ភ្នំពេញ៖កម្លាំងអគ្គស្នងការនគរបាលជាតិកាលពីយប់ថ្ងៃទី២៩ ខែមិថុនាបានបង្ក្រាបកន្លែងសេវាផ្លូវភេទជ្រកក្រោមផ្លាកកោសជប់និងម៉ាស្សាចាប់ម្ចាស់២នាក់និងស្រីបម្រើសេវា៣នាក់។
មន្តី្រចុះអនុវត្តច្បាប់បានឱ្យដឹងថា ទីតាំងនោះយីហោ“៦៦៦”ស្ថិតនៅផ្ទះលេខ៧Aផ្លូវជាតិលេខ៥ ភូមិឡកំបោរ សង្កាត់ស្វាយប៉ាក ខណ្ឌឫស្សីកែវដោយចាប់ប្តីនិងប្រពន្ធហើយនាំស្រីបម្រើសេវា៣នាក់ជាអនីតិជនម្នាក់ទៅសាកសួរ។ថៅកែហាង២នាក់នោះឈ្មោះ ចូច ជឿន អាយុ២៩ឆ្នាំ និងប្រពន្ធឈ្មោះ ហន សុភានី អាយុ៤១ឆ្នាំទាំង២នាក់នៅផ្ទះខាងលើ ។
កន្លែងបម្រើសេវាផ្លូវភេទនេះបានបើកដំណើរការយូរមកហើយ។ក្រោយមានការស៊ើបអង្កេតស្រាវជ្រាវពីកម្លាំងនគរបាលជំនាញយ៉ាងច្បាស់លាស់និងទទួលបានព័ត៌មានពិតរួចមកកម្លាំងចុះឆែកឆេរនិងបង្ក្រាបតែម្តង ។
ទីតាំងនេះមានបន្ទប់ចំនួន៤សម្រាប់ទទួលភ្ញៀវសេវាផ្លូវភេទសមត្ថកិច្ចចម្រុះរកឃើញ ស្រោមអនាម័យ ប្រើរួច និងមិនទាន់ប្រើជាច្រើន។បន្ទាប់ពីបញ្ចប់ការឆែកឆេរក៏បានបានឃាត់ខ្លួន ថៅកែហាង២នាក់ប្តីប្រពន្ធនិងដកហូតវត្ថុតាងមួយចំនួនហើយត្រូវកម្លាំងចម្រុះបិទទ្វារបណ្តោះអាសន្ន៕