ភ្នំពេញ៖ក្រសួងធនធានទឹក និងឧតុនិយមបានជូនដំណឹង ពីស្ថានភាពអាកាសធាតុនៅកម្ពុជាចាប់ពីថ្ងៃទី២៨ ខែកុម្ភៈដល់ថ្ងៃទី១ ខែមីនាឆ្នាំ២០២៤ នឹងមានភ្លៀងធ្លាក់ក្នុងកម្រិតខ្សោយគ្របដណ្តប់លើផ្ទៃដី១០ភាគរយ។មានខ្យល់បក់មកពីទិសអាគ្នេយ៍មានល្បឿនមធ្យម៣ម៉ែត្រ/វិនាទី។ជ្រលងសម្ពាធទាបនៅបន្តមានឥទ្ធិពលលើឈូងសមុទ្រថៃ និងគ្របដណ្ដប់មកលើប្រទេសកម្ពុជា និងសម្ពាធខ្ពស់នៅសមុទ្រចិនខាងត្បូងបានថយឥទ្ធិពល។ខណៈដែលខ្យល់បក់មកពីទិសនិរតី និងអាគ្នេយ៍។ស្ថានភាពបែបនេះនឹងធ្វើឱ្យ ១-តំបន់វាលទំនាប៖⁃សីតុណ្ហភាពមធ្យមអប្បបរមា២៥°C និងសីតុណ្ហភាពមធ្យមអតិបរមា៣៦°C។ ផ្ទៃមេឃមានពពកពីតិចទៅមធ្យម នឹងមានភ្លៀងធ្លាក់ក្នុងកម្រិតខ្សោយ គ្របដណ្តប់លើផ្ទៃដី១០ភាគរយ និងមានខ្យល់បក់មកពីទិសអាគ្នេយ៍មានល្បឿនមធ្យម៣ម៉ែត្រ/វិនាទី។ ២-តំបន់ខ្ពង់រាប៖-សីតុណ្ហភាពមធ្យមអប្បបរមា២៣°C និងសីតុណ្ហភាពមធ្យមអតិបរមា៣៦°C ផ្ទៃមេឃមានពពកពីតិចទៅមធ្យម។ ដោយឡែកនៅខេត្តកំពង់ស្ពឺនឹងមានភ្លៀងធ្លាក់ក្នុងកម្រិតខ្សោយគ្របដណ្តប់លើផ្ទៃដី៥ភាគរយ ខ្យល់បក់មកពីទិសបូព៌មានល្បឿនមធ្យម៣ម៉ែត្រ/វិនាទី ។៣-តំបន់មាត់សមុទ្រ៖-សីតុណ្ហភាពមធ្យមអប្បបរមា២៣°C និងសីតុណ្ហភាពមធ្យមអតិបរមា៣៦°C ផ្ទៃមេឃមានពពកពីតិចទៅមធ្យម មានភ្លៀងធ្លាក់ក្នុងកម្រិតខ្សោយគ្របដណ្តប់លើផ្ទៃដី២០ភាគរយខ្យល់បក់មកពីទិសនិរតី មានល្បឿន៣ម៉ែត្រ/វិនាទី។-រលកសមុទ្រមានកម្ពស់មធ្យមអប្បបរមា០,៥០ម៉ែត្រ និងកម្ពស់មធ្យមអតិបរមា១,៥០ម៉ែត្រ៕
Related Articles
កម្លាំងឧទ្យានុរក្សនៃដែនជម្រកសត្វបានចាប់សត្វព្រៃជិត៤០ក្បាល
មណ្ឌលគិរី៖កម្លាំងឧទ្យានុរក្សនៃដែនជម្រកសត្វព្រៃកែវសីមានៃមន្ទីរបរិស្ថានខេត្តមណ្ឌលគិរី បានចុះល្បាតបានចាប់ជនសង្ស័យ២នាក់និងសត្វល្វាចេកចំនួន៣៩ក្បាល។មន្ត្រីឧទ្យានុរក្សបវានឱ្យដឹងថា កម្លាំ្ងងបានចុះតាមដាន អង្កេត ស្រាវជ្រាវ បង្ការ ទប់ស្កាត់ និងបង្ក្រាបបទល្មើសធនធានធម្មជាតិស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី ។ក្នុងពេលប្រតិបត្តិកាបានប្រទះឃើញជនសង្ស័យចំនួន២នាក់ ជិះម៉ូតូ២គ្រឿង។ស្ថិតក្នុងការសង្ស័យសមត្ថកិច្ច ក៏បានឃាត់សួរនាំក៏ឃើញមានសត្វល្វាចេកព្រៃដែលជនសង្ស័យលាក់ក្នុងម៉ូតូបម្រុងយកទៅលក់នៅប្រទេសវៀតណាម។ក្នុងនោះបានរឹបអូសវត្ថុតាង សត្វល្វាចេកចំនួន៣៩ក្បាល-និងម៉ូតូម៉ាកវេវ ចំនួន២គ្រឿង។ក្រោយមកសមត្ថកិច្ចបានឃាត់ខ្លួននាំយកទៅមន្ទីរបរិស្ថានខេត្តមណ្ឌលគិរីដើម្បីបន្តនីតិវិធី៕ដោយ៖សុខុម
ក្រសួងមហាផ្ទៃ ចាត់តាំងមន្ត្រីចុះស្រាវជ្រាវរឿងពលរដ្ឋ សុំដកតំណែងអភិបាលខេត្ត២រួប
បន្ទាយមានជ័យ៖លិខិតបង្គាប់ការរបស់ក្រសួងមហាផ្ទៃ បានចាត់តាំងមន្ត្រីចំនួន១០រូប ចុះស្រាវជ្រាវពិនិត្យលើការអនុវត្ត របស់រដ្ឋបាលខេត្តបន្ទាយមានជ័យ។ បន្ទាប់ពីមានស្នាមម្រាមដៃពលរដ្ឋ ជាច្រើនប្តឹងសុំឱ្យដកតំណែងអភិបាលខេត្តបន្ទាយមានជ័យចំនួន២រូប។ស្នាមម្រាមដៃពលរដ្ឋក្នុងពាក្យបណ្តឹងនោះមានអត្ថន័យ សុំដកលោក អ៊ុំរាត្រី អភិបាលខេត្ត និងលោកង៉ោ ម៉េងជ្រួន អភិបាលរងខេត្តចេញពីតំណែង ករណីរឿងដោះស្រាយដីធ្លី។ក្រសួងមហាផ្ទៃបានចេញលិខិតបង្គាប់ការលេខ៤២៦ល.ប.ក កាលពីថ្ងៃទី២០ ខែធ្នូឆ្នាំ២០២៣ ចុះហត្ថលេខាដោយឯកឧត្តម អ៊ុំ ម៉ារ៉ា រដ្ឋលេខាធិការក្រសួងមហាផ្ទៃ។សូបបញ្ជាក់ថា កាលពីថ្មីៗនេះប្រជាពលរដ្ឋ២ភូមិចំនួន១០០គ្រួសារ បានផ្តិតម្រាមដៃប្តឹងទៅក្រសួងមហាផ្ទៃ ដើម្បីផ្លាស់ប្តូរលោក អ៊ុំ រាត្រី និងលោក ង៉ោ ម៉េងជ្រួន។ករណីទំនាស់ដីធ្លី រវាងប្រជាពលរដ្ឋភូមិចាន់គីរី និងភូមិទួលប្រាសាទ ជាមួយសមាគមន៍អភិវឌ្ឍន៍កសិកម្មជាតិ ដែលមានផ្ទៃដីចំនួន១៧២ហិកតា។ការវិវាទនោះបានកើតឡើងជិត២០ឆ្នាំដែលបានដោះស្រាយទាំងអយុត្តិធម៌ ទើបពលរដ្ឋកើតទុកមិនសុខចិត្ត សុំដកអភិបាលខេត្តចំនួន២រូប តែម្តង៕
លោកកឹមសុខាពាក់ម៉ាស់ចូលក្នុងតុលាការ
