជលផលបានរកអ្នកជួលបានចំនួនបីគន្លងដាយទៀត។ចំនួនអ្នកជួលគន្លងដាយត្រីកើនឡើងបន្ទាប់ពីទឹកទន្លេឡើងខ្ពស់បន្តិចនៅចុងរដូវវស្សា។ លោកងិន ឌី បានបន្តថាៈមូលហេតុគ្មានអ្នកដេញថ្លៃនិងអ្នកជួលគន្លងដាយត្រីនេះដោយសារទឹកទន្លេឡើង យឺតពេកនិងមានកម្ពស់ទាបមិនបានហូរចូលតាមព្រែកនិងមិនមានទឹកលិចវាលទំនាបសូម្បីតែបឹងទន្លេសាបក៏មានទឹកតិចបំផុត។ដល់ពេលជាងពាក់កណ្តាលរដូវវស្សាទៅហើយរហូតមកដល់ចុងរដូវវស្សាទើបមានទឹកងើបឡើងខ្ពស់បន្តិច។ ធ្វើឱ្យអ្នកធ្លាប់ធ្វើអាជីវកម្មនេសាទចំនួន៦នាក់ដែល មិនបានដេញថ្លៃនិងមិនបានជួលគន្លងដាយកន្លងដាយពីដើមទីបានដាក់ពាក្យស្នើសុំជួលគន្លងដាយដែល នៅសល់ហើយបានការយល់ ព្រមពី ក្រសួងកសិកម្ម រុក្ខាប្រមាញ់និង នេសាទ៕ប.ខុន
ប្រទះឃើញសន្តិសុខ បុរីប៉េងហួតម្នាក់ស្លាប់ក្នុងប៉ុស្តិ៍យាម
ភ្នំពេញ៖បុរសសន្តិសុខម្នាក់ត្រូវបានគេប្រទះឃើញស្លាប់ក្នុងប៉ុស្តិ៍យាមនៅម្តុំខ្លោងទ្វារបុរីប៉េងហួតគម្រោងទី៨ភូមិបឹងឈូក សង្កាត់និរោធ ខណ្ឌច្បារអំពៅកាលពីយប់ថ្ងៃទី៨ ខែមករា។សមត្ថកិច្ចបានឱ្យដឹងថា បុរសដែលស្លាប់ឈ្មោះណាន ដឺនិច អាយុ១៩ឆ្នាំជាសន្តិសុខក្រុមហ៊ុនបុរីជីបម៉ុង ។ទីកំណើតនៅភូមិលាច ស្រុកភ្នំក្រវ៉ាញ ខេត្តពោធិ៍សាត់ ស្នាក់នៅរោងសន្តិសុខបុរីប៉េងហួត សង្កាត់វាលស្បូវ ខណ្ឌច្បារអំពៅ។តាមការបំភ្លឺពីឈ្មោះហូវ ចម្រើន អាយុ២៥ឆ្នាំជាសន្តិសុខជាមួយគ្នាបានឱ្យដឹងថា មុនកើតហេតុក្រោយចប់ម៉ោងយាមគាត់និងមិត្តភក្តិបាននាំគ្នាទៅផឹកស្រានៅម្តុំវាលស្បូវ។ពេលពួកគាត់កំពុងតែផឹក ជនរងគ្រោះបានជិះម៉ូតូមកដល់ហើយបានចូលរួមផឹកស្រាបៀរអស់២កំប៉ុង ទើបបែកគ្នារៀងខ្លួន។រហូតដល់វេលាម៉ោងប្រហែល៨យប់ថ្ងៃដដែល ស្រាប់តែមានអ្នកធ្វើការជាមួយទូរសព្ទប្រាប់គាត់ថា ឈ្មោះណាន ដឺនិច បានស្លាប់បាត់ទៅហើយទើបគាត់បានទៅមើលជនរងគ្រោះហើយបំភ្លឺជូនសមត្ថកិច្ច។ក្រោយពិនិត្យមន្ត្រីបច្ចេកទេសវិទ្យាសាស្ត្រនិងគ្រូពេទ្យបានបញ្ជាក់ថា ជនរងគ្រោះបានស្លាប់ដោយសារគាំងបេះដូងហើយបានប្រគល់សពឱ្យក្រុមគ្រួសារយកទៅធ្វើបុណ្យ៕
