ភ្នំពេញ៖បុរសម្នាក់ដើរចូលក្នុងដីឡូត៍មួយ ស្រាប់តែក្រឡេកឃើញបុរសម្នាក់ ចងកនៅលើដើមឈើមិនដឹងស្លាប់ពីពេលណា ហើយក៏បានទៅប្រាប់មន្ត្រីអាជ្ញាធរឱ្យទៅពិនិត្យ។ហេតុការណ៍បង្កភ្ញាក់ផ្អើលនោះ នៅត្រង់ដីឡូត៍មួយផ្លូវ៥០ម៉ែត្រ ក្នុងភូមិពាម សង្កាត់ព្រៃស ខណ្ឌដង្កោ កាលពីល្ងាចថ្ងៃទី១៦ ខែមីនា។ សពបុរសចងកសម្លាប់ខ្លួននេះសមត្ថកិច្ចមិនទាន់ស្គាល់អត្តសញ្ញាណនៅឡើយទេ អាយុប្រហែលជាង៣០ឆ្នាំ-ពាក់អាវផ្កាដៃវែង-ស្លៀកខោជើងវែងពណ៌ក្រម៉ៅ-ពាក់ស្បែកជើងប៉ាតា។មុនកើតហេតុមានបុរសម្នាក់បានដើរចូលដីឡូតិ៍ដើម្បីរកកន្លែងបត់ជើង។ពេលនោះស្រាប់តែប្រទះឃើញមនុស្សប្រុសចងកនៅលើដើមឈើមិនដឹងស្លាប់ពីពេលណា ហើយក៏បានរាយការណ៍ប្រាប់នគរបាលប៉ុស្តិ៍សង្កាត់ព្រៃស។ក្រោយពីទទួលបានព័ត៌មាន សមត្ថកិច្ចបច្ចេកទេសវិទ្យាសាស្រ្តកោសល្យវិច័យ និងគ្រូពេទ្យស្ថាបនតុលាការភ្នំពេញ បានចុះទៅពិនិត្យសពឃើញយកខ្សែស្បែកជើងចងភ្ជាប់និងមែកឈើ។ក្រុមជំនាញបានប្រគល់សពឱ្យអាជ្ញាធរសង្កាត់ព្រៃស ដើម្បីស្រាវជ្រាវរកក្រុមគ្រួសារមកទទួលយកទៅធ្វើបុណ្យ៕
Related Articles
ឧត្តមសេនីយ៍ឯកជួន ណារិន្ទ បានណែនាំមន្ត្រីក្រោមឱវាទពីគោលការណ៍៥ចំណុច
ភ្នំពេញ៖លោកឧត្តមសេនីយ៍ឯកជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ កាលពីរសៀលថ្ងៃទី១៦ ខែមករាឆ្នាំ២០២៤ បានជួបសំណេះសំណាលជាមួយមន្រ្តី នគរបាលខណ្ឌដង្កោ និងណែនាំពីគោលការណ៍៥ចំណុច ដើម្បីពង្រឹងសន្តិសុខ រក្សាសណ្តាប់សុវត្ថិភាពសង្គម។ ក្នុងជំនួបនេះមានការចូលរួមពីមន្ត្រីក្រោមឱវាទមាន ស្នងការរង អធិការ អធិការរង ផ្នែកជំនាញ និងនគរបាលប៉ុស្តិ៍រដ្ឋបាលទាំង១២ ចំណុះអធិការដ្ឋាននគរបាលខណ្ឌដង្កោ។ក្នុងឱកាសនោះលោកស្នងការនគរបាលរាជធានីភ្នំពេញ ក៏បានណែនាំដល់មន្ត្រីអធិការដ្ឋាននគរបាលខណ្ឌសង្កោ ត្រូវបំពេញការងារឱ្យបាន ត្រឹមត្រូវតាមគោលការណ៍ច្បាប់ និងបទបញ្ជថ្នាក់លើ។ កុំអនុវត្តតួនាទីភារកិច្ចលើសបទបញ្ជា និងគោលការណ៍ច្បាប់ បើមិនដូច្នេះទេ វាបង្កប៉ះពាល់កិត្តិយស និងសេចក្តីថ្លៃថ្នូរនគរបាលជាតិ។ឧត្តមសេនីយ៍ឯក ជួន ណារិន្ទ ក៏បានណែនាំឱ្យមន្រ្តីនគរបាលយុត្តិធម៌ត្រូវពង្រឹងការយល់ដឹងច្បាប់ឱ្យបានច្បាស់លាស់ ដើម្បីការកសាងនីតិវិធីបានរឹងមាំល្អ។ ណែនាំឱ្យមានការបែងចែកវេនល្បាតប្រចាំការអនុវត្តជាប្រចាំ នឹងមានការទទួលខុសត្រូវ ពង្រឹងការទទួលទូរស័ព្ទហតឡាញ អធិការដ្ឋាននគរបាលខណ្ឌ និងតាមបណ្តាប៉ុស្តិ៍រដ្ឋបាល នៅពេលមានប្រជាពលរដ្ឋប្តឹងរាយការណ៍ជួយអន្តរាគមន៍ត្រូវចេញដោះស្រាយ ជូនពួកគាត់ឱ្យបានឆាប់រហ័ស។លោកស្នងការក៏បានណែនាំអំពីគោលការណ៍៥ចំណុច ដើម្បីជួយដោះស្រាយសភាពការណ៍សន្តិសុខ សណ្តាប់ធ្នាប់ សុវត្ថិភាពសង្គម ឱ្យមានប្រសិទ្ធភាពខ្ពស់។ទី១-ត្រូវរៀបចំផែនការសកម្មភា នៅគោលដៅភូមិសាស្រ្ត ដែលប្រឈមកើតឡើងបទល្មើស។២-ចាត់តាំងកម្លាំងអនុវត្តការងារ ៣-ត្រូវមានការដឹកនាំត្រួតពិនិត្យផែនការជាប្រចាំ។៤-ត្រូវមានឆន្ទៈធ្វើការងារ និង៥- ត្រូវស្មោះត្រង់វិជ្ជាជីវៈ៕
រដ្ឋមន្ត្រីការបរទេសកម្ពុជា និងជប៉ុន នឹងជួបគ្នានៅថ្ងៃទី២២ សីហា
ភ្នំពេញៈ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ នឹងជួបពិភាក្សាទ្វេភាគីជាមួយលោក ម៉ូតេហ្គី តូស៊ីមីសឺ (MOTEGI Toshimitsu) រដ្ឋមន្ត្រីការបរទេសជប៉ុន នៅរសៀលថ្ងៃទី២២ ខែសីហា ឆ្នាំ២០២០ វេលាម៉ោង ១៥:០០ នាទី នៅទីស្តីការក្រសួងការបរទេស និងសហប្រតិបត្តិការអន្តរជាតិ ។ នេះបើតាមការបញ្ជាក់របស់មន្ត្រីក្រសួងការបរទេស និងសហប្រតិបត្តិការអន្តរជាតិ នៅរសៀលថ្ងៃទី២០ ខែសីហា ឆ្នាំ២០២០នេះ។ យោងតាមសេចក្តីប្រកាសព័ត៍មានរបស់ក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា លោកម៉ូតេហ្គីតូស៊ីមីសឺរដ្ឋមន្ត្រីការបរទេសជប៉ុននឹងអញ្ជើញមកបំពេញទស្សនកិច្ចផ្លូវការ នៅព្រះរាជាណាចក្រកម្ពុជា ពីថ្ងៃទី ២១ ដល់ថ្ងៃទី ២៣ ខែសីហា ឆ្នាំ២០២០ ។ ក្នុងអំឡុងពេលទស្សនកិច្ច លោក ម៉ូតេហ្គី តូស៊ីមីសឺ នឹងអញ្ជើញ ចូលជួបសម្តែងការគួរសមចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះ រាជាណាចក្រកម្ពុជា និងជួបពិភាក្សាទ្វេភាគីជាមួយលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ […]
មន្ត្រីឧទ្យាននុរក្សនាំយកពស់ថ្លាន់ជិត១០០ក្បាលលែងក្នុងតំបន់ធម្មជាតិ
ពោធិ៍សាត់៖មន្ត្រីឧទ្យាននុរក្សបាននាំយកពស់ថ្លាន់ចំនួន៩០ក្បាលដោះលែងក្នុងតំបន់អភិរក្យធម្មជាតិនៅម្តុំឡូត៍អភិរក្សជលផលក្នុងភូមិកោះក្អែក ឃុំរាំងទិល ស្រុកកណ្តៀងខេត្តពោធិ៍សាត់ នៅព្រឹកថ្ងៃទី១៥ តុលា ២០២១។ លោក ភុំ វិមល នាយខណ្ឌរដ្ឋបាលជលផលខេត្តពោធិ៍សាត់ បានឱ្យដឹងថា ពស់ថ្លាន់ចំនួន៨៧ ក្បាលនេះ ត្រូវបានក្រុមឧទ្យានុរក្សសត្វព្រៃ ភ្នំតាម៉ៅ ប្រមូលយកចេញពីភ្នំតាម៉ៅ ដោយនាំយកមកលែង នៅក្នុងតំបន់អភិរក្សព្រៃធម្មជាតិ ក្នុងបឹងទន្លេសាប។ ជាមួយនេះលោកនាយខណ្ឌរដ្ឋបាលជលផល សុំឦ្យប្រជាពលរដ្ឋ មេត្តាជួយថែរក្សាការពារ និងអភិរក្សសត្វព្រៃ គ្រប់ប្រភេទ កុំចាប់ ឬកុំជួញដូរ ឬសម្លាប់សត្វ និងកុំកាប់ដុតឆ្ការ រុករាន ទន្ទ្រានដីព្រៃ ដែលជំជារកជីវចម្រុះគ្រប់ប្រភេទនិងកុំជួញដូរសត្វព្រៃ ៕ដោយ៖យាយទេព