មណ្ឌលគិរី៖កញ្ឆាប្រមាណ១០.៦៧១ដើមទម្ងន់១.២០៥គីឡូក្រាម ជាមួយឧបករណ៍ផលិតជាច្រើនមុខទៀត ត្រូវសមត្ថកិច្ចបានរឹបអូសនិងឃាត់ខ្លួនវៀតណាម២នាក់ ត្រៀមបញ្ជូនទៅតុលាការ។សមត្ថកិច្ចខេត្តមណ្ឌលគិរីបានឱ្យដឹងថា កាលពីនៅថ្ងៃទី១៦ ខែមេសាកម្លាំងចម្រុះបានចុះបង្ក្រាបទីតាំងដាំដំណាំដើមកញ្ឆាខុសច្បាប់ស្ថិតក្នុងភូមិម៉េប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី។ក្នុងនោះចាប់ម្ចាស់ចម្ការដាំដើមកញ្ឆាជាបទល្មើសជនជាតិវៀតណាម២នាក់។ជាជនសង្ស័យឈ្មោះ ង្វៀន វ៉ាន់ហ្វាង អាយុ៣២ឆ្នាំ និងឈ្មោះ ហ្វាម វ៉ាន់ថាយ អាយុ២៧ឆ្នាំ។ពួកគេនៅស្រុកវិញ ខេត្តងាអានប្រទេសវៀតណាម។ក្នុងប្រតិបត្តិការសមត្ថកិច្ចបានដកហូតវត្ថុតាង១.កញ្ឆាស្ងួត២កញ្ចប់-ជីគីមី៣០ការុង-ថ្នាំបំប៉នដើមកញ្ឆា២៧កំប៉ុង-កែវជ័របណ្តុះកូនកញ្ឆា-៥០០កែវ-ជញ្ជីងថ្លឹងកញ្ឆាក្រៀម៣គ្រឿង-ម៉ាស៊ីនអ៊ុតកញ្ចប់កញ្ឆា-៣គ្រឿង-ថង់វេចខ្ចប់កញ្ឆា-៤៣៨ថង់។ថ្នាំជ្រលក់កញ្ឆា១២កំប៉ុង-ថ្នាំប៉ូវកញ្ឆា១ធុង២០លីត្រនិងថូរជ័រដាំកញ្ឆា៧២០ថូ។ក្នុងនោះបានកាប់ដើមកញ្ឆាស្រស់និងដុតកម្ទេចចោលចំនួន១០.៦៧១ដើមទម្ងន់១.២០៥គីឡូក្រាម។បន្ទាប់ពីឃាត់ខ្លួនជនសង្ស័យទាំង២នាក់ ត្រូវបានកម្លាំងសមត្ថកិច្ចប្រឆាំងគ្រឿងញៀនបានកសាងសំណុំរឿងត្រៀមបញ្ជូនទៅតុលាការដើម្បីចាត់ការតាមច្បាប់៕ រូបភាព៖ អគ្គស្នងការដ្ឋាននគរបាលជាតិ។
Related Articles
អគ្គិភ័យឆាបឆេះផ្ទះ២ខ្នងអស់ទាំងស្រុងនៅខណ្ឌកំបូល
ភ្នំពេញ៖ផ្ទះចំនួន២ខ្នងត្រូវបានអគ្គិភ័យឆាបឆេះយ៉ាងសន្ធោរសន្ធៅអស់ទាំងស្រុងបង្កឱ្យមានការភ្ញាក់ផ្អើល។រថយន្តពន្លត់អគ្គិភ័យចំនួន៤គ្រឿងទៅបាញ់ពន្លត់ទើបរលត់ទៅវិញតែផ្ទះនោះបានរងការខូចខាតទាំងស្រុង។ហេតុការណ៍នេះបានកើតឡើងកាលពីរសៀលថ្ងៃទី១២ខែឧសភាឆ្នាំ២០២០នៅភូមិទួលលាបសង្កាត់ស្នោខណ្ឌកំបូលរាជធានីភ្នំពេញ។ ម្ចាស់ផ្ទះទី១ឈ្មោះងិនសំអនភេទស្រីអាយុ៦១ឆ្នាំជាស្ត្រីមេម៉ាយនិងជាមន្ត្រីចូលនិវត្តន៍ហើយផ្ទះគាត់សាងសង់ពីឈើប្រក់ក្បឿងទំហំ៧ម៉ែត្រគុណនឹង៨ម៉ែត្រត្រូវភ្លើងឆេះអស់ទាំងស្រុង។រួមជាមួយលុយ៧០០ទូឈើ១និងទូដែកដាក់សម្ភារ១។ ផ្ទះទី២ឈ្មោះងិនពៅអាយុ៣៨ឆ្នាំមុខរបរមន្ត្រីនគរបាលបណ្ឌិតសភានគរបាលជាតិហើយផ្ទះគាត់សាងសង់ពីឈើប្រក់ក្បឿងទំហំ៧ម៉ែត្រគុណនឹង៨ម៉ែត្រ។ត្រូវភ្លើងឆេះអស់ទាំងស្រុងរួមជាមួយគោយន្តកន្ត្រៃ១គ្រឿង គ្រែ១ និងទូដាក់សម្លៀកបំពាក់។ សមត្ថកិច្ចបានឱ្យដឹងថាក្នុងប្រតិបត្តិការនេះរថយន្តពន្លត់អគ្គិភ័យចំនួន៤គ្រឿងនិងប្រើប្រាស់ទាំងអស់និងមានរថយន្តដឹកទឹកក្នុងភូមិចំនួន២គ្រឿងទៀត៕
