ភ្នំពេញ៖កម្លាំងនគរបាលអន្តរាគមន៍ពិសេស បានចាប់ក្រុមទំនើងជិត១០នាក់ ករណីវាយតប់គ្នាបង្កការភ័យខ្លាចដល់ពលរដ្ឋរស់នៅម្តុំបរិវេណបឹងកក់ សង្កាត់ស្រះចក ខណ្ឌដូនពេញ កាលពីរំលងអធ្រាត្រចូលថ្ងៃទី៨ ខែកញ្ញា។កម្លាំងមូលដ្ឋានបានឱ្យដឹងថា មុនកើតហេតុមានមនុស្ស៤នាក់ជិះម៉ូតូ២គ្រឿង ចេញពីម្តុំមន្ទីរពេទ្យលោកសង្ឃទៅអង់តែនទួលគោក។មកដល់កន្លែងខាងលើស្រាប់តែមួយក្រុមទៀតមានគ្នា៧-៨នាក់ជិះម៉ូតូជាច្រើនគ្រឿងមកក្បែរ រួចក៏ធាក់លើម៉ូតូក្រុម៤នាក់ឱ្យដួល។ភ្លាមៗនោះក៏កើតជាជម្លោះដេញវាយគ្នាពេញផ្លូវរហូតដល់ក្នុងបរិវេណបឹងកក់។ដោយភាគីទាំងសងខាងខ្លះប្រើដុំថ្ម ខ្លះទៀតប្រើខ្សែក្រវាត់បានវាយតប់និងគប់គ្នាបង្កការភ័យខ្លាចនៅតំបន់នោះ។ពេលក្រុមទំនើងធ្វើសកម្មភាពកម្លាំងសមត្ថកិច្ចល្បាតក្នុងមូលដ្ឋានខណ្ឌដូនពេញបានឃាត់ខ្លួនទាំង២ក្រុមចំនួនជិត១០នាក់រួមទាំងវត្ថុតាង។បន្ទាប់ពីឃាត់ខ្លួនសមត្ថកិច្ចជំនាញបាននាំក្រុមទំនើងជាមួយម៉ូតូជាច្រើនគ្រឿងយកទៅអធិការដ្ឋាននគរបាលខណ្ឌដូនពេញដើម្បីបន្តនីតិវិធី៕
Related Articles
ជន២នាក់ដែលប្រមាថព្រះមហាក្សត្រត្រូវតុលាការផ្តន្ទាទោសដាក់ពន្ធនាគារ៣ឆ្នាំ
ភ្នំពេញ៖ចៅក្រមជំនុំជម្រះសាលាដំបូងរាជធានីភ្នំពេញ លោក កុលកំពូលកាលពីថ្ងៃទី២ ខែមីនាឆ្នាំ២០២១បានប្រកាសសាលក្រមផ្តន្ទាទោសលើជនជាប់ចោទឈ្មោះ គង់ ប៊ុនហ៊ាង ភេទប្រុស អាយុ៦៧ឆ្នាំ ជាអតីតយោធិនចូលនិវត្ត រស់នៅស្រុកសង្កែ ខេត្ត បាត់ដំបង។ឈ្មោះ ហង្ស សេង អាយុ៧០ឆ្នាំ រស់នៅស្រុកសង្កែខេត្តបាត់ដំបងដាក់ពន្ធនាគារ៣ឆ្នាំ តែអនុវត្តទោស១ឆ្នាំពាក់ព័ន្ធនិងបទល្មើស “ប្រមាថព្រះម ហាក្សត្រ”។ សូមបញ្ជាក់ថាតុលាការបានចោទប្រកាន់បុរសវ័យចំណាស់ទាំង២នាក់ពីបទ « ប្រមាថព្រះមហាក្សត្រ » តាមបញ្ញតមាត្រា ៤៣៧នៃក្រមព្រហ្មទណ្ឌ ប្រព្រឹត្តកាលពីថ្ងៃទី ១៦ខែតុលា ឆ្នាំ២០២០ នៅខេត្តបាត់ដំបង ។ ជនជាប់ចោទឈ្មោះ គង់ ប៊ុនហ៊ាង និង ហង្ស សេង បាននិយាយនៅក្នុងសាលសវនាការថា កាលពីថ្ងៃទី ១៦ខែតុលា ឆ្នាំ២០២០ ឈ្មោះ គង់ ប៊ុនហ៊ាង បានទូរស័ព្ទទៅឈ្មោះ ហង្ស សេង ដោយសួរថា ៖ តើបានទទួលអំណោយដែរទេក្នុងពេលទឹកលិចនេះ ? ពេលនោះឈ្មោះ ហង្ស សេង បានឆ្លើយថា មិនបានអំណោយទេ […]
បញ្ជូនជនសង្ស័យ៧នាក់ករណីកាប់ជនរងគ្រោះប្លន់យកម៉ូតូទៅតុលាការ
