ខេត្តព្រះសីហនុ៖រថយន្តបើកបុកជាមួយផាស្អេបក្នុងដំណើរបញ្ច្រាសគ្នាពេញទំហឹងបណ្តាលឱ្យបុរសបើកផាស្អេបស្លាប់មួយរំពេចយ៉ាងអណោចអធ័ម។សមត្ថកិច្ចបានឱ្យដឹងថា គ្រោះថ្នាក់ចរាចរណ៍នេះបានកើតឡើងនៅលើផ្លូវជាតិលេខ៤ ត្រង់ចំណោតអូរត្រាវ ស្ថិតក្នុងភូមិ១ សង្កាត់លេខ១ ក្រុង/ខេត្តព្រះសីហនុកាលពីយប់ថ្ងៃទី៣០ ខែមករាឆ្នាំ២០២៣។ចំពោះអ្នកស្លាប់មិនទាន់ស្គាល់អត្តសញ្ញាណនៅឡើយទេ។ចំណែកអ្នកបើកបររថយន្តក្រោយកើតហេតុបានរត់គេចខ្លួនបាត់។បន្ទាប់មកផ្នែកជំនាញចរាចរណ៍បានចុះវាស់វែងហើយយករថយន្តនិងផាស្អេបទៅរក្សាទុកនៅអធិការដ្ឋាននគរបាលក្រុងព្រះសីហនុដើម្បីរង់ចាំដោះស្រាយពេលក្រោយនិងប្រគល់សពឱ្យក្រុមគ្រួសារយកទៅធ្វើបុណ្យ៕
Related Articles
រថយន្តទំនើបបត់ស្តាំត្រូវម៉ូតូបុកបណ្តាលឱ្យបុរសម្នាក់បាក់ជើងម្ខាង
ភ្នំពេញ៖រថយន្តRANGEROVERពេលកំពុងបើកក៏បានបត់ស្តាំត្រូវម៉ូតូបើកមកពីក្រោយបុកពេញទំហឹងបណ្តាលឱ្យបុរសម្នាក់រងរបួសបាក់ជើងម្ខាង។គ្រោះថ្នាក់ចរាចរណ៍នោះបានកើតឡើងនៅតាមផ្លូវ៥៩២ក្នុងសង្កាត់បឹងកក់ទី២ ខណ្ឌទួលគោកកាលពីយប់ថ្ងៃទី១៤ ខែសីហា។សមត្ថកិច្ចបានឱ្យដឹងថា មុនកើតហេតុគេឃើញបុរសម្នាក់បើកបររថយន្តម៉ាក RANGE ROVER ផ្លាកលេខ ភ្នំពេញ 2V-6626 តាមផ្លូវ៥៩២ពីកើតទៅលិច។លុះដល់កន្លែងកើតហេតុ រថយន្តនោះក៏បានបត់ស្ដាំត្រូវម៉ូតូម៉ាក MSX ផ្លាកលេខ ភ្នំពេញ 1GA-1086 ស្របគ្នាក្នុងល្បឿនលឿនក៏ជ្រុលទៅបុករថយន្តពេញទំហឹងបណ្តាលឱ្យអ្នកបើកបរម៉ូតូរងរបួសបាក់ជើងម្ខាងនិងម៉ូតូរងការខូចខាតយ៉ាងដំណំ។បន្ទាប់មករថយន្តនិងម៉ូតូសមត្ថកិច្ចជំនាញបានយកទៅរក្សាទុកនៅអធិការដ្ឋាននគរបាលខណ្ឌទួលគោក ដើម្បីរង់ចាំម្ចាស់ចូលខ្លួនដោះស្រាយ៕
ឪពុកម្តាយទៅស្រុកថៃផ្ញើកូនជាមួយជីដូនលង់ទឹកស្លាប់២នាក់
បន្ទាយមានជ័យ៖ឪពុកម្តាយចេញទៅធ្វើការនៅស្រុកថៃបានផ្ញើកូនជាមួយម្តាយចាស់ឬជីដូនឱ្យជួយមើលថែខណៈជីដូនទៅវត្តក្មេង២នាក់បានចុះលេងទឹកស្រះក៏លង់ស្លាប់។នគរបាលប៉ុស្តិ៍បានឱ្យដឹងថា ករណីនេះកើតឡើងនៅភូមិជើងចាប ឃុំគោកបល្ល័ង្គ ស្រុកមង្គលបូរី ខេត្តបន្ទាយមានជ័យកាលពីល្ងាចថ្ងៃទី១៧ ខែមករា ឆ្នាំ២០២២។ ក្មេងលង់ទឹកស្លាប់២នាក់ឈ្មោះអ៊ីម ហុងអ៊ី ភេទប្រុស អាយុ៦ឆ្នាំ ឪពុកឈ្មោះខាន់ អ៊ីម អាយុ៣៦ឆ្នាំម្តាយឈ្មោះសេក ជីញ អាយុ៣២ឆ្នាំ។ ឈ្មោះឡមស្រីនា ភេទស្រីអាយុ៦ឆ្នាំ ឪពុកឈ្មោះវ៉ាយ ធួន អាយុ៣២ឆ្នាំម្តាយឈ្មោះសេក សារ៉េន អាយុ៣៦ ឆ្នាំ។ក្មេងរងគ្រោះទាំង២នាក់ជាបងប្អូនជីដូនមួយនឹងគ្នា។ ឪពុក ម្តាយពួកគេបានទៅធ្វើការនៅប្រទេសថៃដោយផ្ញើកូនៗឱ្យឈ្មោះទេស វ៉ីត អាយុ៦១ឆ្នាំ ត្រូវជាម្តាយជាយាយជួយមើលថែរក្សា។ប៉ុន្តថ្ងៃកើតហេតុឈ្មោះទេស វ៉ីត បានទីវត្តធ្វើបុណ្យស្រាប់តែចៅនាំគ្នាទៅលេងក្នុងស្រះក៏លង់ស្លាប់ទាំង២នាក់តែម្តង៕
ស្រ្តីម្នាក់បាត់ខ្លួន១ថ្ងៃ ស្រាប់តែប្រទះឃើញសពលង់ទឹកស្លាប់
កំពង់ធំ៖ ស្រ្តីម្នាក់បានបាត់ខ្លួនមួយថ្ងៃ ស្រាប់តែប្រទះឃើញលង់ទឹកស្លាប់ស្ថិតត្រង់ភូមិទួលនាងសាវ ឃុំផាត់សណ្តាយ ស្រុកកំពង់ស្វាយ ខេត្តកំពង់ធំកាលពីព្រឹកថ្ងៃទី៤ ខែមីនា ឆ្នាំ ២០២១។ អ្នកភូមិបានឱ្យដឹងថា៖សពជនរងគ្រោះឈ្មោះ លី គឹមឡាង ភេទស្រី អាយុ៤៣ឆ្នាំគឺមូលហេតុជនរងគ្រោះមានជំងឺប្រចាំកាយ(ស្រឺត)។ ស្រ្តីរងគ្រោះបានបាត់ខ្លួនរយ:ពេល១ថ្ងៃ កាលពីថ្ងៃទី៣ ខែមីនា ឆ្នាំ២០២១ ។ ក្រោយពេលប្រទះឃើញសមត្ថកិច្ចមូលដ្ឋានបានចុះទៅពិនិត្យសាកសពជនរងគ្រោះ រួចបញ្ជាក់ថា ពិតជាស្លាប់ដោយសារលង់ទឹកមែន៕សៅវ៉ាន់ឌី