បន្ទាយមានជ័យ៖នគរបាលក្រុងប៉ោយប៉ែតរសៀលថ្ងៃទី១៦ ខែធ្នូបានចាប់ជនសង្ស័យប្រើកាំបិតចុងស្រួចចាក់សម្លាប់សង្សារព្រោះតែភ្លើងប្រចណ្ឌនិងត្រៀមបញ្ជូនទៅតុលាការ។សមត្ថកិច្ចបានឱ្យដឹងថា អំពើឃាតកម្មចាក់សម្លាប់មនុស្សនៅក្នុងភូមិទំនប់ក៥ សង្កាត់ប៉ោយប៉ែត ក្រុងប៉ោយប៉ែតកាលពីយប់ថ្ងៃទី១៥ ខែធ្នូឆ្នាំ២០២២។មន្ត្រីដដែលបានបន្តថា មុនកើតហេតុជនសង្ស័យឈ្មោះ ហុង ហ៊ាន អាយុ៣៩ឆ្នាំនៅភូមិខាងលើក្នុងស្ថានភាពស្រវឹងស្រាបានឈ្លោះប្រកែកជាមួយអ្នកជិតខាងឈ្មោះឌិញ មិថុនា ភេទស្រីអាយុ៣៨ឆ្នាំ។ពេលនោះស្ត្រីឈ្មោះ រី រឿង អាយុ២៩ឆ្នាំស្នាក់នៅជាមួយស្ត្រីឈ្មោះឌិញ មិថុនា បានស្រែកតបតទៅជនសង្ស័យហើយជនសង្ស័យបានយកកាំបិតមកចាក់ទៅលើស្ត្រីឈ្មោះ រី រឿង ចំដើមទ្រូងខាងឆ្វេង និងដាច់ចិញ្ចើមខាងស្ដាំបណ្ដាលឱ្យស្លាប់ភ្លាមតែម្ដង។ស្ត្រីបាត់បង់ជីវិតឈ្មោះ រី រឿង អាយុ២៩ឆ្នាំទីកំណើតភូមិទួលព្រំ ឃុំកកោះ ស្រុកមោងឫស្សី ខេត្តបាត់ដំបង។បន្ទាប់កើតហេតុកម្លាំងជំនាញបានចាប់ជនសង្ស័យយកទៅសាកសួរហើយបានសារភាពថា រូបគេបានផឹកស្រាស្រវឹងនិងប្រចណ្ឌសង្សាឈ្មោះ រី រឿង ដែលទៅស្រឡាញ់ស្រីដូចគ្នាជាមួយឈ្មោះឌិញ មិថុនាដោយយកកាំបិតចាក់ទៅលើនាងឱ្យស្លាប់ពិតប្រាកដមែន៕
Related Articles
ភាពយន្តល្បីៗចំនួន៥រឿងសម្រាប់យុវវ័យបើកឱ្យទស្សនាដោយឥតគិតថ្លៃ
ភ្នំពេញ៖ភាពយន្តល្បីៗចំនួន៥រឿងបាននឹងកំពុងចាក់បញ្ចាំងឱ្យទស្សនាឡើងវិញដោយឥតគិតថ្លៃចាប់ពីថ្ងៃទី៧ ដល់ថ្ងៃទី៩ខែកុម្ភៈនេះនៅរោងភាពយន្ត Prime Cineplex សាខាថ្មីទួលគោកសម័យស្វែរ(SamaiSquare)។រឿងទាំងនេះសុទ្ធសឹងតែជាភាពយន្តដែលមានការគ្រាំទ្រច្រើនជាងគេនាឆ្នាំកន្លងទៅ(ឆ្នាំ២០១៩)ប្រចាំនៅរោងភាពយន្តមួយនេះ។ ភាពយន្តដែលបាននិងកំពុងចាក់បញ្ចាំងក្នុងកម្មវិធីមានដូចជាភាពយន្តខ្មែររឿង“ស្នេហាក្មេងៗ”របស់ផលិតកម្មកងចក្រ,រឿងលោកបងណាក់របស់ក្រុមហ៊ុនSabayMVP,រឿងParasite,Exit,នឹងរឿងGravityofLoveរបស់ក្រុមហ៊ុនWestecMedia។ លោកស្រីលីខ្យ៉ុងហីអនុប្រធានរោងភាពយន្តPrimeCineplexបានបញ្ជាក់ថាការប្រកាសចាក់បញ្ចាំងនេះក៏ជាការសាទរនៃការបើកដំណើរសាកល្បងរោងភាពយន្តPrimeCineplexសាខាថ្មីទួលគោកសម័យស្វែរ(SamaiSquare)។ មិនតែប៉ុណ្នោះក៏នៅមានប្រូម៉ូសិនជាច្រើនទៀតដូចជាការចុះឈ្មោះចូលជាសមាជិកថ្មីនឹងទទួលបានទឹកប្រាក់៣ដុល្លារភ្លាមៗក្នុងកម្មវិធីនោះផងដែរ។ក៏ជាការបញ្ចូលទឹកប្រាក់បន្ថែមទៅក្នុងគណនី នឹងទទួលបានទឺកប្រាក់បន្ថែម ៥០ភាគរយ ភ្លាមៗផងដែរគឺ ចាប់ពីថ្ងៃទី ១៣ ដល់ ថ្ងៃទី១៥ ខែ កុម្ភៈ ឆ្នាំ២០២០ ។ លោកស្រីបន្ថែមថារោងភាពយន្តប្រ៉ាមស៊ីនេផ្លិចនឹងព្យាយាមបន្តគាំទ្រទៅលើវិស័យខ្សែភាពយន្តនៅក្នុងប្រទេសកម្ពុជាឱ្យកាន់តែរីកចម្រើនខ្លាំងជាងនេះដោយការនាំចូលនឹងបង្កើតរោងភាពយន្តបែបទំនើបនឹងទាន់សម័យជាងគេក្នុងប្រទេសកម្ពុជា។ លោកស្រី ឯក រតនា ប្រធានផ្នែកទីផ្សាររោងភាពយន្ត Prime Cineplexបានបញ្ជាក់ថាភាពយន្តទាំង៥ដែលត្រូវបានជ្រើសរើសយកមកចាក់បញ្ចាំងនៅពេលនេះគឺជាភាពយន្តទទួលបានការគាំទ្រច្រើនពីទស្សនិកជន។ពិសេសភាពយន្តកូរ៉េរឿងParasiteExitដែលទទួលបានពានរង្វាន់អូស្កានោះក៏ត្រូវបានយកមកចាក់បញ្ចាំងឡើងវិញផងដែរ។ អ្នកស្រីរំពឹងថាតាមរយៈការបង្កើតឲ្យមានកម្មវិធីនេះនឹងធ្វើឲ្យអ្នកចូលចិត្តទស្សនាភាពយន្តពេញចិត្តជាក់ជាមិនខានទាំងអតិថិជនចាស់ៗនិងថ្មី ស្របពេលដែលសាខាថ្មីនេះបំពាក់ដោយបច្ចេកវិទ្យាទំនើប។ សូមបញ្ជាក់ដែរថាជាមួយគ្នានេះផងដែល សាខាថ្មីរបស់ រោងភាពយន្ត ប្រ៉ាមស៊ីនេផ្លិច សម័យស្វែរ សាខាទួលគោក (Samai Square) មានទីតាំងនៅផ្លូវ៣៣៧ សង្កាត់បឹងកក់១ ខណ្ឌទួលគោក ភ្នំពេញ ក្នុង ផ្សារទំនើបសម័យស្វែរ(SamaiSquare)ជាន់ទី៣ដែលបំពាក់បច្ចេកទេសទំនើបចុងក្រោយហើយនឹងបើកសម្ពោធជាផ្លូវការនៅដើមខែមីនាខាងមុខ។ រោងភាពយន្តនេះមាន៥រោងដែលសរុបប្រមាណជាង៥០០កៅអី។ស្របតាមកំណើននៃការនិយមទស្សនាភាពយន្តប្រ៉ាមស៊ីនេផ្លិចគ្រោងបើកដំណើរការឡើងវិញនៅផ្សារទំនើបសុវណ្ណាបន្ទាប់ពីសាខាចោមចៅសាខាបុរីវិមានភ្នំពេញនិងសម័យស្វែរនេះ។ការបង្កើនរោងភាពយន្តថ្មីនេះក៏ត្រូវបានគេរំពឹងថានឹងជួយជំរុញនិងបង្កើនទីផ្សារប្រាក់ចំណូលបានពីការចាក់បញ្ចាំងភាពយន្តខ្មែរផងដែរ៕បូរិន
អាជ្ញាធរខេត្តព្រះវិហារប្រជុំវាយតម្លៃហេតុផលប៉ះពាល់បរិស្ថាននិងសង្គម
