បាត់ដំបង៖កម្លាំងនគរបាលប្រឆាំងគ្រឿងញៀនខេត្តកាលពីព្រឹកថ្ងៃទី៨ខែមេសាឆ្នាំ២០២០បានបញ្ជូនជនសង្ស័យប្រុសស្រី៦នាក់ទៅតុលាការពីបទជួញដួរគ្រឿងញៀននៅក្នុងស្រុកមោងឬស្សី,ស្រុកភ្នំព្រឹក,និងក្រុងបាត់ដំបង។
លោកសុខនិមលនាយការិយាល័យប្រឆាំងគ្រឿងញៀនខេត្តបានឱ្យដឹងថាលើកទី១ជនសង្ស័យប្រុស២នាក់ដែលនគរបាលក្រុងបាត់ដំបងចាប់ខ្លួនបានកាលពីរសៀលថ្ងៃទី៦ខែមេសាឆ្នាំ២០២០។ឈ្មោះម៉ក់តាហ្វិចភេទប្រុសអាយុ១៦ឆ្នាំនៅភូមិដាំស្ពៃសង្កាត់ស្លាកែតនិងឈ្មោះសាវិនប៊ុនយ៉ុងភេទប្រុសអាយុ១៧ឆ្នាំនៅភូមិតាប៉ុនឃុំតាប៉ុនស្រុកសង្កែ។
សមត្ថកិច្ចដកហូតបានថ្នាំញៀនប្រភេទម៉ាទឹកកកចំនួន២ថង់ទម្ងន់១,៩១ក្រាមទូរស័ព្ទដៃ២គ្រឿងនិងសម្ភារះសម្រាបច្រកថ្នាំញៀនមួយចំនួន។លើកទី២នៅរដៀលថ្ងៃទី៦ខែមេសានគរបាលស្រុកមោងឬស្សីបានឃាត់ខ្លួនជនសង្ស័យប្រុសស្រី២នាក់មាន១ឈ្មោះសួសជីវ៉ាភេទប្រុសអាយុ២៥ឆ្នាំដកហូតវត្ថុតាងមានថ្នាំញៀនប្រេទម៉ាទេកកក១ថង់ទម្ងន់០,២៩ក្រាម។បន្តទៅចាប់ស្ត្រីម្នាក់ទៀតឈ្មោះពុំសុមុន្នីហៅស្រីសអាយុ៤០ឆ្នាំដកហូតវត្ថុតាងម៉ាទឹកកក២ងហ់ទម្ងន់៦,៧៧ក្រាម។
លោកនិមលបានបន្តថាលើកទី៣នៅព្រឹកថ្ងៃទី៦ខែមេសាកម្លាំងនគរបាលស្រុកភ្នំព្រឹកបានឃាត់ខ្លួនជនសង្ស័យម្នាក់ឈ្មោះប្រសក់សេងហុងភេទប្រុសអាយុ២៣ឆ្នាំដកហូតវត្ងុតាងថ្នាំញៀនម៉ាទឹកកក២ថង់ទម្ងន់៦,៨៥ក្រាមកូនជញ្ជីងសម្រាប់ថ្លឹងថ្នាំញៀន១ទូរស័ព្ទដៃ១សម្ភារសម្រាប់វេចខ្ចប់ថ្នាំញៀន។និងសម្ភារសម្រាប់ប្រើប្រាស់ថ្នាំញៀនមួយចំនួន។
លើកទី៤នៅយប់ថ្ងៃទី៦ខែមេសាឆ្នាំ២០២០នគរបាលស្រុកមោងឬស្សីឃាត់ខ្លួនបានបានជនសង្ស័យម្នាក់នៅចំណុចភូមិស្រម៉មាសឃុំព្រៃស្វាយស្រុកមោងឬស្សី។ជនសង្ស័យឈ្មោះមិត្តលីភេទន្រុសអាយុ៦១ឆ្នាំដកហូតបានថ្នាំញៀនប្រភេទម៉ាទឹកកចំនួន២ថង់ទម្ងន់០,៦៤ក្រាមទូរស័ព្ទដៃ១គ្រឿងនិងម៉ូតូ១គ្រឿងម៉ាកវ៉េវអាល់ហ្វាគ្មានស្លាកលេខ៕