ភ្នំពេញ៖កម្លាំងនគរបាលរាជធានីភ្នំពេញកាលពីរសៀលថ្ងៃទី៣១ ខែតុលាបានបញ្ជូនជនសង្ស័យ៧នាក់ពាក់ព័ន្ធកាប់ជនរងគ្រោះប្លន់យកម៉ូតូបានសម្រេចទៅតុលាការ ។ មន្ត្រីនគរបាលបានឱ្យដឹងថា ក្រុមជនសង្ស័យបានកាប់ជនរងគ្រោះប្លន់យកម៉ូតូនៅផ្លូវជាតិលេខ៣ ភូមិគោកខ្សាច់សង្កាត់ប្រទះឡាង ខណ្ឌកំបូលកាលពីរំលងអធ្រាត្រចូលថ្ងៃទី២៩ ខែតុលា។ក្រោយមានសកម្មភាពកើតឡើងផ្នែកជំនាញស្រាវជ្រាវចាប់ជនសង្ស័យជាបន្តបន្ទាប់ក្នុងរាជធានីភ្នំពេញបានចំនួន៧នាក់។ក្រុមជនសង្ស័យ៧នាក់នោះឈ្មោះ- សួន មុន្នីវឌ្ឍនា-ឈ្មោះជាបូណាធីស័ក្ក-ឈ្មោះសុខ សុភី -ឈ្មោះសែត រ៉ាវី-ឈ្មោះរ៉េត ការិទ្ធ-ឈ្មោះញាន សុថាន-និងឈ្មោះ ភូ សុខហេង។ពួកគេមានអាយុពី១៨ដល់៣១ឆ្នាំនៅសង្កាត់កាកាប១-សង្កាត់ចោមចៅ១-សង្កាត់ឃ្មួញ-សង្កាត់អូរបែកក្អម-ខណ្ឌពោធិ៍សែនជ័យ ខណ្ឌសែនសុខនិងសង្កាត់កំពង់កណ្តាល ក្រុងកំពត។ចំណែកជនរងគ្រោះឈ្មោះខឹម ស្រស់អាយុ៣៣ឆ្នាំជិះម៉ូតូម៉ាកហុងផ្លាកលេខកំពង់ស្ពឺ 1O-6611។វត្ថុតាងចាប់បាន-ដាវ១-កាំបិតប៉័ងតោ១និងម៉ូតូជនរងគ្រោះ ។ក្រោយមកជនសង្ស័យនិងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនទៅតុលាការភ្នំពេញដើម្បីចាត់ការតាមច្បាប់៕
នៅច្រកព្រំដែនប៉ោយប៉ែតបង្ការចម្លងវិរ៉ុសកូរ៉ូណាបន្តចែកម៉ាស់ក្នុង១ខែ១លានម៉ាស់
បន្ទាយមានជ័យ៖គម្រោងចែកម៉ាស់បង្ការចម្លងរ៉ុសកូរ៉ូណា(2019-nCoV)ក៏ដូចសុខុមាលភាពពលរដ្ឋអ្នកដំណើរនិងភ្ញៀវឆ្លងកាត់ច្រកទ្វារអន្តរជាតិប៉ោយប៉ែតក្នុង១ខែឱ្យបាន១លានម៉ាស់។បន្តធ្វើដូចបានគ្រោងទុកទោះបីជាកន្លែងផ្សេងមិនបានចែកនិងលែងសូវចាប់អារម្មណ៍ឬប្រុងប្រយ័ត្នក្តី ។ លោកវរសេនីយ៍ឈួនសារីនាយរងប៉ុស្តិ៍នគរបាលច្រកទ្វារអន្តរជាតិប៉ោយប៉ែតបានឱ្យដឹងថ្ងៃទី១៧ខែកុម្ភៈថា៖តាមលោកឩត្តមសេនីយ៍ត្រីអ៊ីចំរើននាយប៉ុស្តិ៍ថាម៉ាស់ដែលប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែតចែកជូនភ្ញៀវជាតិអន្តរជាតិចំនួន១៦ថ្ងៃ។ (ចាប់ថ្ងៃទី២៧ខែមករាមកដល់ថ្ងៃទី១៦ខែកុម្ហៈឆ្នាំ២០២០)។ចំនួនម៉ាស់ដែលប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែតចែកជូនភ្ញៀវជាតិ អន្តរជាតិមានចំនួន ៣៤០.១៥០ ម៉ាស់ ។ ការងារត្រូវបន្តធ្វើយ៉ាងសកម្ម និងស្វាហាប់។ប៉ុន្តែប្រភពនានាបានឱ្យដឹងថា ៖ នៅកន្លែងផ្សេងឬមន្ត្រីអាជ្ញាធរដែនដីមន្ត្រីជំនាញសុខាភិបាលគ្រូពេទ្យក៏លែងបានចែកម៉ាស់ឬធ្វើសកម្មភាពច្រើនលើការផ្សព្វផ្សាយ ចាត់វិធានការបង្ការ ទប់ស្កាត់នូវការចម្លងមេររោគនេះឡើយ ។ ដោយឡែកមន្ត្រីចត្តាឡីស័កនៃមន្ទីរសុខាភិបាលខេត្តបន្ទាយមានជ័យឮក៏បានធ្វើការត្រួតពិនិត្យ( Check Up )រក វីរ៉ុសកូរ៉ូណា(2019-nCoV ) ដើម្បីការពារសុខមាលភាពជូនប្រជាជន អ្នកដំណើរ ភ្ញៀវជាតិអន្តរជាតិ។និងក៏បន្តទប់ស្កាត់អោយបានមុនវីរ៉ុស2019nCoVកុំចូលទឹកដីកម្ពុជាតាមច្រកព្រំដែនអន្តរជាតិប៉ោយប៉ែត៕