អន្តរជាតិ៖យោងតាមតួលេខស្តីពីចំនួនអ្នកឆ្លងនិងស្លាប់ដោយសារវីរុសកូវីដ១៩ចេញពីគេហទំព័រអន្តរជាតិ Worldometer បានបង្ហាញថាៈគិតត្រឹមម៉ោង៦និង៣០នាទីព្រឹកថ្ងៃទី៨ខែធ្នូឆ្នាំ២០២០នេះចំនួនឆ្លងជំងឺ កូវីដ១៩ នៅទូទាំងពិភពលោកបានកើនឡើងដល់៦៧.៨៩៣.៣៦១ករណីហើយ។
ក្នុងនោះមនុស្សសរុប ១.៥៤៩.៥១៦នាក់ស្លាប់និងជាង៤៦,៩លាននាក់បានជាសះស្បើយឡើងវិញ។តួលេខនេះបានបញ្ជាក់ថា ត្រឹមតែរយៈពេល២៤ម៉ោង ពិភពលោកទាំងមូលរកឃើញអ្នកឆ្លងសរុប ៤៩២,៧៥១ករណី និងមានមនុស្សជិត ៨ពាន់នាក់បានស្លាប់។
សូមបញ្ជាក់ថារហូតមកដល់ពេលនេះសហរដ្ឋអាមេរិកឈរនៅកំពូលតារាងនៃចំនួនអ្នកឆ្លងច្រើនជាងគេដែលគិតត្រឹមព្រឹកនេះអាមេរិកមានមនុស្សសរុប១៥.១៥១.០១៨បានឆ្លង,ជាង២៨ម៉ឺននាក់ស្លាប់។ ដោយឡែកព្រឹកថ្ងៃទី៨ ខែធ្នូ ឆ្នាំ២០២០នេះ សហរដ្ឋអាមេរិក បានរកឃើញករណីឆ្លងថ្មីសរុប ១៧៤.២៤៣នាក់ និងអ្នកជំងឺជាង ១ពាន់នាក់ បានស្លាប់៕