កូនកំលោះអាយុជាង៥០ស្លាប់ក្នុងថ្ងៃមង្គលការពេលទទួលភ្ញៀវ
កំពង់ឆ្នាំង៖កូនកំលោះអាយុជាង៥០ឆ្នាំរៀបមង្គលការពេលរង់ចាំទទួលភ្ញៀវបានស្លាប់ចោលកូនក្រមុំក្នុងរោងការបង្កឱ្យភ្ញៀវប្រុសស្រីរន្ធត់ចិត្តក្រៃលែងពេលឃើញសភាពបែបនេះ។ហេតុការណ៍ដ៏កម្រមាននេះបានកើតឡើងនៅក្នុងភូមិកណ្ដាល សង្កាត់ផ្សារឆ្នាំង ក្រុងកំពង់ឆ្នាំងកាលពីល្ងាចថ្ងៃទី៤ខែកុម្ភៈឆ្នាំ ២០២១ ។ លោកឆាយខេមរ័ត្នអធិការនគរបាលក្រុងកំពង់ឆ្នាំងបានឱ្យដឹងថា៖ កូនកំលោះរងគ្រោះនេះមានឈ្មោះ ក្រុង ពុធអាយុ៥២ ឆ្នាំជាបុរសពោះ ម៉ាយមានកូនពីរនាក់គ្រាដែលប្រពន្ធរត់ ចោល រស់នៅភូមិសំរោង សង្កាត់ផ្សារឆ្នាំង ក្រុងកំពង់ឆ្នាំង។ឯកូនក្រមុំមានឈ្មោះ រស់ ថាវី អាយុប្រមាណជាង ៣០ឆ្នាំ រស់នៅភូមិកណ្ដាលសង្កាត់ផ្សារឆ្នាំង ក្រុងកំពង់ឆ្នាំង។ ប្រភពដដែលបានបន្តថា៖មុនពេលកើតហេតុបុរសរងគ្រោះកំពុងរៀបចំអាពាហ៍ពិពាហ៍ទៅតាមប្រពៃណីស្រាប់តែកូនកំលោះបានខ្យល់គរដួល ហើយត្រូវបានក្រុមគ្រួសារបានដឹកទៅកាន់មន្ទីរពេទ្យ ដើម្បីសង្គ្រោះបន្ទាន់។កូនកំលោះនេះក៏បានស្លាប់នៅក្នុងមន្ទីរពេទ្យដោយសារជំងឺដាច់សរសៃឈាម ។ ប្រភពបន្តថា៖រោងការក្នុងភូមិកណ្ដាលដែលជាផ្ទះកូនក្រមុំកាលពីល្ងាចថ្ងៃទី៤ខែកុម្ភៈនោះ គឺអ្នកកំដរខាងកូន ក្រមុំដែលជាកូនក្មួយបាន ចេញមុខជួយទទួលភ្ញៀវ ជំនួសកូនក្រមុំ ដែលរូបនាងបានទៅកំដរបុណ្យសពរនៅផ្ទះខាងប្ដីទាំងក្តីអាឡោះអាល័យ។ ចំណែកឈ្មោះនិងរូបថតកូនក្រមុំ និងកូនកំលោះនៅមុខរោងការ ត្រូវបានគេដកចេញវិញធ្វើឱ្យភ្ញៀវមានការភ្ញាក់ផ្អើលនិងរន្ធត់ចិត្តគ្រប់គ្នា ។ពេលនោះដែរភ្ញៀវខ្លះមកស៊ីការបានដឹងរឿងនេះក៏បែរជាទៅចូលរួមបុណ្យសពនៅឯផ្ទះកូនកំលោះទៅវិញ ៕វិចិត្រ