នៅខណ្ឌមានជ័យសមត្ថកិច្ចឃាត់ខ្លួនជនសង្ស័យ៤នាក់ពាក់ព័ន្ធករណីលួច
ភ្នំពេញ៖សមត្ថកិច្ចខណ្ឌមានជ័យបានឃាត់ខ្លួនជនសង្ស័យ៤នាក់ពាក់ព័ន្ធករណីលួចសម្ភារៈប្រជាពលរដ្ឋនៅមុខអគ្គិសនីទី២ តាមបណ្ដោយផ្លូវជាតិលេខ២ ក្នុងសង្កាត់ចាក់អង្រែលើ ខណ្ឌមានជ័យ កាលពីយប់រំលងអាធ្រាតចូលថ្ងៃទី១២ ខែធ្នូ ឆ្នាំ២០១៩ ។ ជនសង្ស័យទាំង៤នាក់ទី១ឈ្មោះ សុខ ផល្លាត ភេទប្រុសអាយុ ៣៥ឆ្នាំ ទី២ ឈ្មោះ សៅ សុវណ្ណពិទូ ភេទប្រុស អាយុ ២៣ឆ្នាំទី៣ ឈ្មោះ សន ខយភេទប្រុសអាយុ១៥ឆ្នាំនិងទី៤ឈ្មោះគង់ចាន់ឌីហៅបុត្រ ភេទប្រុសអាយុ១៨ឆ្នាំជនជាតិវៀតណាម។ជនសង្ស័យទាំង៤ស្នាក់នៅសង្កាត់ចាក់អង្រែក្រោម ខណ្ឌមានជ័យ ។ បច្ចុប្បន្នជនសង្ស័យទាំង៤នាក់ឃាត់ខ្លួនបណ្ដោះអាសន្ននៅប៉ុស្ដិ៍នគរបាលរដ្ឋបាលចាក់អង្រែលើដើម្បីសួរនាំបន្តនិងកសាងសុំណុំរឿងបញ្ចូនទៅអធិការដ្ឋាននគរបាលខណ្ឌមានជ័យចាត់ការបន្តតាមនិតិវិធី ៕
បញ្ជូនអ្នកពាក់ព័ន្ធឈូសឆាយដីព្រៃឈើហ៊ុំព័ទ្ធស្ថានីយផ្សព្វផ្សាយទៅតុលាការ
កំពង់ធំ៖កម្លាំងចម្រុះបានឃាត់ខ្លួនបុរសម្នាក់ពាក់ព័ន្ធការឈូសឆាយដីព្រៃឈើហ៊ុំមព័ទ្ធស្ថានីយផ្សព្វផ្សាយនិងស្ដារព្រៃឈើអូរសំពង់-ភ្នំសេវានិងបញ្ជូនទៅតុលាការ។ មន្ត្រីអធិការខាងជើងបឹងទន្លេសាបបានឱ្យដឹងថា កាលពីរសៀលថ្ងៃទី១៤ ខែកក្កដាឆ្នាំបានចាប់បុរសម្នាក់ឈ្មោះមែន ភាន់អាយុ៥៧ឆ្នាំសង្ស័យពាក់ព័ន្ធការដុត-កាប់រាន-ឈូសឆាយហ៊ុំព័ទ្ធដីស្ថានីយផ្សព្វផ្សាយនិងស្តារព្រៃឈើអូរសំពង់-ភ្នំសេវាដើម្បីវាទយកដីធ្វើកម្មសិទ្ធិស្ថិតក្នុងភូមិអូរក្រពើ ឃុំបឹងល្វា ស្រុកសន្ទុក ខេត្តកំពង់ធំ។ សមត្ថកិច្ចអធិការខាងជើងបឹងទន្លេសាបឱ្យដឹងថា ឈ្មោះមែន ភាន់ នេះខណ្ឌរដ្ឋបាលព្រៃឈើកំពង់ធំបានចងក្រងសំណុំរឿងទៅតុលាការខេត្តកំពង់ធំតាមដីកាអម លេខ៥០១ ខរព-កឆ របស់ខណ្ឌរដ្ឋបាលព្រៃឈើកំពង់ធំ កាលពីថ្ងៃទី៣១ ខែសីហាឆ្នាំ២០២១។ មកដល់បច្ចុប្បន្នជននេះបាននាំបក្ខពួកមកសម្អាតដីប្រមាណជាង៤០ហិកតានិងយកកូនកៅស៊ូមកដាក់ក្នុងស្ថានីយដោយបង្កើតជាថ្នាលតម្កល់កូនកៅស៊ូចំនួន១០.០០០ដើមទៅ១៥.០០០ដើម។ក្នុងការឃាត់ខ្លួនដកហូតវត្ថុតាងមានកូនកៅស៊ូមិនទាន់ដាំជិត២ពាន់ដើម-គ្រឿងចក្រកែច្នៃជាមធ្យោបាយសម្រាប់បាញ់ថ្នាំ១គ្រឿង-ម៉ាស៊ីនកាត់ស្មៅ១គ្រឿង-ធុងបាញ់ថ្នាំ១និងសម្ភារមួយចំនួនទៀត៕ រូប៖សហការី