ព្រះវិហារ៖ទាហានឈុតខ្មៅថៃបានរារាំងប្រជាពលរដ្ឋខ្មែរដោយយកបន្លាលួសរាយជុំវិញអណ្ដូងទឹកដែលជាអណ្ដូងរបស់ខ្មែរនៅក្នុងទឹកដីរបស់ខ្មែរ។ថៃមិនឱ្យប្រជាពលរដ្ឋខ្មែរលើភ្នំអានសេះ ប្រើប្រាស់ទឹកអណ្ដូងនេះ។
កាលពីថ្ងៃទី៦ខែមេសាឆ្នាំ២០២០ក្រុមទាហានឈុតខ្មៅថៃបានយកបន្លាលួសមកហ៊ុមព័ទ្ធជុំវិញអណ្ដូងមិនឱ្យប្រជាពលរដ្ឋខ្មែរលើភ្នំអានសេះស្រុកជាំក្សាន្តខេត្តព្រះវិហារប្រើប្រាស់ទឹកអណ្ដូងនោះឡើយ។
ប្រជាពលរដ្ឋរស់នៅលើភ្នំអានសេះទាំងមូលក៏បានបញ្ជាក់ថាអណ្ដូងទឹកនេះគឺក្រុមទាហានខ្មែររបស់យើងជាអ្នកជីកហើយពួកគាត់ក៏បានប្រើប្រាស់ទឹកអណ្ដូងនេះអស់រយៈពេលជិត៣០ឆ្នាំមកហើយ។លុះមកដល់ព្រឹកថ្ងៃទី៦ខែមេសាឆ្នាំ២០២០នេះក៏មានក្រុមទាហានឈុតខ្មៅរបស់ថៃមានកាន់អាវុធគ្រប់ដៃមកហាមឃាត់ពួកគាត់ មិនឱ្យប្រើប្រាស់ទឹកអណ្ដូងនេះ។
គួរបញ្ជាក់ផងដែរថានៅរសៀលថ្ងៃដដែលអភិបាលរងខេត្តព្រះវិហារលោកស៊ូសេរីទទួលបន្ទុកព្រុំដែនក៏បានដឹកនាំកម្លាំងចុះទៅសម្របសម្រួលជាមួយនឹងភាគគីខាងថៃដោយជួបជាមួយលោកវរៈសេនីយ៍ឯកអាក់ការៈភុនមួងប្រាដាប់ជាមេបញ្ជាការរងទេសរុះនារីនិងជាប្រធានទំនាក់ទំនងព្រំដែនថៃ-កម្ពុជាប្រចាំទឺសទី១។
ក្នុងកិច្ចចចារសម្របសម្រួលនោះភាគីខាងទាហ៊ានឈុតខ្មៅថៃក៏បានយល់ព្រមហើយក៏ដកបន្លាលួសនោះចេញទៅនៅវេលាម៉ោង៥ល្ងាចថ្ងៃដដែលដើម្បីឱ្យបងប្អូនប្រជាពលរដ្ឋខ្មែររស់នៅតំបន់ច្រកអានសេះនេះបានប្រើប្រាស់ទឹកអណ្ដូងនោះវាឡើងវិញ៕វ៉ាន់ឌី