ព្រះវិហារៈលោកប្រាក់សុវណ្ណអភិបាលខេត្តកាលពីថ្ងៃទី៩ខែធ្នូឆ្នាំ២០១៩បានអញ្ជើញជាអធិបតីភាពក្នុងកិច្ចប្រជុំពិគ្រោះយោបល់ស្តីពីលទ្ធផលនៃការសិក្សាវាយតម្លៃហេតុផលប៉ះពាល់បរិស្ថាននិងសង្គមពេញលេញ។សម្រាប់គម្រោងអាជីវកម្មរ៉ែមាសរបស់ក្រុមហ៊ុនស៊ីសាអ៊ីនដាស្ត្រីលខូអិលធីឌីលើផ្ទៃដី៣៧៩.៤៧ហិកតា។ អាជីវកម្មរ៉ែមាសស្ថិតក្នុងតំបន់ភ្នំអន្លុងភូមិត្រពាំងទន្ទឹមស្រុករវៀងខេត្តព្រះវិហារដោយមានការចូលរួមពីតំណាងក្រសួងបរិស្ថានតំណាងក្រុមហ៊ុនវិនិយោគស្នងការនគរបាលខេត្តប្រធានមន្ទីរអង្គភាពពាក់ព័ន្ធអភិបាលក្រុងស្រុករវៀងនៅសាលប្រជុំសាលាខេត្តព្រះវិហារ ។ គោលបំណងសំខាន់គឺដើម្បីសិក្សាប្រមូលចងក្រងនូវមតិយោបល់សំណួរសំណូមពរនិងអនុសាសន៍ពីអាជ្ញាធរនិងស្ថាប័នជំនាញជំនាញពាក់ព័ន្ធសម្រាប់ដាក់ជាធាតុចូលនៃការសិក្សាវាយតម្លៃហេតុផលប៉ះពាល់បរិស្ថាននិងសង្គមនិងរិះរកនូវវិធានការសមស្របសម្រាប់បញ្ចៀសកាត់បន្ថយស្តាឡើងវិញឫផ្តល់សំណងនូវហេតុប៉ះពាល់បរិស្ថាន៕សៅវ៉ាន់ឌី
ពិធីរៀបអភិសេកនៃព្រះអង្គម្ចាស់ Abdul Mateen និងព្រះមហេសី Anisha Isa Kalebic
ព័ត៌មានអន្តរជាតិ៖ព្រះរាជពិធីរៀបអភិសេករបស់ព្រះអង្គម្ចាស់ Abdul Mateen និងព្រះមហេសី Anisha Isa Kalebic បានបន្តជាមួយនឹងព្រះរាជពិធីប្រទានប្រេងម្សៅ royal powdering ceremony នៅព្រះវិហារ Sultan Omar Ali Saifuddien ក្នុ្ងងវិមានប្រណីត Nurul Iman រដ្ឋធានីប្រ៊ុយណេនៅថ្ងៃទី១១ ខែមករាឆ្នាំ២០២៤។ព្រះរាជពិធីមង្គលការរបស់ព្រះអង្គម្ចាស់ Mateen និងគូដណ្តឹងរបស់ព្រះអង្គត្រូវបានប្រារព្ធឡើងយ៉ាងឱឡារិក ដោយមានព្រះមហាក្សត្រធ្វើជាអធិបតី។ក្នុងពិធីនេះការសម្តែងនូវទំនៀមទម្លាប់ និងទំនៀមទម្លាប់របស់ស្តេចប្រ៊ុយណេ ដែលមានអាយុកាលរាប់សតវត្សមកហើយ។ ជាពិសេស ព្រះអង្គម្ចាស់ Mateen និងភរិយា បានបង្កការភ្ញាក់ផ្អើលក្រោយទ្រង់បានបង្ហាញខ្លួនក្នុងឈុតប្រពៃណីរបស់ប្រ៊ុយណេ ជាមួយនឹងរូបរាងដ៏ទាក់ទាញ។ យោងតាមសេចក្តីប្រកាសផ្លូវការ ព្រឹត្តិការណ៍ដ៏សំខាន់នេះរបស់ព្រះអង្គម្ចាស់នៃប្រទេសប្រ៊ុយណេ និងព្រះមហេសីនឹងបញ្ចប់ជាផ្លូវការនៅថ្ងៃទី១៦ ខែមករា៕ដោយ៖សហការី