ភ្នំពេញ៖ខុសប្លែកពីពេលមុនៗលោកកឹមសុខាអតីតប្រធានគណបក្សសង្គ្រោះជាតិបានពាក់ម៉ាស់ដើរចូលក្នុងតុលាការនៅព្រឹកថ្ងៃទី៥ខែកុម្ភៈឆ្នាំ២០២០។គេនៅមិនទាន់ដឹងថាការពាក់ម៉ាស់នេះដោយសារលោកកឹមសុខាផ្តាសសាយធំឬក៏ដើម្បីការពារកុំឱ្យឆ្លងវីរុសកូរ៉ូណា?។សវនាការកាត់ទោសលោកកឹម សុខា ចូលដល់សប្តាហ៍ទី៤ហើយ។ សមាសភាពក្រុមប្រឹក្សាជំនុំជម្រះមានដូចជា: លោកកូយ សៅ ជាប្រធានក្រុមប្រឹក្សា លោកសេង លាង ចៅក្រមប្រឹក្សា លោកធាន ច័ន្ទពិសិដ្ឋ ជាចៅក្រមប្រឹក្សា និងលោកជ័យវាសនាជាក្រឡាបញ្ជីសវនាការ។សំណុំរឿងក្តីលោកកឹម សុខា ត្រូវបានតុលាការយកមកដំណើរការបើកសវនាការកាលពីថ្ងៃទី១៥-១៦ ខែមករា ឆ្នាំ២០២០។ បន្ត ទៅ ថ្ងៃទី២២-២៣ ខែមករា ឆ្នាំ២០២០។ បន្តមកដល់ថ្ងៃទី២៩-៣០ ខែមករា ឆ្នាំ២០២០។ ក្រុមប្រឹក្សាជំនុំជម្រះនៃសាលាដំបូងរាជធានីភ្នំពេញដែលទទួលបន្ទុកចាត់ការលើសំណុំរឿងព្រហ្មទណ្ឌជំនុំជម្រះលេខ៤៧៧៧ចុះថ្ងៃទី៣ខែធ្នូឆ្នាំ២០១៩ដែលមានជនជាប់ចោទឈ្មោះកឹមសុខាជាប់ចោទពីបទសន្និដ្ឋិភាពជាមួយបរទេស។ តាមាមត្រា៤៤៣នៃក្រមព្រហ្មទណ្ឌបានកំណត់កាលបរិច្ឆេទជំនុំជម្រះលើសំណុំរឿងនេះ នៅថ្ងៃទី១៥ ខែមករា ឆ្នាំ២០២០ វេលាម៉ោង៨និង៣០នាទីព្រឹក នៅសាលសវនាការទី១ នៃសាលាដំបូងរាជធានីភ្នំពេញ។ កាលពីថ្ងៃទី៥ខែកញ្ញាឆ្នាំ២០១៧សាលាដំបូងរាជធានីភ្នំពេញបានទទួលចាត់ការស៊ើបសួរលើសំណុំរឿងព្រហ្មទណ្ឌលេខ ៥៦៤២ ចុះថ្ងៃទី០៣ ខែកញ្ញា ឆ្នាំ២០១៧ ដែលមានជនត្រូវចោទឈ្មោះ កឹម សុខា ភេទប្រុសសញ្ជាតិខ្មែរកើតថ្ងៃទី២៧ខែមិថុនាឆ្នាំ១៩៥៣ត្រូវបានចោទប្រកាន់ពីបទសន្និដ្ឋិភាពជាមួយបរទេស ប្រព្រឹត្តនៅប្រទេសកម្ពុជា និងទីកន្លែងផ្សេងទៀត កាលពីអំឡុងឆ្នាំ១៩៩៣ ដល់ថ្ងៃទី០៣ ខែកញ្ញា ឆ្នាំ២០១៧ តាមមាត្រា៤៤៣ នៃក្រមព្រហ្មទណ្ឌ។ ក្រោយពីបានស្រាវជ្រាវនិងស៊ើបសួរចប់សព្វគ្រប់ចៅក្រមស៊ើបសួរពិនិត្យឃើញថាមានភស្តុតាងដាក់បន្ទុកគ្រប់គ្រាន់លើជនត្រូវចោទឈ្មោះកឹមសុខាពីបទសន្និដ្ឋិភាពជាមួយបរទេសហើយចៅក្រមស៊ើបសួរបានសម្រេចបិទបញ្ចប់ការស៊ើបសួរនេះដោយបញ្ជូនជនត្រូវចោទឈ្មោះកឹមសុខាទៅតុលាការជំនុំជម្រះ តាមដីកាបញ្ជូនទៅជំនុំជម្រះលេខ ៦៤០០ «គ» […]