ដោយ:ភោគសម្បតិ្ត/កំពង់ចាម:អាជ្ញាធរខេត្តកំពង់ចាមកាលពីដើមសប្តាហ៍នេះបានប្រកាសឱ្យបណ្តាញក្រុមហ៊ុនអាជីវកម្មនានា អគ្គិសនី,ទូរស័ព្ទ,និងស្លាកសញ្ញាផ្សាយពាណិជ្ជកម្មកាត់ទទឹងផ្លូវជាតិលេខ ៦ និងលេខ៧លើកឱ្យផុតពីដីកម្ពស់ប្រាំពីរម៉ែត្រ។តម្រូវឱ្យផុតពីដីកម្ពស់ប្រាំពីរម៉ែត្រនេះចាប់ពីព្រំប្រទស់ខេត្តកណ្តាលដល់ព្រំប្រទល់ខេត្តត្បូងឃ្មុំ។ វិធានការនេះគឺដើម្បីកែលម្អនិងសោភ័ណ្ឌភាពតាមដងផ្លូវសុវត្ថិភាពចរាចរណ៍សាធារណ:ពោលគឺក្នុងគោលបំណងដ៏ចម្បងលើកកម្ពស់បរិស្ថានស្អាតធ្វើយ៉ាងណាទាក់ទាញភ្ញៀវទេសចរឱ្យមកលេងកម្សាន្តនៅខេត្តជាប់ដងទន្លេមេគង្គមួយនេះមានការកើនឡើង ក្នុងពិធីបុណ្យឆ្លងឆ្នាំសកល២០១៩-២០២០នាពេលខាងមុខនេះ។ លោក ជា ក្រូច មន្ត្រីអ្នកពាក្យសាលាខេត្តកំពង់ចាម និងជាប្រធានមន្ទីរព័ត៌មានដែលអមដំណើរលោក កែវនាឫទ្ធិអភិបាលរងខេត្តកំពង់ចាមបានប្រាប់នៅថ្ងៃទី២៩វិច្ឆិកាថាសកម្មភាពក្រុមការងារមានការចូលរួមពីមន្ត្រីជំនាញ អង្គភាពពាក់ព័ន្ធនោះបាន ចុះពិនិត្យដោយផ្ទាល់ត្រួតពិនិត្យលើ ការរៀបចំកែលម្អសោភ័ណ្ឌភាពតាមដងផ្លូវជាតិលេខ៦ និងលេខ៧។ លោកអ្នកនាំពាក្យបានឱ្យដឹងទៀតថាជាពិសេសបណ្តាញខ្សែអគ្គិសនីខ្សែទូរស័ព្ទខ្សែកាបអុកទិកនិងស្លាកសញ្ញាផ្សាយពាណិជ្ជកម្មកាក់ទទឹងផ្លូវលើកឱ្យបានកម្ពស់ប្រាំពីរម៉ែត្រពីផ្ទៃដី។គឺតម្រូវតាមសេចក្តីប្រកាសជាសាធារណ:របស់លោក អ៊ុន ចាន់ដា អភិបាលខេត្តកំពង់ចាមក្នុងជំនួបជាមួយមន្ទីរ អង្គភាព និងបណ្តាញក្រុមហ៊ុននានាកាលពីដើមសប្តាហ៍នេះ។ លោកប្រធានមន្ទីរបន្តថាជាលទ្ធផលនៃការពិនិត្យជាក់ស្តែងគឺក្រុមហ៊ុនដែលធ្វើអាជីវកម្មតាមដងផ្លូវបានចូលរួមសហការអនុវត្តតាមសេចក្តីប្រកាសរបស់អភិបាលខេត្តបានស្ទើរ១០០ភាគរយគិតមកដល់ព្រឹកថ្ងៃទី២៩ខែវិច្ឆិកា ឆ្នាំ២០១៩៕
ព័ត៌មានសង្គម
ប៉ូលីសបានក្របួចចាប់បាតុករសរុបទៅ១០៧៤នាក់ ខណៈទាមទារការបោះឆ្នោតសេរីនៅម៉ូស្គូ
កាលពីថ្ងៃសៅរ៍២៧ កក្កដាប៉ូលីសរុស្ស៊ីបានក្របួចចាប់បាតុករសរុបទៅ១ ០៧៤នាក់ពីក្នុងចំណោមបាតុករប្រមាណ ៣៥០០ នាក់ដែលនាំគ្នាជួបជុំនៅចំកណ្តាលក្រុងម៉ូស្គូ ដើម្បីទាមទារការបោះឆ្នោតសេរី។ទោះបីអាជ្ញាធរ នាប៉ុន្មានថ្ងៃចុងក្រោយវាតប្រតិបត្តិការបង្ក្រាបទល់នឹងពួកប្រឆាំងក្តី។កន្លងផុតមិនបានមួយសប្តាហ៍ផង ក្រោយពីការប្រមូលផ្តុំគ្នាទ្រង់ទ្រាយធំមិនធ្លាប់មានតាំងពីមានបំបះចលនាដែលប្រឆាំងនឹង ការវិលត្រឡប់មកវិមានក្រេមឡាំងវិញ នៃលោក វ៉្លាឌីមៀរ ពូទីន កាលក្នុងឆ្នាំ ២០១២ កម្លាំងរក្សាសណ្តាប់ធ្នាប់ លើកនេះមិនបានទុកភ័ព្វសំណាងអ្វីណាបន្តិចសោះឡើយ។ ដល់ពួកតវ៉ា ឲ្យចូលរួមជាថ្មី ក្នុងបាតុកម្មគ្មានសេចក្តីអនុញ្ញាត