ភ្នំពេញ៖កម្លាំងនគរបាលរាជធានីភ្នំពេញបានចុះបង្ក្រាបករណីគ្រឿងញៀននៅ៣ទីតាំងផ្សេងគ្នានិងឃាត់ខ្លួនជនសង្ស័យចំនួន៧នាក់ហើយនាំខ្លួនទៅតុលាការចាត់ការតាមនីតិវិធី។មន្ត្រីក្នុងប្រតិបត្តិការបានឱ្យដឹងរសៀលថ្ងៃទី១៦ ខែធ្នូថា កម្លាំងជំនាញបានចុះបង្ក្រាបករណីជួញដូរនិងប្រើប្រាស់នូវសារធាតុញៀនខុសច្បាប់លើ៣ទីតាំងនិងឃាត់ខ្លួនមនុស្ស៧នាក់។មន្ត្រីដដែលបានបន្តថា កាលពីយប់ថ្ងៃទី១៥ ខែធ្នូ នគរបាលប្រឆាំងគ្រឿងញៀនរាជធានីភ្នំពេញបានចុះល្បាតនៅតាមតំបន់សំណង់មិនរៀបរយទាំង១៤ខណ្ឌបានបង្ក្រាបករណីជួញដូរ និងប្រើប្រាស់ នូវសារធាតុញៀនលើ៣ទីតាំងដោយឃាត់ខ្លួន៧នាក់ក្នុងនោះមានស្រីម្នាក់។ទីតាំងទី១-នៅបន្ទប់ជួល ភូមិអង្គ សង្កាត់ចោមចៅ៣ ខណ្ឌពោធិ៍សែនជ័យ។២-នៅភូមិបុរីកម្មករ សង្កាត់ទឹកថ្លា ខណ្ឌសែនសុខនិង៣-ផ្លូវរថភ្លើង សង្កាត់ស្រះចក ខណ្ឌដូនពេញ។វត្ថុតាងចាប់បាន ក្រាមពណ៌សថ្លាសង្ស័យជាគ្រឿងញៀនចំនួន៣កញ្ចប់-ដបទឹកកែច្នៃសម្រាប់ប្រើប្រាស់គ្រឿងញៀន-និងទូរសព្ទ៣គ្រឿង៕
Related Articles
ចោរប្រដាប់អាវុធ៤នាក់ប្លន់យកគ្រឿងអលង្ការនិងលុយខ្ទង់លានដុល្លារពីអ្នកនាងឧកញ៉ាអ៊ាន សៀវម៉ី
ភ្នំពេញ៖ ក្រុមចោរប្រដាប់អាវុធចំនួន៤នាក់ បានធ្វើសកម្មភាពភ្ជង់ប្លន់អ្នកនាងឧកញ៉ា អ៊ាន សៀវម៉ី យកគ្រឿងអលង្ការនិងលុយខ្ទង់លានដុល្លារនៅម៉ោងជាង១០ព្រឹកថ្ងៃ១៩ ខែធ្នូ ឆ្នាំ២០២១។ លោក ម៉ន វុទ្ធី អធិការនគរបាលខណ្ឌពោធិ៍សែនជ័យ បានឱ្យដឹងថា៖ ករណីប្លន់ខាងលើបានកើតឡើងនៅផ្ទះលេខវី០១ បុរីមូនថោន ភូមិគោកចំបក់ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។ដោយក្រុមចោរប្រដាប់អាវុធមានគ្នាចំនួន ៤នាក់តែមិនទាន់ស្គាល់អត្តសញ្ញាណនៅឡើយទេ។ ក្នុងនោះសមត្ថកិច្ចក៏មិនទាន់បានដឹងពីទំហំនៃការបាត់បង់មានចំនួនជាក់ស្តែងប៉ុន្មាននៅឡើយដែរ។បន្ទាប់ពីនេះផ្នែកជំនាញកំពុងតាមរកចាប់មុខសញ្ញាពាក់ព័ន្ធយកមកទទួលខុសត្រូវចំពោះមុខច្បាប់៕
