ត្បូងឃ្មុំ៖ខុទ្ធកាល័យសម្តេចអគ្គមហាសេបតីតេជោហ៊ុនសែតបានធ្វើសន្និសីទកាសែតបង្ហាញពីល្បិចកលឆបោករបស់ជនសង្ស័យចំនួនពីរនាក់ត្រូវបានចាប់ខ្លួនបញ្ជូនទៅសាលាដំបូងខេត្តត្បូងឃ្មុំ។ ក្រោយពីការស៊ើបអង្កេតជាច្រើនខែរបស់សមត្ថកិច្ចរកឃើញថាជនសង្ស័យបានប្រើប្រាស់ទិញស៊ីមទូរស័ព្ទអត់មានអត្តសញ្ញាណប័ត្រ។ដើម្បីក្លែងឈ្មោះថ្នាក់ដឹកនាំជាន់ខ្ពស់ស្ថាបននានាទារប្រាក់ពីមន្ត្រីរាជការត្រូវឡើង មុខតំណែង តួនាទីណាមួយនោះ។ សន្និសីទកាសែតនេះបានធ្វើឡើងនៅក្នុងស្នងការដ្ឋាននគរបាលខេត្តត្បូងឃ្មុំដោយមានការចូលរួមពីអ្នកសារព័ត៌មានជាច្រើនអង្គភាពកាលពីរសៀលថ្ងៃទី២១ខែកក្កដាឆ្នាំ២០២០។ លោកប៉ាន់ខែមប៊ុនថន នាយករងខុទ្ធកាល័យសម្តេចតេជោហ៊ុនសែនបានមានប្រសាសន៍ថាៈសំណុំរឿងឆបោកនេះយើងបានសហការជាមួយខាងអគ្គស្នងការនគរបាលជាតិ,ស្នងការនគរបាលខេត្តត្បូងឃ្មុំ,និងស្នងការនគរបាលខេត្តស្វាយរៀង។សមត្ថកិច្ចបានបើកការស៊ើបអង្កេតឈានទៅកំណត់មុខសញ្ញាជនសង្ស័យនិងចាប់ឃាត់ចំនួនពីរនាក់ដើម្បីចាត់ការតាមនីតិវិធីបញ្ជូនទៅតុលាកាកាលពីដើមខែកក្កដាឆ្នាំ២០២០នេះ។ លោកនាយករងខុទ្ធកាល័យបានរំលឹកថាៈបំបែកសំណុំរឿងមួយនេះ និងចាប់ខ្លួនបុរសឈ្មោះ សួន មុនី នៅខេត្តស្វាយរៀងជាមេខ្លោង និងម្នាក់ទៀតជាស្ត្រីឈ្មោះ ខុនសុម៉ាលីនៅខេត្តត្បូងឃ្មំជាជំនួយការ បានចំណាយពេលវេលាច្រើនខែ។ដោយសារជនសង្ស័យជាមេខ្លោងម្នាក់នេះបានប្រើប្រាស់ស៊ីមទូរស័ព្ទទិញអត់មានអត្តសញ្ញាណប័ណ្ណ។ គឺក្រោយពីគាត់ឈ្មោះសួនមុនីក្លែងឈ្មោះដើរតួជាមន្ត្រីជាន់ខ្ពស់ពេលខ្លះជា ខុទ្ធកាល័យសម្តេចតេជោ ជាលោក ហូ សុទ្ធី,ជាលោក ហ៊ី ប៊ុនហៀង, ជាលោក កើត វ៉ាន់ឌី …ជាដើមទៅតេទៅមន្ត្រីរាជការដែលគេរកឃើញត្រូវឡើងតំណែងតួនាទីនោះ។ពិសេសស៊ីមជាលេខទូរស័ព្ទនេះគេប្រើប្រាស់តែមួយថ្ងៃ បំផ្លាញចោលបំបាត់ភស្តុតាងតែម្តង។ លោកប៉ាន់ខែមប៊ុនថនបានបន្ថែមថាៈដូច្នេះសូមបងប្អូនជាមន្ត្រីរាជការទាំងអស់ដែលខំប្រឹងប្រែងធ្វើការងាររហូតទទួលបានលទ្ធផលផ្លែផ្កានិងមានការជឿទុកចិត្តពីថ្នាក់ដឹកនាំបានប្រគល់តំណែងឱ្យនោះសូមកុំចាញ់បោករូបភាពបែបនេះទៀត។ បើករណីមានអ្នកហៅទូរស័ព្ទទៅបង្ហាញប្រាប់ពីករណីដូចបានជម្រាបខាងលើដើម្បីទារប្រាក់ជាថ្នូរនឹងការឡើងតំណែងគឺសូមទូរស័ព្ទទំនាក់ទំនងមកលោកផ្ទាល់ឬក៏សមត្ថកិច្ចនៅជិតខ្លួនដើម្បីដាក់ពាក្យបណ្តឹង។ជៀសវាងកុំឱ្យធ្លាក់ក្នុងឧបាយកលបោកប្រាស់បែបនេះបន្តទៀត៕សម្បត្តិ