នៅមុខសាលាក្រុងម៉ូស្គូ តែម្តង។ដោយកេណ្ឌគ្នីគ្នាខ្លួនច្រើនសំបើម កម្លាំងរក្សាសណ្តាប់ធ្នាប់នោះបានក្របួចចាប់រង្គាលតែម្តងពួកអ្នកតវ៉ា ដែលបានប្រមូលផ្តុំគ្នា លើសរសៃផ្លូវដ៏សំខាន់បំផុត នៃរដ្ឋធានីម៉ូស្គូទាំងស្រែកថា “ គួរឲ្យអាម៉ាស់ អំណាច ពូទីន”, ពួកយើងប្រាថ្នាឲ្យមានការបោះឆ្នោតសេរី” ។ គឺនៅក្រោមសូរបន្លឺឡើងនៃពាក្យស្លោកទាំងនេះ ដែលកម្លាំងប៉ូលីស បានច្រានពួកគេឲ្យ រាលទៅខាងកូនវិថីនានា នៅក្បែរមហាសរសៃរផ្លូវនោះ។ពួកប្រឆាំង បរិហារទង្វើគជបម៉ូស្គូ ដែលប្រកែកមិនព្រមចុះឈ្មោះក្រុមបេក្ខជនឯករាជដើម្បីកុំឲ្យគេអាចចូលប្រឡូកក្នុងការបោះឆ្នោតក្លាយទៅជា តំណាងរាស្ត្រនៃ សភាខេត្តក្រុងម៉ូស្គូ នៅថ្ងៃ ៨ កញ្ញាខាងមុខ- ការបោះឆ្នោត ដែលសន្មត់ មិនងាយស្រួលឡើយ ទាំងសម្រាប់ បេក្ខជនណាដែល គាំទ្ររដ្ឋអំណាច មកពី បរិយាកាសរអ៊ូរទាំ ក្នុងសង្គម។តាមរយៈ ការចាប់ឃុំឃាំង ការសួរចម្លើយ ការឆែកឆេរលំនៅ […]
ឯកឧត្តមវេង សាខុនបាន ចុះសួរសុខទុក្ខនិងធ្វើការ សំណេះសំណាលដើម្បីដោះស្រាយ នូវរាល់បញ្ហាកង្វះខាតរបស់ប្រជាពលរដ្ឋ
នាវេលាម៉ោង ០៨:០០ព្រឹក ថ្ងៃអាទិត្យ ១២រោច ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៨ ខែកក្កដាឆ្នាំ២០១៩ ឯកឧត្តម វេង សាខុន ជាប្រធានក្រុមការងារថ្នាក់ជាតិចុះមូលដ្ឋានស្រុកតំបែរ ខេត្តត្បូងឃ្មុំ ស្រុកកំពង់សៀម និងស្រុកជើងព្រៃ ខេត្តកំពង់ចាម និងសហការីបានចុះសួរសុខទុក្ខ និងធ្វើការសំណេះសំណាល ដើម្បីដោះស្រាយនូវរាល់បញ្ហាកង្វះខាតរបស់ប្រជាពលរដ្ឋរស់នៅឃុំព្រៃចារ ស្រុកជើងព្រៃ ខេត្តកំពង់ចាម ដែលកម្មវិធីនេះប្រព្រឹត្តឡើងទៅនៅក្នុងបរិវេណវត្តសិរីអម្ពរវ័ន ហៅវត្តព្នៅ។ក្នុងពិធីដ៏មានអត្ថន័យនេះ ក៏មានវត្តមានរបស់ឯកឧត្តមអនុប្រធានក្រុមការងារចុះជួយស្រុកជើងព្រៃ សមាជិក សមាជិកាគណបក្សប្រជាជនកម្ពុជា និងប្រជាពលរដ្ឋសរុបជាង៣០០នាក់។ជាកិច្ចចាប់ផ្តើមឯកឧត្តមប្រធានក្រុមការងារបានពាំនាំនូវការផ្តាំផ្ញើសាកសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណបក្សប្រជាជន និងថ្នាក់ដឹកនាំគណបក្ស ប្រជាជនកម្ពុជា រួមជាមួយសារអរគុណចំពោះប្រជាពលរដ្ឋទាំងអស់ដែលបានផ្តល់ការគាំទ្រដល់គណបក្សប្រជាជនកម្ពុជារហូតមក។ ការគាំទ្ររបស់ប្រជាពលរដ្ឋ លោកបានបញ្ជាក់ថា គឺបានផ្តល់ឱកាសដល់សម្តេចតេជោដឹកនាំប្រទេសជាតិ ចេញពីសង្គ្រាមស៊ីវិលរាំរ៉ៃ គ្មានធនធាន អសន្ដិសុខស្បៀង មកជាប្រទេសដែលមានសុខសន្តិភាព ស្ថិរភាពសង្គម និងសាមគ្គីភាពពេញផ្ទៃប្រទេស និងជាសំខាន់ទៅជាប្រទេសដែលមានអតិរេកស្បៀង និងផលិតផលិតផលកសិកម្មសម្រាប់ផ្គត់ផ្គង់ទាំងទីផ្សារក្នុងស្រុក និងនាំចេញ។