កំពង់ឆ្នាំង៖ក្នុងឆ្នាំ២០២៣កន្លងទៅ សកម្មភាពចុះអនុវត្តការងារជំនាញ នៃមន្ត្រីខណ្ឌរដ្ឋបាលជលផលកំពង់ឆ្នាំង បានបង្រ្កាបបទល្មើសនេសាទ ប្រមាណ២០០ករណី កម្ទេចចោលឧបករណ៍ខុសច្បាប់ជាច្រើន និងចាប់ជនល្មើសចំនួន១៣នាក់ ហើយបញ្ជូនទៅតុលាការដើម្បីចាត់ការតាមច្បាប់។លោក លី ឡា នាយខណ្ឌរដ្ឋបាលជលផលកំពង់ឆ្នាំងបានឱ្យដឹងថា សកម្មភាពនៃកម្លាំងជលផលកំពង់ឆ្នាំងក្នុងឆ្នាំ២០២៣កន្លងទៅ បានសហការជាមួយកម្លាំងអាជ្ញាធរ និងសមត្ថកិច្ចពាក់ព័ន្ធ ចុះបង្ក្រាបបទល្មើសនេសាទចំនួន១៩៧ករណី។ជាមួយនេះដែរបានបំផ្លាញចោលឧបករណ៍នេសាទចំនួន១៦៧ករណី។លោកនាយខណ្ឌរដ្ឋបាលជលផលកំពង់ឆ្នាំងបានឱ្យដឹងទៀតថា ការបង្រ្កាបបទល្មើសនេសាទមានដូចជា ការប្រើប្រាស់ឧបករណ៍ស្បៃមុង-ដាក់សម្រាស់-របាំងលបដែលមានប្រវែងវែង-ឧបករណ៍ឆក់-ប្រើគ្រឿងចក្រឈូសឆាយព្រៃលិចទឹក១២ករណី។ការដឹកជញ្ជូនផលិតផលជលផល ដែលគ្មានច្បាប់អនុញ្ញាត្ត-ឧបករណ៍ជនរុញដោយកម្លាំងម៉ាស៊ីន និងបទល្មើសផ្សេងៗទៀត។ក្នុងនោះសមត្ថកិច្ចបានឃាត់ខ្លួនជន ប្រព្រឹត្តបទល្មើសនេសាទចំនួន១៣នាក់ ហើយបានបញ្ជូនទៅតុលាការ។នាយខណ្ឌរដ្ឋបាលជលផលបានបញ្ជាក់ថា បទល្មើសនេសាទក្នុងឆ្នាំ២០២៣កន្លងទៅ មានការថយចុះ បើធៀបនឹងឆ្នាំ២០២២។រីឯបទល្មើសនេសាទដែលបានថយចុះនេះ ដោយសារតែកិច្ចសហការក្នុងការបង្រ្កាប ទប់ស្កាត់បទល្មើសបានទាន់ពេលវេលា។ ពិសេសការចុះផ្សព្វផ្សាយអប់រំរបស់មន្រ្តីជំនាញ ជូនដល់ប្រជាពលរដ្ឋឱ្យបានយល់ដឹង កាន់តែច្រើនអំពីច្បាប់ស្តីពីជលផល៕
Related Articles
ឱកាសអបអរបុណ្យចេញព្រះវស្សារដ្ឋបាលខេត្តនឹងរៀបចំពិធីប្រណាំងទូក ងខ្នាតអន្តរជាតិ
កំពង់ចាម៖ក្នុងឱកាសអបអរបុណ្យចេញព្រះវស្សារដ្ឋបាលខេត្តកំពង់ចាមនឹងរៀបចំពិធីប្រណាំងទូកង ខ្នាតអន្តរជាតិនៅថ្ងៃទី១០ខែតុលាឆ្នាំ២០២២ខាងមុខនេះ។លោក អ៊ុន ចាន់ដា អភិបាលខេត្តកំពង់ចាមនៅថ្ងៃទី៣០ខែកញ្ញានេះក្នុងកិច្ចប្រជុំត្រៀមរៀបចំពិធីប្រណាំទូកងនៅក្នុងក្រុងកំពង់ចាម លោកបានថ្លែងថា ដើម្បីអបអរពិធីបុណ្យចេញព្រះវស្សាដែលនឹងប្រព្រឹត្តនៅថ្ងៃទី១០ខែតុលាខាងមុខនេះរដ្ឋបាលខេត្តកំពង់ចាម នឹងរៀបចំពិធីប្រណាំងទូក ង ខ្នាតអន្តរជាតិ បណ្តែតប្រទីប តាំងពិព័រពណ៌ និងអុជកាំជ្រួច នៅក្រុងកំពង់ចាម។អភិបាលខេត្តកំពង់ចាមបានបន្តថា នៅក្នុងពិធីប្រណាំងទូកងខ្នាតអន្តរជាតិនោះ ក្រៅពីមានការចូលរួមពីទូកងក្នុងខេត្តកំពង់ចាមក៏មានការចូលរួមពីទូកងល្បីៗជាគ្រឿងមកពីខេត្តត្បូងឃ្មុំ ដោយមានការគាំទ្រ និងឧបត្ថម្ភការផ្សាយបន្តផ្ទាល់ពីលោក ខៀវ កាញារីទ្ធរដ្ឋមន្រ្តីក្រសួងព័ត៌មាន បានទស្សនាទូទាំងប្រទេស។លោកបានបន្តថាក្រោយពីចប់ពិធីប្រណាំងទូក ង គឺបន្តទៅពិធីតាំងពិពណ៌ភូមិមួយផលិតផលមួយ ជាច្រើនរយស្តង់, ពិធីបាញ់កាំជ្រួច និងពិធីបណ្តែតប្រទីប ដើម្បីអបអរពិធីបុណ្យចេញព្រះវស្សា៕ដោយ៖ញ៉ែមសុផល
ប៉ូលិសចាប់ដាក់ខ្នោះបុរសម្នាក់ស្រវឹងស្រានិងបែកថ្នាំបានដុតម៉ូតូឪពុកចោល
សៀមរាប៖កម្លាំងនគរបាលប្រឆាំងការជួញដូរមនុស្សនិងការពារអនីតិជនកាលពីរសៀលថ្ងៃទី៧ខែធ្នូឆ្នាំ២០២០បានចាប់វាយខ្នោះបុរសម្នាក់ករណីហឹង្សាក្នុងគ្រួសារដោយដុតបំផ្លាញម៉ូតូរបស់ឪពុកចោល១គ្រឿង។ លោកវរសេនីយ៍ឯកជា ហេង នាយការិយាល័យនគរបាល ប្រឆាំងការជួញដូរមនុស្សនិងការពារអនីតិ ជនខេត្តសៀមរាបបានឱ្យដឹងថាជនដែលឃាត់ខ្លួនឈ្មោះតិកសួរភេទប្រុសអាយុ២៤ឆ្នាំរស់នៅភូមិភ្នាជ័យសង្កាត់ស្វាយដង្គុំក្រុងសៀមរាប។ លោកបន្តថាជនរងគ្រោះឈ្មោះតិកសឿនភេទប្រុសអាយុ៥៦ឆ្នាំត្រូវជាឪពុកស្ថិតនៅភូមិភ្ញាជ័យសង្កាត់ស្វាយដង្គំ។ជនសង្ស័យឈ្មោះតិកសួរភេទប្រុសអាយុ២៤ឆ្នាំបានធ្វើសកម្មភាពប្រើប្រាស់សារធាតុញៀននិងបង្កហិង្សាក្នុងគ្រួសារដោយដុតបំផ្លាញម៉ូតូ១គ្រឿងម៉ាកហុងដាវេវពណ៌ខ្មៅស៊េរីឆ្នាំ២០១៦ពាក់ផ្លាកលេខសៀមរាប១U០២៥៥ឆាបឆេះខូចទាំងស្រុង។ជននេះពេលស្រវឹងនិងពេលប្រើប្រាស់សារធាតុញៀនតែងតែរករឿងអ្នកផ្ទះនិងប្រើហឹង្សាជារឿយៗដាក់ឪពុកខ្លួន។ ក្រោយពីសាកសួរ និងស្តាប់ចម្លើយសារភាព ជន សង្ស័យ បានរៀបចំសំណុំរឿងបញ្ជូនទៅតុលាការ ក្រោមបទចោទប្រកាន់ ប្រព្រឹត្តិអំពើហឹង្សាក្នុងគ្រួសារ៕ស.សែត
មេបញ្ជាការទ័ពខេត្តព្រះវិហារដឹកនាំក្រុមការងារចុះជួយសង់ផ្ទះជូនអតីតយុទ្ធជន
ព្រះវិហារ៖ថ្ងៃទី៩ខែឧសភាឆ្នាំ២០២០លោកឧត្តមសេនីយ៍ទោច័ន្ទសុភ័ក្ត្រាមេបញ្ជាការតំបន់ប្រតិបត្តិការសឹករងព្រះវិហារនិងជាប្រធានស.អ.កខេត្តព្រះវិហារ។រួមជាមួយមន្ត្រីក្រោមឱវាទនិងមន្ត្រីស្ថាប័នពាក់ព័ន្ធមួយចំនួនបានចុះជួយលើកផ្ទះជូនអតីតយុទ្ធជនឈ្មោះ ចៅ សុត្ថា ភេទប្រុស អាយុ ៦១ឆ្នាំជានិវត្តន៍ជន។ លំនៅស្ថាននោះស្ថិតនៅភូមិថ្នល់កោងឃុំរំដោះស្រុករវៀងខេត្តព្រះវិហារផ្ទះមានទំហំ៥ម៉ែត្រគុណ៧ម៉ែត្រធ្វើអំពីឈើប្រក់ស័ង្កសីចំណាយថវិកាអស់ចំនួន៩.៥០០.០០០រៀលដែលជាអំណោយដ៏ថ្លៃថ្លាររបស់សម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនិងជាប្រធានសមាគមអតីតយុទ្ធជនកម្ពុជា៕ញ៉ែមសុផល