បុរសម្នាក់ឡើងបេះស្លឹកអំពិលលក់ចិញ្ចឹមគ្រួសារធ្លាក់មកដីរងរបួសធ្ងន់
ភ្នំពេញ៖បុរសម្នាក់មានជីវភាពក្រីក្រដើរបេះបន្លែគ្រាន់លក់បានកម្រៃចិញ្ចឹមគ្រួសារ។តែពេលឡើងបេះស្លឹកអំពិលក៏របូតដៃធ្លាក់ពីលើចុងអំពិលបណ្តាលឱ្យរងរបួសធ្ងន់បាក់ចង្កេះ។ករណីនេះបានកើតឡើងនៅភូមិត្រពាំងសិលាសង្កាត់ពងទឹកខណ្ឌដង្កោកាលពីវេលាថ្ងៃត្រង់ថ្ងៃទី៧ខែធ្នូឆ្នាំ២០២០។ អ្នកភូមិបានឱ្យដឹងថាៈជនរងគ្រោះឈ្មោះទិនសំអាងអាយុ៤៥ឆ្នាំនៅភូមិកើតហេតុរងរបួសបាក់ចង្កេះ។មុនកើតហេតុជនរងគ្រោះឡើងបេះស្លឹកអំពិលទុកលក់របូតដៃធ្លាក់មកលើដំបូលសាលារៀនធ្លាយក្បឿងធ្លាក់ចុះមកដីបណ្តាលឱ្យរងរបួស។ក្រោយកើតហេតុជនរងគ្រោះត្រូវបានរថយន្តសង្គ្រោះរបស់អង្គភាព៧១១កងពលតូចលេខ៧០ដឹកបញ្ជូនទៅមន្ទីរពេទ្យព្រះកុសុមៈ៕វិចិត្រ
ម៉ូតូនិងរថយន្តបុកគ្នាបណ្តាលឱ្យបុរសម្នាក់ស្លាប់ម្នាក់ទៀតរបួសធ្ងន់
កំពត៖បុរសម្នាក់បានស្លាប់នៅនឹងកន្លែងចំណែកម្នាក់ទៀតរងរបួសធ្ងន់ត្រូវបានបញ្ជូនទៅកាន់មន្ទីរពេទ្យដើម្បីសង្គ្រោះបន្ទាន់បន្ទាប់ពីជួបហេតុការណ៍ជិះម៉ូតូឌុបគ្នាបុកជាមួយរថយន្តមកពីមុខពេញទំហឹង។ ករណីនេះបានកើតឡើងនៅលើកំណាត់ផ្លូវជាតិលេខ៣៣ស្ថិតក្នុងភូមិត្រពាំងនៀលឃុំឫស្សីស្រុកខាងលិច ស្រុកកំពង់ត្រាចកាលពីរសៀលថ្ងៃទី៦ ខែមីនា ឆ្នាំ២០២១។ មន្ត្រីនគរបាលចរាចរណ៍ស្រុកកំពង់ត្រាចបានឱ្យដឹងថា៖បុរសដែលស្លាប់ឈ្មោះសាត សឿន អាយុ ៤៧ឆ្នាំ។ចំណែកអ្នករួមដំណើរដែលរងរបួសធ្ងន់ឈ្មោះឡុកតាក់ភេទប្រុសអាយុ៣៨ឆ្នាំ។អ្នកទាំងពីរមិនបានពាក់មួយសុវត្ថិភាពទេ។រីឯអ្នកបើកបររថយន្តឈ្មោះហៀនសុខជាភេទប្រុសអាយុ៣០ឆ្នាំមានទីលំភូមិកណ្តាល ឃុំកោះតូច ស្រុកទឹកឈូ ខេត្តកំពត។ សមត្ថកិច្ចបន្តថា៖ម៉ូតូម៉ាកយ៉ាម៉ាហាសឺរ៉ុសពាក់លេខកំពត1D7164បំពានផ្លូវចូលបុករថយន្តម៉ាកហ៊ីយ៉ាន់ដាយពាក់ស្លាកលេខ កំពត3A-1202មកពីមុខពេញទំហឹង។ភ្លាមៗអ្នកបើកបររថយន្តបានរត់គេចបាត់ បន្សល់ទុកបុរសជាអ្នកបើកម៉ូតូស្លាប់នៅនឹងកន្លែងនិងម្នាក់ទៀតរងរបួសធ្ងន់៕ឌីណា